الضابط والبرائه

البارت31

ثاني يوم
براء/كعدت نضفت البيت وبخرته وفتحت غرفة العرسان بخرتها ساعه 12 طبو طشرت ع راسكم جكليت بس مااعرف اهلهل ارشد ظل يهلهل بدالي وفرحان طاير من الفرح استقبلناهم ورا شويه اجتي خاله شافت بتها وامجد جاب غده من المطعم تغدينه وكعدنه شويه وكلمن راح الغرفته العصر كعدنه سويتلهم كيك وشاي وبقينه نسولف ع العرس والمعزيم ونضحك اني وارشد وطيبه امجد جان بالقاعه
بليل اجه تعشينه سويه وكلمن بغرفته طيبه سوت روح بالبيت لان وياي هي ماعدها اخت واني ماعندي فصرنه اخوات كلب على كلب وصديقات نفس الوقت ورا يومين سافرو التركيا ارشد وطيبه حجزلهم امجد بشركه يبقون اسبوعين
كاعده صافنه صار فوك لشهر مرايحه للنجف كولت لامجد اخذني باجر للنجف صار فوك لشهر مرايحه لفهد
كال ميخالف بس بقي لجهال يم خالتي يتعبون كوتله لااخذهم صار هواي مشايفهم ابوهم اْكيد اشتاقلهم كال براحتج
ثاني يوم رحنه ٱڵـڝُـًْـُپًٍح كعدت يم قبره ولحد لان اني لابسه كلادته مانازعتها ابد سولفت وياه حبيبي اعذرني صار هواي مجايتك والله اشتاقيتلك وبجيت سولفت وياه هواي بس شلفايده احجي بدون. محد يحجي وياي اسال بدون جواب هنا ملوكه صارت جبيره عمرها 6 سنوات وتفتهم تباوع ع الصوره الي بالقبر وع امجد تكول هنا بابا وهنا بابا عود تقصد صوره ابوها هنا وهو ابوها هنا واكف عبالها نفسه امجد بجه يم قبر فهد ويم قبر امه وابوه غسلنه القبور وسويتلهم غطوات غطيتهم ورجعنه كل مااروح للنجف ارجع حيلي مهدود رجعو العرسان من السفر والفرحه مساعيتهم فدووه جنهم عصافير الحب ذكروني ابدايه عرسي اني وفهد هنا طيبه كالت خلي نقسم لشغل كولتلها بس كملي امتحانات وبعدين اكرب علـيج عود بقت تضحك مشت لايام وارشد وطيبه اكثر وقتهم بالغرفه مخلصينه كل مايطب امجد يسال وين ارشد وطيبه اكوله بغرفتهم يظل يضحك يكول عفيه هلاثنين مايشبعون 24 ساعه. خاتلين ضحكت كوتله خطيه عرسان شرايد منهم ضحك وكال ايي ارشد غاط بالعسل الله ربك بقيت انقهر ع امجد وخصوصاً مرات احسه عينه عليهم من يطبون لغرفتهم كولت خطيه يشوف اخوه الصغير عايش حياة زوجي ويطب ويطلع كدامه هو مرته للغرفه وهو بعده بدون زواج هالفتره طلعت طيبه حامل كولش فرحنه وارشد مساعيته الدنيه امجد يضحك عليه يكوله والله وارشد راح يصير اب وينك وين هالسوالف كله دام عمه امجد موجود هو يربي
امجد/ هواني ابقه حٍيآتـَّي اربي بجهالكم
براء/ وانشالله يجي يوم وتربي جهالك هم
امجد/جريت حسره وكلت الله كريم وبكلبي منين من الهوى حٍيآتـَّي يابسه بيابسه
ورا فتره وصار 9 اشهر ع عقدنه اني وامجد رجعت بيبي تلح عليه امجد يتقربلي
بيبي/ والله هالولد كاسر خاطري ﺸنـٌٍـٍوﯛ ذنبه يشوف اخوه الصغير عايش حياة زوجيه وراح يصير اب وهو بجي الليل وينام وحده
براء/بيبي حجيت وياه الف مره وكتله اتزوج رافض الفكره شسويله بـٍْْـٍْ؏ـٍْْد
بيبي/يمه انتي مريتك وشحلاتج كامله مكمله تموو زواجكم وخلي لوليد يفرح بيج
براء/مااكدر بيبي نفسيتي مدا تتقبل احد
بيبي/يمه فهد راح الدار ربه راح يم الرحمن الرحيم وهو شهيد آلُـِْلُـًِ☝🏻ـٍّـُه رزقه بحور عين
براء/هنا كمت ابجي شنو قصدج بيبي فهد تزوج عليه موو مستحيل ادري بي يحبني ومااتزوج احد حته من اموت اروح الكه فهد منتضرني وننجمع سوه مره ثانيه
