الضابط والبرائه

البارت22

عطت بعلو صوتي شدا تكول انت فهد ميموت ويعوفني مستحيل فهد كلي مااعوفج فهد حبيبي اكعد طبيت للغرفه اشوف فهد شايلين لاجهزه منه ومغطينه وخرت الغطه وعيطت وصرخت وضربت بصدره فهد اكعد لاتعوفني فهد اني برائتك بنيتك شلون تعوفوني كوم حبيبي علوش وملوكه منتضرينك مو حجيت وي ملوكه وكولتلها راح اجيبلج ملاعيب ملوكه منتضرتك شاكولها ابوج مات بعدهم صغار فدووه اروحلك لتيتمهم اني منو اليه بهالدنيه اهلي وعافوني بس انت مو كلت مااعوفج واصيرلج اهل واصير ابوج وامج واخوج وسندج هسه لَيــِْش خلفت وعدك اليه ورحت كووم فهد ولك كوووم لتعوفني حبيبي كووم فدووه اروحلك كووم وياي نروح الجهالنه والبيتنه والغرفتنه كوووم فهودي عيون برائتك الله يخليك لتعوفني مااكدر بدونك والله مااكدر بـٍْْـٍْ؏ـٍْْد وكت مشبعانه منك بعدك صغير ع الموت حبيبي حاضنته بكل قوتي واحجي وياه رادو يوخروني وماخليتهم محد كدر عليه يريدون يودونه للثلاجه والجو بارد شهر ال12 لو تموتون مااخليكم تاخذون حبيبي مني هو نايم وهسه راح يكعد هسه يكعد عوفوه والله متاكده ميعوفني ميكدر بدوني متاكده يحبني وميعوفني هو واعدني والله واعدني بهالاثناء امجد سحبني وبعدماادري بنفسي بس صحيت نايمه ع السديه ومغذي ويمي سستر كمت فهد وينه كالت اهدئي ماما مو زين عليج سحبت الكانوله من ايدي بقت تنزف ودفعتها وطلعت اركض واصيح وين فهد لكيت ارشد كمشني كال بــَس نخلص لاجرائات وناخذه ونطلع كوتله شنو ناخذه قصدك هو ياخذنه ويروح مو كال ايي هو ياخذنه ويبجي بــَس اهدئي الخاطر فهد والخاطر جهالج اهدئي ولك شاهدء ارشد شاهدء انتبه ع ايدي بيها دم شك وصله من فانيلته وشد ايدي كلي حبيبتي خيتي نورعيوني بس خليج قويه فهد شهيد هنا نهاريت بالازيد وكعت للكاع واملخ بروحي فقدت بعد شحجيت وشهلوست ماادري گـِْـِْلِْ الي اتذكره جيبولي فهد وفهد مامات ميعوفني طلعو فهد بتابوت وصلو للسياره والجنود والضباط كلها تبجي عليه الدنيه نكلبت كلاب عليه شيعو شدوه فوك لسياره وودو للبيت واني ارشد صعدني بالسياره واخذني للبيت وصلت لكيت تابوت .حًبيبي بالباب وفوكاه علم العراق طوبو للبيت نمت فوك التابوت صرخت عيطت احس صوتي راح محد يسمعني جبت ملوكه وعلوش فوك تابوته بالكت يحس بيهم ويكعد كوم .حًبيبي جهالك يبجون عليك يريدونك بعدهم صغار لاتعوفهم حجيت وياه وحجيت وتوسلت بــَس ماكعد فهد اجوي شالوه وطلعو شيعوه ورمو طلق كومه تمنيت طلقه تجي بيه واموت وياه صعدوه فوك السياره. امجد نام فوك التابوت من بغداد للنجف شهر ال12 والجو ثلج ودنيه ليله ماقبل ينزل اخوته حالتهم مواحسن من حالتي صعدوني بالسياره خالاته وياي الطريق كله لازمه الكلاده وابجي واسولف وياه احسه يسمعني لحد ما وصلنه للمغيسل نزلو .حًبيـبي بطوله وضخامته خلو ع الدجه امجد ماقبل احد يطب يشوفه بس هو وارشد وعباس واني منعهم محد يدخل توسلت بي ابقه شويه 10 دقايق يمه وحدنه بس اودعه لاخر مره طلعو ارشد وعباس للباب وامجد واكف يمي منتجي ع الباب ويبجي تمددت بصفه خليت راسي ع صدره حبيبي راح اشتاقلك نزعت حجابي فتحت شعري فرشته ع صدره لان جان يحب هاي الحركه باوع ع صدره اسمي جان داكه بسته من مكان لاسم حبيبي اكيد دا تسمعني وتحس بيه فهودي شلون راح اكدر بدونك بقيت ابوس بي من گـِْـِْلِْ مكان واشمه واحضنه فقدت اجه امجد كال كافي خلي نايم مرتاح لاتاذينه اكثر باسه من راسه وكله خويه اوعدك مرتك وجهالك تحت جناحي طول لعمر آٌني ابوهم واخليهم بعيوني نام مرتاح خويه لايظل بالك يمهم باسه براسه وطلعني صاح عباس ورجال المغسل غسلو ثلاثتهم بقيت كاعده يم باب المغتسل ابجي لحدماطلعو اخذو للامام زورو ورحنه لمأواه لاخير يربي شحالني واشوف كلبي ينزلونه بالتراب نزلو