H3-2 The Red Flame : Grape Wine and Cheesecake ( Completed)

Kabanata 14 : Four Grasses

Kabanata 14 : Four Grasses

Manila

"Natapos din." napangising sabi ni Wine matapos ang kasong hawak niya kung saan naipanalo niya ito

Naupo si Wine sa silya niya at napatingin sa paligid two weeks na siya hindi umuuwi sa isla at nakaramdam siya ng kakulangan. Mas nakaramdam pa siya ng pagod kaysa sa nakalipas na mga buwan. Kung dati kasi lagi niya kasama si Elle sa mga lakad niya iba na kasi ngayon dahil walang mag-aalaga sa mga anak nila kaya hindi niya ito maisama.

Napahingang malalim si Wine at binuksan nito ang laptop. Ilang araw na niya minamatyagan ang page ni Elle sa Socmed pero hindi si Elle nagsasagawa ng online selling, na sa tingin niya huminto na ito dahil nga naman sa laki ng binayad ng buyer nito na baka naubos na ang pinagbebenta ng asawa.

Muli tiningnan ni Wine ang page ni Elle ng ilang sandali pa napakunot ang noo nito ng makitang nagsisimula na mag online selling si Elle at umabot sa sampung libo ang viewers nito.

Napatitig si Wine ng tingnan ang paligid sa screen, dahil iba na ang itsura ng guest room puro damit na iyon na tila nasa mall, na nasisiguro naman niya na nasa bahay si Elle dahil sa balcony na nasa likuran nito na kilala niyang bahay niya.

"Miss Elle dalawa po sa akin."

"Ako Miss Elle isang dress."

Napatingin si Wine sa screen, sa mga damit nakatutok ang camera at nagtaka siya kung saan iyon galing kaya naman binasa niya ng pahapyaw ang mga last comment at mabilis na tiningnan pabalik ang video at doon nalaman niya na may negosyo na si Elle na pinagkakaabalahan nito kung saan nagpapatahi ito ng damit na ibenebenta nito.

"Guys salamat sa inyo, sa suporta sa pagbili. So, nakapili na ang iba." sabi ni Elle sa mga viewers at buyers na kanina pa buhay na buhay sa comment section, saka siya bumalik sa camera ng matapos ipakita ang mga damit sa screen.

Napatingin si Wine sa screen at napahingang malalim ito at napasandal sa upuan ng makita ang itsura ni Elle ng bumalik ito sa camera. Nakatingin si Elle sa screen habang binabasa ang mga comment ng viewers nito at buyers.

"Akin na ang lahat ng tira presyuhan mo." basa ni Elle sa isang comment

"Ano?" namimilog na mata na sabi ni Elle habang binabasa ang mga comment ng viewers niya.

Napatingin si Wine sa comment at nagulat ito at iyon na naman pangalan ang nag-appear na bumibili kay Elle. Ang taong nagbigay ng 1B USD.

Pinaimbestigahan niya ang naturang account pero nahihirapan ang mga tauhan niya dahil private business page daw ang naturang account na hindi rin madaling i-hack.

Kahit ang isang account na unang bumili kay Elle sa malaking halaga ay hindi niya mahanap.

"Name the price, hon." sabi sa comment na ikinatiim ng bagang ni Wine

Nakatingin lang si Elle sa screen na ikinatitig ni Wine sa mukha ng asawa na halatang bakas ang kuryusidad nito sa maamo at inosente nitong mukha.

"Huwag mo akong titigan ng ganyan, hon. hahaha!" sabi sa comment na may emoticons pang tumatawa na ikinapula ng mukha ni Elle.

"Sino ka?" sabi ni Wine sa isip ng mabasa muli ang comment at makita ang reaksyon ni Elle.

Napatitig si Wine sa asawa habang nagbabasa na si Elle ng mga comments.

"Miss Elle sabihin niyo na po ang presyo para maubos na po."

"Miss Elle ang galing niyo magbenta sana magaya ko kayo."