بيبي/يمه مو بـہٍّكيفج الله يرزق الشهداء واصحاب المنزله الزينه بحور عين يعني يزوجهم حوريه من الجنه وحته مذكوره بالقران
وانتي ظلي هنا مثل البوم بس تبجين ولحد ما تطيرين الزلمه من ايدج
براء/اهووو بيبي دكاااافي رحمه للنبي مااتزوج وفهد ممتزوجحته لو حوريه هم ميتزوجها متاكده يحبني وميلمس غيري
بيبي/غمتني بثنين ايدها وكالت دضلي ضلي مايلمس غيرها مو هو بـہٍّكيفج
عفتها وطبيت للمطبخ انضف وبدت تكبر بطن طيبه وعرفو راح تجيهم بنوته وقررو يسمونها عسل
بهالفتره طيبه بقت هواي تلح عليه بخصوص امجد وخطيه وضالمته وشنو ذنبه ومتاكده بده يحبج لومايحبج مايصبر هلكد وعادم حياته لخاطرج ولخاطر جهالج ومن هالحجي كل يوميه اسمعه لحد ما مليت وكولتلهم خلاص هلي يتقرب الجمعه الجايه يدخل عليه يـعـنـي بـٍْْـٍْ؏ـٍْْد اسبوع بس طلبت يغيرون اثاث الغرفه مااكدر لان لغرفه تذكرني بفهد على اعصابي بس حته يسكتون مليت من حجيهم كاعده جوه واشوف نزلو اثاث الغرفه هاي نفسها غرفة عرسي اني وفهد اباوع وبس ابجي متت احس ذكرياتي كلها راحت ياربي لَيــِْش هيج يصير بيه امتحانك صعب والله صعب وكسر ضهري خلصو تنزيل الاثاث صعدت باوعــت الغرفه فارغه بجيت بحركه راحت كل ذكريات فهد راحت كلها راحت كعدت بالكاع وابجي واضرب ع راسي راح كلشي يذكرني بفهد كمت جبت جنطه لميت كلشي يذكرني بفهد بهالحنطه احتفظ بيهن للموت سيتات النوم الي جنت البسهن اله وصورنه وتليفونه وحلقته وسبحه وملابسه ومحابسه وساعاته وعطوره الهدايه الي جابهن اليه بدلته العسكريه الرتب مالاته شهايده كولشي ضميته بهالجنطه بس كلاده الاخير مانزعتها اصلا روحي بيها ولاانزعها للموت سديت الجنطه ونمت فوكاها وبجيت بحركه حته فرشه عرسنه ضميتها
بده ارشد وامجد يرتبون بالغرفه غلفوها كلها ورق جدران ورجعو الكعده واثاث كوله تركي وجديد الغرفه بيضه وكولها مري كولش ضخمه وتخم نازك لونه تركوازي وفرش وبلازمه مولش جبيره بيها نت وسبلت كنتوري وثلاجه ومرجوحه عش العصفور سوو الغرفه تجنن بس اني مالي نفس روحي كلها صارت بهاي الجنطه وبس بالختله بدون محد يدري افتحها واظل ابوس بالغراض لبيها وابجي وارجع اضمهن اخذتني طيبه للصالون حفافه على شيره تغيرت كولش من وفاة فهد محافه لاوجهي ولاحواجبي اشترتلي كم سيت نوم بس مال العرس اني اختاريته شويه مستور اخذته واخذتبي مكياجات وعطور ودراعات وهالسوالف طبعا امجد ناطيها فلوس حته تشتريلي اشترتلي فستان اوف وايت كولش نازك مخصر على الجسم وطويل وحذاء كعب رحت للصالون تسريحه نازكه ع طول شعري سوتها ومكياج يجنن طلعت لعابه طيبه بس تصور بيه تكولي ولج ولاعبالك انتي هنا ذبيت لاسود صار اكثر من3 سنوات ع وفاة فهد يوم الجمعه ارشد حجزلنه بفندق المنصور مسويت حفله من الصالون كبل للفندق حته الجهال ميدرون بشي وطبعاً غرفة امجد القديمه سواها الهم حابلهم اثاث ورتبها ورسومات مال طفال ملوكه مكيفه عليها اجه امجد بسيارته اخذني لابس قاط ابيض واسود البنرون اسود والستره بيضه كولش انيق طالع غطيت نفسي بكل وصعدت حته مشافني مشغل اغاني هادئه الطريق موله محد حجه وي الثاني وصلنه ارشد وطيبه بسيارتهم ورانه طوبونه للفندق وباركولنه. ورجعو صعدنه طبينه للغرفه كعدت ع الجربايه اجه امجد كعد بصفي كلي مبروك براء كوتله شكراً والك هم مبروك اندار عليه نزعني الكب بقه صافن برجهي
