i found MY missing piece in YOU | sungjeng

🧩 💚

!!! cringe pronouns alert !!!

Jay birthday projectဖြစ်တဲ့ Spring Child Jongseong projectထဲမှာပါဝင်ခဲ့တဲ့ jayhoon oneshotလေးပါ။ fundမှာ ပါဝင်ထားတဲ့သူတွေ အဆင်မပြေတာမျိုးရှိရင် ပြန်ဖျက်ပေးပါမယ်ရှင့်။ ကျေးဇူးတင်ပါတယ်။

•••••••••

ပြတင်းပေါက်အပြင်ဘက်တွင်တော့ မိုးဟာအငြိုးတကြီးသည်းသည်းမည်းမည်းသွန်းဖြာလျက်ရှိနေသည်။ တိုင်ကပ်နာရီကိုလှမ်းကြည့်လိုက်၊ မျက်စိရှေ့မှ laptopကို ပြန်အာရုံစိုက်လိုက်နှင့် Jayတစ်ယောက်တည်း ဗျာများနေရသည်။

ညစာစားချိန်ကိုလည်း အတော်ကျော်လွန်နေပြီဖြစ်သည့်အပြင် မိုးကပါသည်းနေသည်မို့ ပြန်ရောက်မလာသေးသူအား Jayအနည်းငယ်အာရုံစိုက်မိရုံသာ။ စိတ်ပူတာမျိုးတော့မဟုတ်။ သူဟာလည်း အရွယ်ရောက်ပြီးသားယောကျ်ားတစ်ယောက်ဖြစ်သည်ပဲလေ။

မျက်ခုံးတွေကိုတွန့်ချိုးရင်း laptopကိုပဲ အာရုံစိုက်မိနေသည့်အချိန် မိုးသံသည်းသည်းကြား အိမ်ရှေ့တံခါးဖွင့်သည်ကို Jayမကြားလိုက်ရ။

"ကျွန်တော်အိမ်ပြန်ရောက်ပါပြီ"

ဘေးဘက်မှထွက်လာပါသော အသံခပ်အေးအေးကိုကြားလိုက်မှ တွန့်ချိုးထားသောမျက်ခုံးတို့ကို ဖြေလျှော့ကာမော့ကြည့်မိသည်။ မိုးမိလာလောက်မည်ဟု တွက်ဆခဲ့ပြီးဖြစ်သည့်အတိုင်း သေချာပေါက်မိုးမိလာခဲ့သည်။ bleachလုပ်ထားသော ငွေမှင်ရောင်ဆံနွယ်စတို့ဆီမှ မိုးရေစက်တို့သည် တစ်ပေါက်ချင်း။ တစ်ပေါက်ချင်း။

ရုပ်မပျက်နေသော်ငြား Sunghoonသောက်လာသည်မှန်း Jayသိပါသည်။ ဧည့်ခန်းထဲရှိAir fresherနံ့ကို ကျော်လွန်ကာ အယ်လ်ကိုဟောနံ့သည် သိသိသာသာပင်စူးထွက်နေသည်။ လူငယ်လေးမို့ သောက်သည်စားသည်ကို Jayလည်း အပြစ်မပြောချင်ပါ။ ပြောရန်လည်းမသင့်။ ရုပ်ပျက်ဆင်းပျက်ကွဲပြဲမလာသည်ကိုပင် ကျေးဇူးတင်ရမည်။

turtleneckအဖြူရောင်အပေါ်ရှိ blazerအညိုရင့်ရောင်သည်လည်း မိုးရေရွှဲလာသည်မို့ ရှိရင်းစွဲအရောင်ထက်ပိုရင့်လျက်။ အညိုရောင်slacksပွပွသည်လည်း ထိုနည်းတူစွာ။ Jayမျက်မှောင်ကြုတ်လိုက်မိသည်ထင်သည်။ အဖျားလူနာအား ပြုစုရမည့်အလုပ်ကို Jayမလုပ်ချင်ဆုံးဖြစ်သည်။