الضابط والبرائه

البارت الاول

الكاتبه ام زيزو

لطفاً التعليقات بين الفقرات

(القصه حقيقيه) عن لسان صاحبة القصه

في سنه 2010
مرحبا اعرفكم عن نفسي اني براء مواليد1995 في سنه2010 كان عمري15 سنه طالبه ثالث متوسط
مواصفاتي
بيضه طولي 158 قصيره. يعني
شعري تقريباً لنهاية ضهري بشويه بي شقار لونه طبيعي وناعم ملامحي ناعمه عيوني نعسانات رموشي كثيفه حواجبي مشموره عيوني عسلي اشبه امي نسخه منها وكولش هادئه ونازكه
عائلتنه
بابا مواليد 68 خريج هندسه ميكانيكي صاحب معرض سيارات
ماما مواليد 70 خريجه هندسه حاسبات وموضفه بوزاره حكوميه
اخواني
امير مواليد 90
احمد مواليد 93
واني اخر العنقود والمدلله مال العائله كولهم يحبوني ومدلليني حييل
اخوات ماعندي
خلي ابلش وياكم قصتي بسنه 2010 جان شهر ل11 بدايه سنه جديده دوام صف ثالث احنه من سكنه منطقه زيونه المدرسه تبعد عن بيتنه ربع سـَاعه مشي اكثر من مره بابا راد يخليلي سايق يوديني ويجيبني ورفضت جنت احب اتمشه وي صديقاتي عندي صديقتين فقط مقربات اليه نور وحلا ندرس سوه نطلع سوه نروح سوه بيوتهم قريبه على بيوتنه وتربطنه علاقـه عائليه
فنروح سوه ونرجع سوه ومرات اخو حلا يوصلنه او واحد من اخواني لان نور ماعدها اخوان بــَس هي واخت عدها بشهر ال11 دوامي صباحي نتمشه ك العاده اني وصديقاتي وملازمنه بايدنه نقره جنه اشطر ثلاثه بالصف والمدرسات كولهن يحبنه يسمنه ثلاثي المرح حته لبسنه جان سويه نلبس آٌني ونور نفس الطول وملامحنه قريبه البعض اكثر لاوقات يحسبونه اخوات اما حلا كانت الهبله الطويله مالتنه وبشرتها حنطيه كولش محبوبه تنكت وفكاهيه
نمشي للمدرسه اكو جانت سيطره بركن مدرستنه بيها جنود دائماً واكفيلنه بالطبه وبالطلعه يذبولنه حجي اكثر لاوقات بس احنه ممعبريهم اني ونور جبانات نخاف بس حلا تردهم احنه نحتمي بيها جنه مرت لايام ونفس الشي نطب يذبولنه حجي نطلع هم اني جانو 2 مخلين عينهم عليه وكل مايشوفوني يضلون يباوعون عليه وبس يحجون ابينهم مهتميت الهم عادي ملتهيه بدارستي ولحد ماصار امتحانات نص السنه هنا اول يوم لامتحان طلعنه ونفوت من السيطره كمنه منشوف الجنود الي يراقبونه. واني بلاخص يعني موجودين بس ميتقربون علينه جانو يبقون مسافه بعيده وميخلون عينهم علينه اصلاً كولنه همزين خلصنه منهم طبعاً اني بحياتي ماحابه ولاحاجيه وي ولد كل همي دارستي وبس كملت اخر يوم امتحانات  طالعين للبيت جنت مسويه ضفيره وشعري طويل ومنزله خصر ناعمه يتطايرن على وجهي لهسه اتذكر شكلي شلون جان بوقتها دمشي وجان يوكف بطريقنه شخص سبحان الخالق هو ضابط رتبه ملازم بس طول وعضلات وشوارب البشره حنطيه والعيون جوزيه والحواجب مطوبكات وجنهن سيوف نضراته حاده اني بصراحه اول مره اتجرء واخلي عيني بعين ولد صار كدامي اني بالنص جنت امشي وكفنه ورفعت عيني عليه ورفعت تك حاجب وهو هم رفع تك حاجب بنضره مااعرف شلون افسرها اعجاب ماادري استصغار كولتله نـُعم رايد شي كال انتي براء محمد حسين كولتله نعم تفضل كال هاج هذا الرقم وضروري تخابريني اليوم موضوع كولش ضروري يخصج اني حيل خفت منه وشنو الشي الي يخصني خزرني واشر بعينه ع الورقه عود اخذيها خفت اخذتها عصرتها بايدي حيل وراسا مشينه
نور/ براء ديري بالج تخابرينه شنو شيريد منج قابل شكله يخوف
حلا/يايخوف هو غير يمووت جنه العافيه خابري معليج بهاي الخبله الجبانه وشوفي شيريد منج
براء/ماادري افكر واشوف عود
وصلت للبيت وطبيت واحس جسمي كوله يرجف اتغديت ونمت العصر ماما كعدتني جايبه وياها حلويات كعدت اكل واتفرج تلفزيون لحد ساعه 10 كولتلهم راح اصعد انام صعدت وظليت كامشه الرقم اكتبه وارجع امسحه بين الخايفه والمتوتره ولاريد اعرف شيريد مني واني اول مره اشوفه بالمنطقه تجرئت ودست اتصال طلع طوووط طووووط
انفتح الخط😳😳