امجد/حسيتها مغصوبه باركتلها ردت اكسر الحاجز نزعتها الكب اريــٍـد اشوفها بصراحه نصدمت مسسستحيل موبراء هاي بقيت صافن ابوجهه شنو من جمال يربي ﺸنـٌٍـٍوﯛ الحواجب المشكوره والعين المرسومه بصراحه حسدت نفسي عليها حوريه ملاك بشنو اوصفها ماادري بستها براسها كولتلها اساعدج تبدلين كالت لا اكدر وحدي اخذت ملابسها وطبت للحمام شويه تاخرت
براء/دخلت للحمام واباوع ع روحي بالمرايه كرهت نفسي حييل احس دااخون فهد بكل خطوه وفهد وياي حته من يحجي ويا امجد اتخايله فهد ماهلكد يشبهه كمت احجي وياه اتخايل احجي وي فهد بجيت يربي ساعدني معجزه منك تنقذني بقيت ربع سـَـــاعْـه امجد دك لباب كلي محتاجه شي السحاب ماكدرت افتحه مال الفستان فتحت لباب باوع على اًْعًۤـيًٗــــؤَّنُِـيِ مورمه من البجي كوتله بس السحاب مااكدر افتحه فتحلياه
امجد/تاخرت ظل بالي شبيها دكيت لباب فتحت لباب عرفتها جانت تبجي عًـٍُُيُِِِِونها مورمه والمسكارا سايله كالت اتحلي السحاب واندارت فتحت لسحاب طويله لنهايه ضهرها اباوع ع ضهرها سبحان الخالق كيمر عبالك طبت تبدل دخنت جكاره ادري دا تبجي ع فهد شسوي ياربي لازم اكسر الحاجز البيني وبينها احس روحي تريدها كلشي بيه يريدها وهي حلالي ربي ساعدني واني مرتبك اكثر منها لان هاي اول مره بحياتي راح اتقرب لابنيه ماادري الارتباك يقرا الف عندي طلعت لابسه ثوب ابيض طويل وفوكاه روي ممبين شي بس الردن شفافه كعدت ع الجربايه ارشد جابلنه عشه فتحته كولتلها اكلي ماقبلت ردت اوكلها بيدي رفضت وغمضت عينها حيل
براء/كولشي دا يذكرني بفهد مدااكدر راد يوكلني رفضت تذكرت فهد شلون وكلني بليله عرسي يربي مااريد هاليله ربي موتني بقيت صافنه وافكر معقوله فهد هــًـًســًه دا يشوفني معقوله يدري بيه تزوجت وانقهر وغار لاهو مْْـٍ❌ـْْو بيبي تكول تزوج حوريه لالا مستحيل فهد ميتزوج مسسستحيل متاكده ميتزوج يحبني بس اني تزوجت خرررا بيه خنته
امجد اكلت شويه واباوع عليها صافنه ورايحه لغير عالم كملت اكل كمت طبيت للحمام نزعت قاطي بقيت بس بالشورت حته الفانيله نزعتها
براء /طلع امجد بس بالشورت دنكت استحيت تقرب عليه اخذني من ايدي وكومني وكفنه طول بطول اني وياه باسني من راسي وملي خلي عينج بعيني كافي تتهربين مني
رفعت عيني بعينه يربي عيون فهد هاي يربي شلون انساه وهو نسخه منه باوعت خله كصته ع كصتي كال مستعده نكسر كل الحواجز هزيت راسي اي شالني ونيمني ع الجربايه نزعني الروب نام فوكايه تقرب ع شفتي باسني بقه يبوس بكل قوته........
🛑يجوز راح تحجون عليه وتكولون شخبصتنه بفهد بس لحد لان مالكيت احد يحس بيه وبحبي اله اول شخص فتحت عيني عليه احبببببه ياناس والله احببببه عيشني اميره حبني ودللتي بشنو اجازي مااكدر اوصل للي سواه اليه سوه المستحيل نذل حته ياخذني بنات دااكتب وعيوني ورمت من البجي اصلاً من بدايه القصه ولحد هالحضه اكتب وابجي اريد بس الكه احديحس بيه كلها تكولي شدعوه عليج هلكد مضخمه الموضوع معقوله حبي لفهد مبالغ بي اتمنه تحجون وياي اتكتبولي شي يريح كلبي حته لو موهسه بختام القصه ميخالف اني دااتابع كل تعليقاتكم اعتبروني اختكم(براء)