ظلام فصلية

فُــصليهَ -17-

-انا لم اعد انا .
-انا مجرد شخص لا يحضى بسعادة .
-سأمت من حياتي لكن اصبر من اجله فقط .
-عشقت الضلام من بعد حزني .
-يا ويلي من المستقبل .

.
.

بقلم آيات الاعسر
--------------------------------
~{قراءة مُمتعةَ}~
--------------------------------
.
.
واني كاعدة. اسوي ريوك الهم سمعت صگر يحجي ويه خالتي

صگر :- يمة انه رايح للدوام وصارت حالة طارئة لذلك راح اضلن بالكوت فد سبوع او عشر ايام
يمة ديري بالج ع نفسج وانه كل يوميه اتصل عليج
وهاج هاذا مبلغ الج وهاذا المبلغ انطيه الاية

ام بگر :- هفف يا وليدي چا ما كلت قبل لا تروح
ليش هسه يلا حجيت چا بعدني مشبعت منك
وبعدين هاذني انه ما اخذهن (تقصد الفلوس)
انت اخذ مريتك وودعها وانطيهة الها وانه ادري بيك
زعلان ف لا تروح وانت ضام بكلبك وهيه هم
ترة ازعل عليك اذا ما تصالحها

صگر وهوة يستغفر :- هففففف انشالله يمة
باسهة من راسهة وحسيت خطواته اتجهت للمطبخ

اية :- صباح الخير

صگر ببتسامة :- صباح النور

اية :- چا راح تطلع وما تتريك

(سويت روحي ناسيه كل شي حته مااضوجه والنار الي بكلبي مفورة جنهة بركان)

صگر :- لا يابة بعد وگت انه اروحن ب 9

اية :- چا خوش

ضحك وهوة يمشي كال كمل شغلج وتعال وراي

اية بتوتر:- صار

عرفته راح يفتح موضوع روحته ف الكلام السمعته قبل شويه انطيته الاذن الطرشه

_كملت ريوك وصبيتلهم چاي جان خالتي تأشرلي بعيونها بمعنى اصعدي الرجلج اترخصت منهم وصعدت

دكيت الباب

صگر :- ادخلي ترا انه رجلج

اية _دخلت و سديت الباب طبعا و اكيد هوة كلي ف
ضليت واكفه وحجيت والخوف كاتلني

باوع ع ساعه وحجة

صگر :- هاي بعد ساعه اله ربع وانه اطلع تعالي اكعدي هنا اريدن احاجيج

_مافكيت حلكي ورحت كعدت والتوتر احسه راح يكتلني

صگر :- اسمعي بويه انه رايح لان صارت شغله طارئه وسلموهة اليه وانه رايح للكوت واتأخر هناك يمكن سبوع او يمكن سبوعين وممكن تصير شهر اسمعي
يابه انه ما كلت الامي اتأخر هواي لان ماريدها تبجي وانه اعرفها كلبها مايرتاح اذا متشوفنه متجمعين ف انه اريدنج تصيرين رزنه وتسدين مكاني وانتي مرت الشيخ وبنفس الوقت مرت المحامي اكيد ما متعودة على طلعاتي لكن صارلي هواي مجايني شغله قوية
وهسه اجتي الي اريدة منج ما تسوين مشاكل وانه اعرف ماتسوينها وهاي ضحاوي انه اعرف بينجن حزازية لكن اريدج تنطيها الاذن الطرشه وانه ادري بيج ترفعين راسي وانه الممنون