H3-2 The Red Flame : Grape Wine and Cheesecake ( Completed)

Kabanata 15 : Pamilya

Kabanata 15 : Pamilya

Heather Island

"Nakuha mo?" sabi ni Orion sa anak na si Autumn.

"Opo Papa." sabi ni Autumn sa ama.

Napatingin si Orion sa anak, habang natutulog ito sa kama nito. Napatiim ng bagang si Orion ng malaman niya kanina lang na sa guest room na natutulog si Elle.

Napatingin si Run sa katriplets at bunso sa kanila ni Ash. Namumutla si Elle na naitago lang pala sa make up nito. Nangayayat din ito na naitago uli ng kapatid sa damit na isinusuot nito.

"Anong gagawin natin Papa?" sabi ni Ash matapos tingnan si Elle.

"Ituloy niyo lang." sabi ni Orion habang nakatingin sa bunsong anak.

Napatingin si Winter sa pamilya niya, ng malaman nila sa kuya nilang si Autumn na kakambal niya na pinasok ni Elle ang online selling agad siya nakiusyoso sa ginagawa ng kapatid. At sa unang araw ni Elle sa negosyo nito nakatutok na siya pero nagulat siya ng lahat ng gamit ni Elle benenta nito na hindi man lang binawalan ni Wine, na kung tutuusin para sa kanya hindi kailangan magbenta ni Elle ng gamit dahil sa kanilang dalawa si Elle ang hindi naman maluho at lahat ng gamit nito ay regalo lamang ng magulang, at mga kamag-anak o kaibigan nila.

"Saan mo dinala ang gamit niya?" tanong ni Orion na halatang nagpipigil ito sa galit.

Napatingin si Winter sa pamilya, nakasara ang kuwarto at sila lamang ang naroroon. Ang mga magulang nila ni Elle at mga kapatid.

"Sa Emperyo." sabi ni Autumn.

Napatiim ng bagang si Autumn ng balingan ng tingin ang kapatid na si Elle, siya ang bumili ng lahat ng gamit ni Elle na isang bilyon dolyar at ginamit niya ang dummy account niya para hindi nito malaman.

"Hindi siya puwede tumagal dito." sabi ni Run na hindi napigilan magreact.

"Tama si Run Papa makakasama kay Elle." sabi ni Ash.

Napatingin si Autumn sa mga kapatid ito ang nakikipag-usap ng salitan bilang buyer ni Elle. At siya ang nagpopondo sa lahat ng bibilhin ng mga item kay Elle.

Napatingin si Winter sa pamilya ngayon lang niya nalaman na ang tatlong kapatid nilang lalaki ni Elle ang bumibili ng paninda nito, na ginawa niya rin.

Si Winter ang nag-order ng isang dosenang damit kay Elle na binayaran niya agad, at paunti unti rin siya bumibili para hindi makahalata ang kapatid. Ginagamitan niya ito ng iba't ibang dummy account dahil transfer account transaction ang online selling kung saan ipapasok mo ang bayad mo sa account ng seller, kay Elle, bago nito ibigay ang order mo. Gamit ang iba't ibang dummy bank account hindi matutunton ni Elle kung sino ang totoong buyer nito.

"Hayaan na lang muna natin siya." sabi ni Ellie habang nakaupo sa kama at tsinetsek si Elle.

"Pero Mama, kapag nagpatuloy ang nagaganap sa kanya baka mas malala pa iyan kay kuya Autumn. Depression Mama ang kahahantungan niya." sabi ni Ash sa ina.

Napatingin si Ellie sa mga anak at muli itong nagsalita.

"Mas makakasama sa kanya kung iiwan niya ang asawa niya. Kilala natin si Elle kahit naman kayo, o ako hindi ko basta matatanggap na iiwan ko basta ang pamilya ko. Kaya hayaan natin si Elle." sabi ni Ellie.

"Mama, mas maaalagaan natin siya kung iuuwi natin siya sa El Paradiso." sabi ni Run.

"May asawa na ang kapatid niyo kaya hindi na natin saklaw ang buhay niya ngayon. Katulad niyo, wala na kaming boses ng Papa niyo para sabihin sa inyo ang gagawin niyo at ganoon na rin ang buhay ni Elle." sabi ni Ellie.