غلاة الفهد

البارت الــ 3

يوم الخطوبه
-
غلا
-
كعدت ورحنه لصالون اني وشمس ومجموعه من بنات عمي

كتلهم اريد مكياج خفيفي وتسريحه بسيطه سولي مكياج بيجي
بسيط وحطولي حمره ماروني بلون الفستان وتسريحه نازله وعليهة اكسسوار بسيط ولبست كعب

البدله

-

التسريحه

-
طلعت من صالون
وجان فهد يوديني صعدت وياي والبدله بل كوه دخلت😂 وصلنه للبيت ولكيت عمامي وعماتي كلهم جايين جابو الكيك والحلقات وكالو حيعقدون كلبي راد يوكف كعدت وره الباب
-
الشيخ:اتقبلين غلا ************ بان اكون وكيلكِ لازوجكِ من الفهد ************
على سنة الله ورسوله على مهر 25مليون ومؤخره 30مليون فأن قبلتي قولي نعم انته وكيلي

-
غلا : قبلت ونعم انته وكيلي
-
غلا
-
انطرشت بل هلاهل كعدت بل صاله وفات فهد لابس زي خليجي غتره لافهة على راسه فات وهوه حييل ضخممم كلشش طوله 188 ضخمم وصوته خشنن يخوفف

واسمع بس الهوسات لبسنه حلقات واكلنه كيك وطلعو واكلنه كيك خلصت وعمامي راحو كلهم لبيوتهم ضلينه وحدنه تعبت كلش البدله حيل ثكيله بس شمس مخلتني ابدل دخل فهد وجايب مصوره اخذنه صور واخيرا اكدر ارتاح صعدت وبدلت ومسحت المكياج وفتحت شعري نزلت جوه جايبين اكل من بره اكلت وبعدين دخلت بغيبوبه

-
فهد
-
رحت اجيب غلا من صالون وطالعه بسيطه ونازكهه لبسهة مكياجهة شعرهة رددت اضمهة من عيون العالم دخلنه وجبت شيخ عمود نعقد عقدنه ودخلت لبسنه حلقات وبعدين طلعت

هوسات وعالم كومهه جبت مصوره واخذنه صور خلصت الحفله ورحت بدلت وطلعت افتر ماعرف وين اروح بس الي اعرفه اني ضايع ماعرف شلون اتعامل وياهة

عنيده وتحب تمشي كلمتها بس تهون
-
غلا
-
كعدت متكسرهه واليوم لازم اطلع اشتري ملابس مدرسه لان باجر لازم نبدي نداوم سجلنه مدرسين اني وشمس واخذنه علي علمود نروح نشتري

غلا
-
متحمسهه حييل اليوم حداوم اخيراا لبست صدريه رصاصي وياهة بلوز ركبه صوف فوكاهم جاكيت صوف وبوت ابيض وسويت شعري ضفيره هنديه طلعت حييل حلوه طالعة شمس هم بدلت نزلنه اني ماشتهي اكل هلفتره صاير حيل عندي دوخه بسبب فقر الدم ما اهتميت وطلعت فهد وصلنه وجان مثل لضايج ومن نزلنه شمس كالتي
-
شمس:فهد يكول من تطلعين امشي وياي لا تطلعين قبلي
-
غلا
-
جان اليوم حييل حلو وتعرفت على بنات بل طلعه اجتني شمس
-
شمس:يلا تعاي وياي
غلا:اطلعي قبلي هسه اجي بس احجي وي صديقتي
شمس:بس فهد..
غلا:روحي ومعليج
-
كتبتلي صديقتي لواجب وبل طلعه لكينه ولد من الاعداديه الورانه ضلو يسمعوني حجي وشمس جانت طالعه قبلي ضليت وحدي فهد واكف من بعيد شمرولي لرقم وشردو وشافهم فهد شراينه رادت تطلع من مكانهة نزل سحبني من ايدي وصعدني بسياره
-
غلا:شسمـَۿ
فهد:اسس ولا كلمه ما اطلع حرتي بيج
غلا:واني شمسويه همه الي يسمعون حجي ويذبون رقم
فهد:كافي
-
غلا
-
وصلنه للبيت واني ادردم عليه تعصبت كلش لزمني من ايدي وصارت مشكله
-
فهد:لج انتي شنو اني شحجيت شكلت
غلا:مكلت
-
فهد
-
ادرჂ̤ غلطت جنت ضايج وضوجتني بزايد حسيت نار واشتعلت بيه عيطت عليهة بصوت عالي جانت الدمعه بطرف عينهة بجت ماكدرت تسيطر على دمعتهة سحبتها من ايدهة وكعدتهة عل قنفه
-
فهد :بويه يعني برأيج انه ليش هيج اسوي لان اخاف عليج وماحب تضوجين وعمي انه اسف لا عيطت علييج بس اعرفي عيطت لان جنت ضايج من تصرفج ومن عنادج واني ادري انتي سمعتي بس عاندتيني اني
فهد:واني اسف وكومي بدلي خنطلع
-
غلا
-
ما سيطرت على نفسي من كلامه الي حسيت بطني فراشات🦋🦋 من سمعت كلامه الابتسامه من الاذن للاذن ضحك عليه وكمت ابدل لبست
جينز وهاينك اسود وكوت اسود طويل وبوت قصير لون اسود حطيت حمره خفيفه ومسكاره نزلت ولكيته ينتضرني جان لابس جينز وهاينك اسود وبوت نص
-
فهد:شرايج تتاخرين اكثر
غلا:لا والله شسمه خلصت
فهد :امشي
-
فهد:اي مطعم عاجبج
غلا:مادري احس اريد نتمشى وناكل يعني مو مطعم وهوسه
فهد:تمام براحتج
-
غلا
-
طبكنه سياره واخذنه لفات گص وببسي وضلينه نتمشى بشارع الرواد جان زحمه وضوه حييل حلو وناس تضحك تمنيت توكف هاي الحضه لان حسيت بأمان لا ارادي ابسمت عل منضر الي كدامي جان حييل حلو بعدين خلصنه وافترينه شوي ورجعنه
-
غلا:ترا بعدني زعلانه عيطت عليه؟
فهد:چا وطلعه والكلام ما يراضيج؟
غلا:اي
فهد:چا براحتج
-
غلا
-
ضجت منه حييل كتله مزاعلتك نزلت من سياره بدلت ونمت كعدت الصبح ولكيته بل مطبخ اول ما طبيت غنة
-
فهد:زعلان الاسمر ما يكلي مرحبا
غلا:اني مو سمرهه بيضه؟
باوعلي بطرف عينه وهوه يكول:وهوه منو قاصدج
-
طلع من المطبخ وره عشر دقايق رجع ورجع غنه يم عيون الخضر ماجوزن انا خدج الكيمر انا اتريك منه؟
غلا:بعدك ما متريك منتضر الكيمر
فهد:مو الكيمر زعلان
غلا:حقه
-
ادرჂ̤ البارت قصير شوي بس اعوضكم🦋🫶🏻