" بَعَش الوَحوش "

الجُزء الأول

( تَمْ التَعْدِيل عَلى الأجزاء )

بَمُكَان مَعْزُول عن النَاس بَغابة بَعيدة كُلش
مَوجُود قَصَر چبِير وَحَلو وَبالارجاء مَوجود شكال وألوان مَن الورَد، الشَجر والحَدايق..

بَذِيچ الغُرْفَة اللي چنها غُرفة أمِيرة وهـيَ فَعلًا غُرفة أمِيرة تْتواجَد بْنية حَلوة حَيل بَس طَبعًا ماكو شِي مُكتَمِل مَثل طريقة نَومها المتخَربطة
بَحيث نايمة بـالمگلُوب رجلِينها بمُكان راسها والعكَس وَيَ راسها وچانَتْ حَاضنة البطَانية
وأكِيد النَوم الثَگيل والمُريح بَس هَاي الراحة مادَمتْ لَمن دَخل عَليها أخوها صاحب الهَيكل الضَخُم أبو العَيون الزرُگ مَلطَخة بالأخضر وشعْرَه أسْود جَمُر وكُلَش صاك تگرَب مَن الچُربايه عَلكِيف بخطوات مُستَقيمة گـعَد عَلى الجُرباية بَصفها وگال:
" سَدِيم.. سَدو! سدو حَبيبي گومِي گعْدي يَلا..

هَمْهمَتْ سَدِيم ماتْقبل تَگعد فَوتت راسها بَالبطانية بَضوجة

أصْهَب بَخبَث: " مَراح تگعدين يعني؟

سَدِيم بَنُعاس: " لا! وَلي.

وگف أصْهَب وراح عَلحمَام بأبتسامة صَفح مَناوي عَلى خَير أخَذله گلاص مَي بَارد وَرجع عَلى سَدِيم سَحب البطَانية وچان يَكبي الگلاص بَوجه سَديم.

سَدِيم بَفزعة وَغضب:" أصهببب ياجحَش! وحگ الله ماراح أمررها ألك دصبرلي.!

أصهب فز عَلباب ميت ضحك عَليها وصرخ:
أنتِ دَكضِيني أول شَي وبعَدين تَوعديلي.

ركضَتْ سَدِيم وراه عَسريع وَهي بكَفشتها بَس أصهَب خَتل وَرا أبوه وَهُوَ يَباوع لسَديم مَطَلع لسانه وَيعَيب عَليها وَگفت سَدِيم گدام أبوها تحاول تَكض أصهب.

أبَوهَم وَهو مَحصور بَينهُم: " هَاي شَبيهن مَلابسَچ مَنگعة هَيج؟

سَدِيم حَجت وهي متشابچة وَي أصهَب تَريد تكَضه:" أسأل هَاذ الجَحَش الوَراك شگده شكبره طَش عَلي مَي.!

أصهَب بدرامية: " أني! الجَحَش! غلطانة أني الزلمة الي الف وحدة تَركَض وراي.

سَدِيم بزَعل: " أي أنتَ جَحش وَين أكو أخ يَسوي بأخته الصغيرة هَيج!؟ چنت حَلمانة حلم كُلش حَلو بَس أنتَ خَربته،ماراح أسامحك.!

أصْهَب: " حَتى لَو گتلَچ أني حاخذَچ وَياي عَلى بيت جَدو؟

سَدِيم فَرحت مَمصدگته: " شَنو؟ كَل عقلَك؟ تشاقه أكيد!

گالت وَهيَ تباوع عَلى أبوها وعبالها مَحيوافق حَتى لَو أصهب چان يشاقه.

أبوهُم تُراث أبتَسم وگال: " هَو ميشاقه لان جَدچ عَزمنا عَلى العشا فَحنروح.

سَدِيم فرحانة كُلش لأنها مافَد مرة راحت على بيت أو نگدر نگول قصر جدها بـس هو چان يجي عَليهُم فَـگُمزت عَلى أبوها وحضنته وحجَتْ: " وَالله مَمصدگة حروح على بيت جَدي وأخيرًا!

أصْهَب وهو يتگرب عَليُهم: " شنو أني مَن المغضوبِ عَليهُم؟ أريد حُضن هَم!

سَدِيم عَافتْ حُضن أبوها وراحت عَلى أصهب حَضنته: " طبعًا مَوجود! لأحلى جحش بالعالم.

أصْهَب حَضنها أقوة: " حسامحچ على الجُملة الاخيرة.

ـ"

طَبعًا صار تعديل بسيط بواسطة اخت الكاتبة
انو تغيرت لهجة الرواية من الفصحى الى اللهجة العراقية نظرًا لهول الكلمات قليلة الفصاحة.

أعرفكُم عَلى ألبطَلة سَديم طَبعًا هَيَ حساسة بس تاخذ حقها بسرعة تبجي ماتسكت على الظلم أبد عُمرها تَسعطعَش.

تحب الحيوانات وتخاف من الحشرات وشوية تخاف من الضلمة وماننسى لونها المفضل الوردي.

أصْهَب أخ البطلة الجَبير عُمره سَبعة وَعشرين سَنة سبورتي وحنون بس وي الاشخاص المُفضلين هادئ للاشخاص الجُدد سريع الانفعال جاد شوية وَها ماننسى صاحب العضلات اللي طوله ١٨٩سَم.

تُرآث أب البَطلة يحب عائلته وَزوجته المتوفية حنين جاد ميحطك بموقف محرج عُمره واحد وخَمسين سـنة.

كُل شخصية جَديدة حَيتم التعريف عنها بكُل جزء هَي بَي.

وهَسه بَيباي.

٤٦٥ كَلمة.