ظلام فصلية

فُــصليهَ -29-

-سَـــلام ؏ كَـل عَبد مَنٍ رَب رحَيمٍ .

~كل ما اودع من الحنين مُحن
~الاقي الاعذار تكثر

~ممكن التسامح شي ثانوي
~لكن الاعذار اخذوهة شي اساسي

~صرت ماافرق بينك وبين الناس
~صار الكل متشابهين مافي فرق

~غير انك تختلف شكلاً لا اكثر
~رغم كل هاذا احببتك بقلب نَقيُ .

-للكاتبة آيات الأعسر 🕊☘️
^^^^^^^^^^^^^^^^^^

مرت الايام عادية .
سهرات وضحك وبنين ابد ما ضوجتنه بشي
الكل حبهة وحبهم هيه وادهم يمووع الواحد
اليوم يوم غير شي ناس جاية تخطب يسر
او بالاصح مشية جايين يشوفوننهة
والتوتر الف ساعه تريد ساعه ترفض .

اية :- يسرررر شسالفه ترا خبلتيني

يسر :- ايية ماريد مااريد اتزوج .

اية :- زيين ليش فهميني ؟

توترت ودموعها تنزل وملخت ايديها من الفرگ
جريت ايدها وحظنتها مسحت دموعها بالايد الثانيه .
وحجيت محاوله اهدي الوضع .

اية :- يسر ؟ اذا عندج سبب خاص تكدرين تشاركيني او بكيفج المهم اذا لهل درجه متردين تزوجين عادي اوكف وياج بس ييسر
ماريد هل شي يضرني واني راح امشي ؏ عمى عيوني تمام ؟؟؟

هزتلي راسهة ودنكت ابتسمتلي وحجت :- شكرا اية .

حظنتهة ومسحت دموعها :- يلا هسه كومي غسلي وجهج وكأنما ماكو شي والي يصير كاتبه ربج

راحت غسلت وجها وحطيتلها مكياج كلش خفيف يعني بس يبرز ملامحها .
لبست فستان ناعم وحلو .
وشعرها سوته ويفي وهوة طويل صار يجنن
حطت شال ؏ راسها ونزلنا اني جنت محظرة روحي مسبقاً .

اول ما نزلنا خالتي ام بگر حصنتها من معوذات وكل شي حرفيا شبعت ضحك اداهر بيهة وهيه ترزل بيه

اية :- خاله شنو السالفه ترا مراح تروح يم شياطين

ام بگر :- ياااع اسم الله شياطينيش

اية :- خاله هاهيه محد يحسدها ؏ هاي التحصينات حته القدس تحررها

ضحكت يسر وخالتي همه رحنه للمطبخ وتلكانه
صكر وفهد .