Khami zan atang khan Jungkook chuan min beisei leh mai ka ring deuh a, mahse a ni miah lo
. Ka pasal hi a dawhthei takzet zet. Inthup chu tum ve viau mah ila, ka hliam chu a la dam tlat lo. Hun a liam ve zel a, zankhat Jungkook rawn haw chu nidang aiin a chauh hmel tlat. A inbual zawhah chuan khumah a rawn lawn ve nghal a, a hmel chu a thim deuh run mai.
“Thil thalo a thleng em ni?” ka lo ti sap a.
A ban lukhamin ceiling a melh tlat a, min chhan pawh a tum lo. “Jungkook..”
“Vawiin khan ka naute pathum ka chan.”
“Enge thleng a?”
“Bigbang hovin kan warehouse pakhat an bei a,” a thaw chhuak halh a. “An thil tih man hi an pe ang, thisen man chu thisen vekin an rul tur a ni.”
“Tih theih ka nei ve em?” ka lo ti ve ringawt a.
“Keimah hian ka mamawh che.”
“Awle.” Ka mutkawr chu hlipin a lamah min pawt hnai a. Hmangaih na chu kan chen leh ta a, a hma ang em em kha chuan a na tawh lo. Min la dim hle tih erawh ka hrethiam ve mai. Ngawi reng chuan kan mu vang vanga, kan thaw a pangngai deuh takah chuan Jungkook chuan min rawn fawp a, a lo inpeih leh der tawh anih chu!
“I va inpeih leh hma ve,” ka sen deuh ap apin ka ring.
“Ka pasal duhawm lutuk bulah hi chuan ka inpeih at reng mai anih hi.” A nui sak a.
Ka bula a rawn lehthlak leh tawp pah chuan thaw a la hawk a.
“Jimin, chan che ka duh lo,” a ti a.
“Min chan dawn hleinem.”
“Bigbang ho hi an huangtau sawt lutuk, engtin nge ka venhim theih ang che?”
Bigbang ho duh ber hi keimah ka ni hleinem, hlauh tur a awm awm pawh ka hre lo.
“jungkook i tihtur chu i hre mai ang,” tiin ka chhang a.
, ka chunga ka pasal dawhthei lutuk hi mak ka ti thin. Amah ngei pawhin mak a tih thu a sawi ve bawk kha. Bigbang hovin buaina an siam ve reng laia hetianga ka chunga zawldawh taka a awm reng hi chuan harsatna ka siam belh sak mai mai ang tih hlauh changte pawh ka nei ta fo mai.
A laka ka rilru put hmang hi duh lo viau thin mah ila, ka nuai reh thei lo. Ka thinlung hi ka thunun thei silo.Jungkook te ang mipa hian hmangaihna hi engtin nge an ngaih ka hria a, a lakah pawh ka thinlung hi phawrh kher ka tum lo. Ka hmangaih tih pawh hrilh mah ila, ka beisei angin min chhang let dawn lo. Chuvang chuan ka rilru tihnat belh tur chu sawi chhuah loh mai a tha zawk. Kan karah harsatna a awm lo a, tuna ka dinhmun hi pawm ila ka tan a tha.
New York khawpui, tlai ni tla turin a chhun sen phut chu Terrace-a thu chungin ka thlir reng a. Jhope pawh inchhungah sofa-a thu chungin sport magazine a chhiar ve mek.
Kan penthouse ah hi chuan ka him a, ven reng ka ngai pawhin ka hre lo. Jungkook bulah pawh Jhope hi awm tir ve reng lo tura hrilh ka duh thin a, mahse a pawm ka ring chiah lo bawk nen ka la sawi ta lo anih hi.
A chang chuan, Jhope hi awm lo se chuan ka khua a har zual dawnin ka hre ve bawk si. Inbiak phei chu kan inbe tam lo. Mrs.min hi chu lunch leh dinner siam turin a lo kal thin a ni deuh mai a. Jungkook lah a buai thei bawk si.
Zanah bak a lo haw ngai lo.
Dawhkante a ka phone dah chu a rawn nghawr dar dar, ka lak kan rual chuan Tae hming lang chu ka hmu a, ka hlim lutuk chu ka nui nghal var var. Tukinah pawh kan inbe tawh a, mahse nikhata vawikhat aia tam min rawn bia chu ka nau tiha tan chuan a mak hran lo. Kei lahin nuam ka lo ti hle thin bawk si.
