......... في المكتب #
سليم عينه دمعت من كتر الضحك: كملو كملو
اسر بغيظ: ياعم سليم، البنات دي جايه منين
سليم وهو مازل يضحك: عليمي علمك يابني
زين: لاء بجد اعوذ بالله دول اللي قالو للشطان نام وارتاح واحنا هنكمل كفاح
سليم: حرام عليكو البنات طيبة، وكيوت خالص
مراد بغيظ: دول، دول كيوت، ياعم سليم، دول مبعتبروش بنات اصلا، دول رجاله متبنته، كان مشروع رجاله وفشل، دول مش بنات ولا كيوت
سليم: مالها البنات، بنات كويسه ومتربيه
اسر وهو بيعد علي ايدو: وعنيد، ومستفزه، ولسانها طول مترين، ودبش ساعات، جبروت ساعات تانيه، دول قضو علي ست رجاله لوحدهم
زين: بقولك ايه ياعمي، هما مش كانو هيتنقلو
سليم: ايوا ياسيدي، بس ملقناش مكان فاضي، وكمان انا عيزهم يبئو معاكو انتو
مراد بغيظ: ليه، ليه عيزهم يبئو معانا، راجل انت انا مش مطمنلك
سليم بضحك: ليه بس
اسر بتفكير: باشا هو انت لما اخدت البنات المكتب برضو كده قولت لهم ايه اصل طالعين من عندك مشاء الله زي مايكون ناوين ع جريمه..
اللواء سليم: بصلو وسكت، وشرد في حوار...
زين:يا بااااشااا
اللو سليم: في ايه يا حلوف انت وهو صرعتوني برا يلا كل واحد يشوف شغلو
زين: كلمه اخيره بس يابشا لو حصلنا حاجه هيبقا ذنبنا ف رقبتك لان لما بتتجمع انت والثلاث بنات دول مبيحصلش خير بعدها
مراد: انت خايف منهم يلا ولا ايه انت ناسي احنا مين وممكن نعمل فيهم ايه...
اللو سليم ضحك وقال: انتو سمعتو انا قولت ايه يلا عشان محطش زيت ع النار
اسر: لااا وعلي ايه الطيب احسن يلا يا جدعان
واخد مراد وزين وخرجو برا المكتب ومشيو كل واحد راح غرفتو ف المقر عشان بليل هيرجعو الجهاز هيخلصو شويه اوراق كده عشان ف عمليه جديده بيخططو لها بعد ما هيخلصو تدريبات البنات اللي معاهم
عند فيروز ونوران وشمس
فيروز نايمه علي السرير علي ظهرها وحاطه رجل علي رجل وايديها تحت راسها: وبعدين بقاا ف الملل ده انا زهقت من القاعده دي ف المكان ده احنا من العصر وحنا هنا
نوران: مين سمعك ياختشي احنا لو قطط مش هيقعدونا بالطريقه دي انا قربت اكلم نفسي من الملل
شمس: عاوزين ايه يعني هنعمل ايه لازم نفضل هنا منخرجش احنا هنا ف صحراء يا حلوه انتي وهيا لو خرجنا الثعالب هيتسلو علينا، تعالو نخرج نروح لمراد واسر وزين بحجة اننا نسالهم علي تمرينات اللي باقيه ونتسلي شويه
نوران بعقل: لاياستي احنا كل ما نقف معاهم ولا نتكلم معاهم نمسك ف خناقهم الواحد زهق برضو عاوزين نعمل حاجه جديده
شمس: بسم الله الرحمن الرحيم فيروز الحقي، مين اللي بتتكلم دي
فيروز بهدوء:عادي ده ضمير نوران لمابيصحي بس مش اكتر...
شمس ونوران بيقلقو من هدوء فيروز والغموض ده
شمس ونوران بصو لبعض وراحو نطو جمبها عالسرير كل واحده من ناحيه
نوران:مالك يا فوفتي
شمس: مالك كده يا زمكس ساكته ليه كده بتفكري ف ايه
فيروز نفخت بضيق ثم قالت: مش عارفه ليه مش مرتاح مخنوقه
نوران: ده العادي ولا ف حاجه
فيروز: لا ف حاجه حاسه في حاجه وحشه هتحصل معايا قلقانه من عمي اووي وبالاخص لما نخلص تمرينات ونروح الجهاز هو هيبقا هناك وهيفضل عينو عليا وقاطرني...
