"ဦးဘမှိုင်းရေ ခြံအနောက်က ခြံစည်းကနည်းနည်းပျက်နေတာလေးပြင်ထားပါအုံး။
နောက်ပြီး အိမ်အနောက်ဘက်က အုတ်တစ်ချို့ကလည်းပျက်နေတာလေးပြင်ပေးပါ""ဟုတ်ကဲ့ဆရာ"
"နောက်ပြီးတော့လေအဲ့တာတွေပြင်ရင်သူ့ရဲ့ရှေးမူလက်ရာမပျက်စေနဲ့လို့လက်သမားဆရာကိုသေချာပြောပေးပါဗျာ။ ဘိုးဘွားလက်ထက်ကတည်းကဆောက်ထားတာဆိုတော့မပျက်စီးစေချင်လို့"
"ကောင်းပါပြီဆရာ ဦးကြီးအကောင်းဆုံးလုပ်ထားပေးပါ့မယ်"
"အဲ့တာဆိုကျွန်တော်တို့သွားတော့မယ်ဗျာ လမ်းခရီးကရာသီဥတုနဲ့သိပ်မကောင်းလို့"
"ဟုတ်ကဲ့ပါဆရာ"
အနဂ္ဂမောင်လည်းပြောပြီး ကားပေါ်သို့တတ်လိုက်သည်။ မနက်ကစောစောထရလို့နှုတ်ခမ်းဆူကာစိတ်ကောက်နေသော ကလေးဆိုးကယခုတော့ဖြင့်ကားပေါ်မှာအိပ်ပျော်လို့။
အနဂ္ဂမောင်လည်းအသည်းယား၍ပါးလေးကိုတစ်ချက်ဖစ်လိုက်ကာ ကားလေးကိုမောင်းထွက်လာခဲ့သည်။
သူတို့ရန်ကုန်မပြန်ခင် မန္တလေးလည်းဝင်ဦးမည်ဟုတေးမှတ်ထားလိုက်သည်။
*****
"အင်းယားရေကိုယူ....အင်းယားရေကိုယူ....
မီးရထားနဲ့တင်ပို့ပြန်တယ်....
တန်ဆာခကသုံးရာလောက်တော့...
ယူမှာ...ဧကန်.....
ကြံကြံဖန်ဖန်ရန်ကုန်သူ....
မန္တလာမြင့်တို့ရန်ကုန်သူ.....
မန္တလေးသွားလို့ အသားမဲပြန်သတဲ့....ဆူ"ရေဒီယိုကတဂျစ်ဂျစ်သီချင်းသံကြောင့်ထွေးအိပ်နေရာမှနိုးလာခဲ့သည်။
ဘေးကိုကြည့်တော့ကိုမောင်က ကားကိုဂရုစိုက်မောင်းနေသည်။
ရာသီဥတုကနေပူ၍ပူအိုက်မှုကိုခံစားရသည်။ကားတံခါးဖွင့်ထားတာတောင်လေပူနွေးများတိုက်ခတ်မှုကြောင့်သူသိလိုက်ပါသည်။မေမြို့ကနေဆင်းလာပြီဆိုတာ။
"ဗိုက်ဆာနေပြီလားထွေး"
"ဟင့်အင်း"
"ကိုတို့မန္တလေးမှာခဏဝင်ရအောင်နော်"
"ဟုတ်"
ထို့နောက်ရေဒီယိုကလာနေသောသီချင်းသံလေးကိုနားထောင်ရင်းပတ်ဝန်းကျင်ကိုငေးကြည့်နေလိုက်သည်။
YOU ARE READING
ချစ်သော "ထွေး" (Complete)
Romance"ထွေးမြို့အုပ်မင်းကတော်မလုပ်ချင်ဘူးလားဟင်" "မျက်နှာရူးမြို့အုပ်မင်း"