دفنو حبيبي كعدت يم تراب قبره غطيت روحي بي هاي هيه فهد هاي تاليةحبنه موجنه نخطط نكبر جهالنه ونخلف بـٍْْعد ونزوجهم ونصير جدو وبيبي بعدنه كولشي ممسوين بعدنه بداية الطريق بجيت لطمت ملخت شعري فوك قبره انتهيت اغمه عليه صوتي راح خلو علم العراق وطابوكتين فوكاه سحبوني كوه من فوك قبره صعدوني للسياره رجعنه بس التابوت فارغ عفت روحي جوه لتراب عفت فرحة عمري واغلى شي املكه جوه التراب ورجعت طبيت للبيت فهد ماكو بي صعدت لغرفتي طلعت ملابسه اشم بيهن ابجي عطوره ساعاته جابولي حلقته وتليفونه فتحت السجل مسميني برائتي كومه متصل عليه وممحصلني اكيد جان يريد يكولي شي معقوله اخر ليله ودعني بيها يدري بروحه راح يموت ودع جهاله لَيــِْش سوالي ليله مميزه لوادري بيه رايح للموت جان منعته ماخليته يروح لَيــِْش مامنعته وكمت الطم ع وجهي لدرجه صار زراك كلش قوي جوه عيوني مٰـ❧ـِّنِْٚ اللطم لبسوني دشداشه سوده وجواريب وحجاب لفنه اليه خالاته اخذت الغتره مالته رشيت عليها عطره وخليتها فوك جتافي الناس نكلبت كلاب واشكال سمعت حجي الله يساعدها وبعدها صغيره والله يعينها وقسم اسمعهن بعدها صغيره هــًـًســًه تزوج وتنساه واني بوضع مااكدر حته احجي صوتي راح بليل اختنكت صعدت للسطح اريد بس اشتم هوه كعدت بالكاعد ظليت اضرب بوجي وابجي اباوع باتجاه النجف واكول هناك حبيبي بعد ميرجع الكل صعدو حاولو ينزلوني ماقبلت صعد امجد كلهم انزلو عوفوها كعد بصفي ويسولفلي شلون فهد وصاه علينه قبل ليموت وشلون بدايه زواجنه وصاه عليه كتله يعني هويدري بروحه راح يموت من البدايه لَيــِْش حبني لَيــِْش تزوجني لَيــِْش علقني بي لهذا اليوم لَيــِْش وليش وليش والعتب ميفيد بعد
امجد / براء فهد يحبج لوتدرين من تمرضتي بدايه عرسج شسوه وحجالي كلشي هو يحجي واني ابجي يورث جكاير وحده ورا لثانيه ويحجي سولفلي كلشي معقوله هلكد بجه عليه وهلكد يغار عليه وهلكد يحبني لطمت ملخت شعري كلت جان منقهر ع شعري لان يوكع مو واملخ بشعري كوه لزم ايدي ويبجي كلي لخاطر فهد لتسوين هيج
براء/امجد منو اليه اني اهلي عافوني وراحو لابعد مكان فهد هو الوحيد عائلتي ابويه وامي واخويه وسندي فهمني شسوي
امجد/اسسسس واني وين رحت ولج فهد مرتين امني عليكم مره بدايه زواجكم ومره قبل ليموت ولج اني مستحيل اتخلى عنكم اني سندكم وابوكم اني ابوج وامج واخوج وسندج وعلوش وملوكه اني ابوهم انتم امانة اخوي عندي بجيت وبجيت والنار بصدري متبرد ابد
تذكرت كلشي وي فهد واسولف لامجد شكد يحبني ويشاقيني وسوالفنه سوه نهاريت اريد ارتاح مااكدر
امجد/ براء بس تخلص الفاتحه اوعدج اخذج وحدج واروح لفهد قبل ليبنون قبره اكعدي سولفي وياه شبعي منه لحدماترتاحين ارجعج
براء/ ايي فدووه اروحلك اخذني ماشبعت منه
امجد/وعد بس انزلي هــًـًســًه الجو بارد كمشني من ايدي ونزلني لغرفتي وسد لباب ونزل جوه ايام العزه خلصتها بجي ولطم من يجيبون ملايه امابلها واظل الطم ع وجهي واملخ بشعري واخرمش وجهي ملوكه تسالني ع ابوها ولان هي متذكر امجد عافها صغيره بقت من تشوفه عبالها ابوها لان شبه كلش قوي ابينهم تركض عليه وهو يصيحلها بابا ومشت هذا ابوها من اشوفها ينمرد كلبي بعدها طفله كلشي متفتهم شلون من تكبر واكلها بابا مموجود بابا مات خلصت الفاتحه رابع يوم اخذني امجد للمقبره طلعنه ب4 الفجر الطريق كله اسولف وي فهد احسه يسمعني وكامشه الكلاده مالته اكوله امكد فهد دا يحس بيه راح اجيه مو يكول ايي طبعاً اكوله يعني هسه هو منتضرني حبيبي راح اوصل برائتك اجتك امجد عفيه امشي سريع مااريده ينتضر اكثر ادري بي يضوج من لانتضار بقيت ع عالسوالف لكد ما وصلت لقبر .حًبيبي تراب وعلم وطابوك بس قابل راح الكاه واكفلي ع طوله ومتضرني هنا نزلت
............