شمس: فكك يازمكس متفكريش ف اي حاجه عيشي اليوم بيومو وخلاص وسيبي الباقي ع ربنا اعملي اللي عليكي
نوران: احم احم ايه جو النكد ده بئا ان شاءالله تعالي ابت هاتي عبوطه
فيروز راحت حضنتها جاامد وشمس راحت حضنتهم هما الاتنين
فيروز: يلا بقا كفايه احضان وكأابه خنقتوني يلا نخرج..........
وقامو لبسو البنات وثقلو هدومهم عشان الجو كان بررد شويه
وخرجو بين سكن البنات والشباب مفيش ثلاث دقايق
الجو كان ليل اووي وكان باارد شويه
وبالنسبه للثلاث ابطال الجو ده بالنسبه لهم سحر
شمس: هيييح ايه الجو الجامد ده تعالو نقعد ع الارض نتحدث شويه يابستات وخلاص
نوران: اه والله يابت ياشمس جو فشييخ فعلا عاوز كبايتين سحلب وبس
فيروز واقفه مربعه ايديها وبتسمعهم: هااا خلصتو تخيلاات انتي وهيا، فعلا الجو سحر بس مينفعش نقعد ف الصحراء لوحدنا يا هوانم الثعالب تجرجشنا انجرو قدامي يا كلبوبه انتي وهيا
نوران وشمس مشيو
نوران ماشيه تدبدب برجليها
فيروز: ارفعي رجلك وامشي عدل يا دبدوبه
شمس بتبرطم
فيروز: هااا سمعاكي هقطعهولك اللي مسيباه ع طول ده ان شاءالله...
فيروز لحقتهم وانجچت الاتنين ومشيو وصلو السكن بتاع الشباب
لقو الامن ع البوابه
فيروز: لو سمحت
بتاع الامن: تحت امركم يا فندم
نوران: المقدم مراد والمقدم اسر والمقدم زين موجودين
الامن: لا والله يا فندم هما خرجو من قيمة نص ساعه وراجعين الصبح بدري باءن الله
شمس: طيب متشكرين..... يلا يابنات نرجع
الامن: في حاجه مهمه يا حضرات اتصلكم عليهم او اديهم خبر انكم جيتو وسالتو عليهم
فيروز: لا لا شكرا مفيش داعي ومتدهمش خبر لما يجو
الامن: اوامرك يا فندم
مشيو البنات رجعو مكانهم وهما داخلين السكن
لقو الثلاث بنات قاعدين ف استراحة المكان من ورا
نوران حطت ايديها ع بقها بتفكير لفيروز وشمس: بتفكرو ف نفس اللي بفكر فيه
شمس: بينا عليهم
فيروز: بقولكو ايه انا داخله مش حمل خناق مع الملزقين دول، يلا يا جماعه بلاش مشاكل
شمس؛ احنا مش هنعمل حاجه يازمكس
نوران: هنتسلي شويه يا زملتيتي...
فيروز: الصبر ياارب يلا يا مصيبه انتي وهي... نورااان براحه ها خفي تلقيحك اصل عرفاكي متتوصيش.... وانتي ياشمس خف الدبش برضو شويه ظبطيهم براحه....
شمس ونوران ف نفس واحد: طب وانتي يا فيلسوفه هتعملي ايه
فيروز بتحاول تتواضع: هتفلسف براحه برضو...
نوران شمرت كم القميص نص رفعه كده وهيا ماشيه راحه ناجيه البنات وشمس وفيروز وراها
نوران: استعنا ع الشقي بالله....
فيروز لشمس: الحقيها ياشمس شكلها مش ناويه خير خاالص...
شمس: سبيها عليهم دا حلم حياتها الغلبانه كل مره نسكتها سبيها المره دي
موده وحنين وسما قاعدين جمب بعض لابسين لبس عريان خاالص ولا اكن ف برد قاعدين بيضحكو ويهزرو عاملين نفسهم مش شايفين البنات وهما جيين عليهم
موده بغيظ: ايه دا انتو ريحين فين
نوران: وانتي مالك، كانت استراحت ابوكي
حنين بعصبيه: متلمي نفسك
فيروز: شيفاها مبعتره، وبعدين الانسه اللي جمبك هي اللي بدات، واحنا ناعد في اي حته احنا عيزنها....
