نوبة عشق

الفصل الرابع

نوبة عشق
للكاتبة هدي محمود

يدخل حسام الحسيني العناية المركزة لاصابته بذبحة صدرية.فتنهار ليلي الدمنهوري ويحاول بدر تهدئتها.
--لا تقلقي ان شاء الله هيكون كويس وهيقوم بالسلامة.
تنظر له ليلي في حزن والدموع تنهمر من عينيها
-- الوقت اللى المفروض نكون فيه جنب نهال نحميها من مروان ، نبقى فالمستشفى وهي هناك لوحدها .
يفكر بدر في ما تعانيه نهال و ما يمكنه ان يفعل لمساعدتها ،وينظر الى الاب من خلف الزجاج وقد تم وضعه على جهاز التنفس الصناعي ، والام التي لا تعلم ماذا تفعل تذهب لابنتها ام تظل بالقرب من زوجها حتى تطمئن عليه ،ثم يتحدث الى والدة نهال قائلاً
-- يمكن احنا منعرفش بعض الا قريب ، لكن منذ حادث نهال وانا اشعر ان الله قد وضعني فى طريق نهال لحكمة لا يعلمها إلا هو . انا عاوزك تثقي فيا وتعتبريني ابنا لكم .
تنظر الام الى بدر كالغريق الذي يرى امامه طوق نجاة
--بدر نهال في خطر ارجوك ساعدها .
يمسك بدر يد والدة نهال ( ليلى الدمنهوري) ويقبلها
-- متقلقيش مش هرجع من غيرها.
تشعر الام ببعض للاطمئنان وتضع يدها على كتف بدر قائلة
-- ربنا معاك يابني ويحفظك خلي بالك من مروان وممكن تاخد معاك رجالة حسام اللي بيثق فيهم ودايما بيبقوا معاه فالمواقف الصعبة .
يبتسم بدر ابتسامة رقيقة
-- مش عاوزك تقلقي ،فعندي رجالي اللي بثق فيهم ..وبقدر اعتمد عليهم في الحاجات الهامة
ثم يتصل برجاله ويطلب منهم الاجتماع فى شقته حتى يضع خطة للتعامل مع مروان وانقاذ نهال.

نهال قامت بتجهيز حقيبتها وتستعد لمغادرة منزل مروان ،قبل عودته... وفجأة تسمع صوته ينادي على فرحة ويسأل عن نهال
-- نهال هانم في حجرتها يا سعت البيه
يصعد مروان الدرج وتسمع نهال صوت اقدامه فتخفي حقيبتها وتجلس على السرير ،يدخل مروان وينظر اليها ويبتسم
-- الاميرة الجميلة بتعمل ايه ؟ اكيد مستنية رجوع جوزها من الشغل ،ولا ايه ؟؟؟
تنظر له نهال نظرة كره واحتقار ،وتفكر كيف تستطيع الخروج من ذلك المنزل ؟
يقترب منها مروان ويقبلها فى راسها ،فتنتفض وتسرع الي الحمام وتتقيأ.



يجلس مروان على الفراش بانتظار نهال ....تعود نهال وقد بدا عليها التعب.
-- مروان من فضلك عاوزة اغير هدومي ممكن تسيبني شويه .
يضحك مروان في سخرية واستهزاء
-- اسيبك علشان تغيري يا بنتي انا جوزك انتي نسيتي ولا ايه ؟؟
تتمالك نهال نفسها وترد على مروان
-- اه نسيت انك جوزي ..وبحاول اني افتكر ايه رايك تساعدني اني افتكر وتحكيلي ايه اللي حصل قبل الحادث ؟؟؟؟
يرتبك مروان وينظر الى نهال ويرفع حاجبه
-- على العموم هسيبك دلوقتي تغيري هدومك لما نشوف اخرتها ايه معاكي .
يخرج من الغرفة وتقوم نهال بتغير ملابسها وتخرج الى الفراندة وتنظر لاسفل وهى تفكر في الهروب ولكنها شعرت بالخوف ان تقع ويحدث شىء لجنينها

يفكر مروان فيما يحدث له ، فقد خسر المناقصة التي انفق في دفع الرشاوي للفوز بها اموال كثيرة،وفى النهاية خسرها.
ونهال التي لا تطيق اقترابه منها ..
-- ازاي اوافق على كدة ، انا مروان المنشاوي ،اللي مفيش حد يقدر يقف ادامه.مش ممكن اسمح لتلك المرأة ان تقف بوجهي وتتحداني .
يصعد مروان الدرج بخطوات سريعة قاصدا غرفة نهال ،يفتح مروان الغرفة فيجد نهال تقف بالفراندة
-- زوجتنا المصون ماذا تفعل في الفراندة .
تلتف اليه نهال
-- كنت استنشق الهواء اشعر باختناق