سما: شكلكو عيزين تتخنقو
نوران وهي بتشمر ايدها: بالظبط، في كما حكايه عملتوها في الكليه وعيزين نصفيها هنا
موده قامت بغضب: بقولك ايه منك ليها، واللهي لو ممشتوش من هنا لهنقول للمقدم مراد
شمس بجراءة: هو انتي هتخوفينا روحي قوليلو
فيروز: وبعدين هتقوليلو ايه....بتريقه.... كنا اعدين جم اعدو اصدنا
سما: واحنا مش هنقول، احنا هنضرب
شمس ضحكت بسخريه: بجد، طب حاسبي علي ضفرك لاحسن ينكسر
حنين: فيروز، خدي عصابتك وامشي من هنا، والا مش هيحصلكو طيب
فيروز بمثيل: يمي يمي يمي، خايف ياعيد
شمس ونوران: يمي يمي يمي
موده قامت وقفت: بقولك ايه يااا بتاعة انتي لمي الاديشك ويلا من هنا يا ماما
نوران: مين اللي بتاعه يابت واحنا الاديش وديني لانتفلك حواجبك دي تعااالي....
ومسكتها من شعرها وخدتها وهوب ع الارض بتقطع نوران ف شعرها وفيروز وشمس كانو واقفين يتفرجو لما حنين وسما راحو يشدو نوران من علي موده....
فيروز مسكت حنين وشمس مسكت سما
والثلاث بنات عجنو الملزقين ضرب ولما البنات بدات تموت ف ايديهم
جه صوت الرائد نسر، المسؤل عن المكان والامن وبداو يحوشو البنات عن بعض
وفعلا الثلاثه بعدو عنهم
ومن حظهم الاسود
كان مراد واسر وزين خلصو شغلهم ف الجهاز بسرعه واقترحو انهم يرجعو المقر افضل للطمأنينه ع البنات
ولما وصلو لقو صوت البنات عالي جريو بسرعه
موده قامت من ع الارض صحابها سعدوها وهي غرقانه ف دمها وشعرها متقطع وكذالك الباقين بس نوران كانت اتوسطت بيها شويه....
وهي ماشيه وحركه غدر من موده وطت ع الارض جابت شويه رمل حدفتهم ف عين نوران من غير ما حد ياخد بالو
شافتها فيروز راحت راحه عليها ضرباها بالشلوت ف ظهرها موقعاها الارض وبرجول ف بطنها
من حظ البنات السئ ان الثلاث شباب دخلو وفيروز بتموت ف البت ومحدش عارف يحوش
اسر بصدمه: نهاااار اسود ومطين...
زين: اجري يلا حوش...
مراد: ساااابت
* الكل سابت مكانو وفيروز مش سامعه اي حاجه غير انها لازم تموت البت دي عشان ضربت نوران
راح عليها مراد من بين الامن والمسؤل اللي مش عارفين يشيلو فيروز عن موده شدها من ايديها مره واحده رفعها عليه 🌚...........
فيروز انصدمت وجسمها ارتعش شويه من مسكت ايدو دي ومراد حس ب كده....
فيروز بزعيق وعصبيه: انت ازاي تمسكني بالطريقه دي انت اتجننت
مراد بعصبيه وبصوت رجولي قوي: الظاهر انتو اللي اتجننتو لما نازلين طحن فيهم عملو ايه لكل ده
شمس من وراه: والله تقدر تقول كده تصفيه حساب وهي تستاهل اللي اتعمل فيها وزياده
زين: حسابتكو دي تصفوها برا مش هنا انتو نسيتو احنا فين ولا ايه...
نوران: لا والله مش نسينا
اسر:ولما انتو مش ناسين، بتضربوهم ومش خايفين من العقاب...
مراد: ورايا ع المكتب كلكو وانت يانسر هات الدكتور وتعالي ورايا، ونتي تعالي معايا
وشادد فيروز وراه ولا انمله ف ايديو
فيروز: ايدي اه ايدي يابو طويله انت يا غشيييم
ومراد ماشي مش بيرد عليها وماشي بسرعه كبيره....
وصلو المكتب ومراد رزع فيروز ع الكرسي
وشمس ونوران جمبها واسر وزين وحنين وموده وسما وقفين.....
وهنا هيبدأ عقاب ماارد.......
مراد بعصبيه: ممكن افهم ايه اللي حصل
حنين بعيط: هما اللي بداو وجرو شكلنا
مراد وهو بيشاور علي هدومها: اولا مينفعش تاعدو كده، ثانيا، من الباب للطاقة كده
سما: ايوا، احنا كنا اعدين جم وجرو شكلنا
مراد: واضح.... مين اللي بدا
سما: التلاته وبالاخص اللي اسمها اقطران دي
نوران بتحاول مجبهاش من شعرها هي التانيه: اسمي نوران يللي تتشكي في قفاكي، وبعدين يا سيادة المقدم احنا لايمكن نضربهم او نجي يمتهم من غير سبب
اسر بسخريه: سبب، وايه سبب انكو تضربهم وتشلفطوهم كده، قتلو حد من عليتك انتي وهي....
نوران: واللهي دا حاجه تخصنا
زين: تخصكو بره مش هنا، هنا في قواعد وقوانين لازم تتلتزمو بيها، ومن ضمن القواعد دي انكو هتتعاقبو علي اللي عملتوه دا....
شمس: نتعاقب ونتعاقب ليه بئا انشاء الله
زين بحزم: دي القوانين...
فيروز: وايه هو العقاب دا...
مراد: اولا، البنات دي تتاسفولها، وبعدين العقاب اللي بجد هتعرفوه
فيروز ونوران وشمس: نعم، ابدا
مراد ضرب بايدو علي المكتب بقوة: دا مش طلب دا امر، اخلصو....
فيروز والبنات اطرت انها تعتذر بغير نفس، وبعد كده مراد امر البنات الملزقه تمشي
مراد بخبث: غلطتو وانا كنت مستنيها، اولا، عقابكو هيكون خمس ايام بدون خرجو من الغرفه بتاعتكو + مافيش اكل ولا شرب، عشان تتادبو شويه، عشان انتو بتسقو فيها ع الاخر
فيروز بجراءة: لو عايزها شهر اقسملك مهنسكت، ومسيرنا هنخرج من هنا، وهننتقم اشر انتقام
مراد: اتكلمي علي ادك اولا، ثانيا انا ممكن اخليكي، متشوفيش الشمس لسنه كامله، ودا حقي، وكمان في عقاب اكبر بس خليكو في دا الاول، يلاه علي الغرفة، ومشوفش واحده فيكو بره
فيروز خرجت الاول وبعدها البنات وهما في قمة غيظهم و غضبهم وبيتمنو يشوفو البنات دي تانيه
اسر: ايه العقاب التاني دي
مراد بتفيكر: في رجاله جديد جت صح
زين: ايوا، وياريت متعملش اللي في بالي
مراد: لاء هو، انا هخليهم يسيبو عند اللي فيهم دا، وحيات امي لوريهم
اسر: خلصت، حلف بحيات امو، البنات ماتت
زين: الصراحه يستاهلو... بس مش عارف ليه حاسس انك انت اللي هتندم مش هما
مراد بصلو بصه، خلتو سكت...
....... في غرفة البنات #
فيروز بغضب: عشان اقولكو، منروحش، منروحش، احنا مش نقصين وجع دماغ، اعمل فيكو ايه دلوقتي
شمس: فيروز، خلاص، يعني كنا نعرف انهم هيشدو كده، وبعدين، قولي للزفته دي
نوران بالم: سيبو الزفته في حالها، اااااه ياعيني
فيروز هدت نفسها وراحت اعدت جمبها: وريني كده *وشافت عينها اللي كانت حمره ومرمه
شمس: ااااه ياناري، يعني هنفضل هنا خمس ايام، دا لو مخرجتش كل خمس دقايق يحصلي حاجه
فيروز: شمس، المره دي عندهم حق، وبعدين يامتخلفه انتي مبتعرفيش تمسكي نفسك ابدا
نوران: فيروز، انتي عارفه اني بتعصب من الهوا، وهي الصراحه مستفزة
شمس بعصبيه: تقومي تعملي فيها كده
فيروز: خلااااص، انتو هتتخنقو، انتي متخلفه وهي زفته، خلينا بئا هنا، بس هما ميعرفوش انهم بكده بحطو النار جمب البنزين، وحيات امي لوريهم
شمس ونوران: احييييه
........ تاني يوم #
موده: ااااه، يابنت المفتريه، انا بوظت ياحنين
حنين: حقك هجيلك
سما: ياشيخه اتنيلي، تقدري تقوليلي هنعمل ايه معاهم
حنين: انتي ناسيه عمها ياغبيه منك ليها، نخلص بس التمرين دا وهنبدا في الانتقام اللي بجد
أنت تقرأ
انتقام يولد الحب....
Actionاحذري من رجل ضربته ولم يرد لك الضربة فهو لن يسامحك ولن يدعك تسامحي نفسك.... الا اذا جعلتيه يقع في شباكك🤫😈....
