The Sad dancer 🖤

البارت الخامس

وقفنا عند لما زينب راحت تجيب الطلبات وزمردة وليلي روحو البيت
زينب :- كدة تمام أوي اشتريت كل حاجة اروح بقا ينهار دة الساعة ٨ انا اتاخرت أوي لازم اروح بسرعة لاحسن يقلقو عليا
زينب حست بحد ماشي وراها سرعت في مشيتها لقيتة هو كمان بيسرع قلقت بتبص وراها لقيت حد كممها بسرعة واغمي عليها
*********************************
عند امير ومروان في المكتب
مروان :- يا امير كفاية ابوس ايدك انا تعبت
امير :- بطل دلع بقا لسة ورانا شغل كتير
مروان :- ياعم احنا بقالنا كتير شغالين كفاية كدة بكرة نبقا نكمل
امير :- طيب روح نادي شهاب هاخلص الورق دة وعازمكو في كافيه نقعد نشرب حاجة
مروان :- تمام هاروح اجيبة دقيقة وهاكون عندك
امير :- ماشي ياعم اما نشوف اخرتها معاكو
مروان :- اخرتها فل ان شاء الله
امير :- ان شاء الله ياخويا
وهرب مروان برا المكتب بسرعة
ضحك امير علي صاحبة اللي ماصدق وهرب بسرعة 😂😂😂
**********************************
عند سيلينا رجعت البيت لقيت ابوها كالعادة بيشرب دخلت اوضتها أخدت دش وغيرت هدومها لهدوم بيت مريحة وطلعت روقت البيت وغسلت المواعين
بابا سيلينا:- انتي يابت سيلينااااااا صرخ ابوها يناديها
سيلينا :- جاية يابابا نعم
ابوها :- تروقي البيت بكرة عدل عشان جايلي ضيوف مفهوم
سيلينا:- مين جاي
ابوها :- مالكيش دعوة ويلا غوري من وشي
سيلينا :- حاضر 
ابوها بصراخ :- يلا
سيلينا بذعر :- حح حاضر
سيلينا لنفسها :-  ياتري مين جايلنا بكرة مش عارفة يارب عديها علي خير وراحت نامت عشان عندها محاضرات الصبح
************************************
وعند اريج رجعت البيت
اريج :- يا بيبو بيبووووووووو
عبير مامتها :- طرشتيني يابت انا هنا في الاوضة تعالي
اريج :- جيالك يا جميل اي بتعملي اي بقا شاغلك كدة
عبير :- ابدا فوق الدولاب كان مش نضيف شوية فاقولت اتسلي وانظفة 
اريج :- اممم طب واية اللي في ايدك دة بقا ياستي
عبير :- دي كرتونة كنت باحتفظ بكل ذكري بيني انا وابوكي فيها لقيتها فوق
اريج :- اي دة اي الصورة دي انتي وبابا كنتو حلوين اويييي ❤️
عبير :- وحشني أوي يا اريج ماتخيلتش ابدا اني ممكن اعيش من غيرو لحظة واحدة
اريج :- وانا كمان وحشني اوي يلا ربنا يرحمو ويجمعنا مع بعض من تاني في الجنة ان شاء الله
عبير وهيا بتعيط :- يارب يا اريج يارب
اريج :- ماما ماتعيطيش بقا يابيبو مش باحب اشوف دموعك ابدا
عبير :- مش عارفة اعيش من غيرو بالرغم من ان مر المدة دي كلها بس لسة في بالي وعمري ما نسيتة لحظة
اريج :- معلش ياحبيبتي هو في مكان احسن دلوقتي قولي الحمدللة
عبير :- الحمدللة
اريج :- فكي بقا يا بيبو انا واقعة من الجوع عملالي اي بقا انهاردة
عبير :- انتي كدة دايما همك علي بطنك الاكل جوا في المطبخ مارضتش اكل من غيرك اغرفي الاكل عقبال ما اصلي العشاء
اريج :- تسلمي يا بيبو يا قمر انتي وطبعت قبلة علي خد مامتها وراحت تحط الاكل واكلو ودخلت نامت عشان عندها جامعة الصبح
**************************************
عند زمردة وليلي
زمردة :- ليلي يا ليلي قومي بقا الساعة بقت ١٠ وزينب لسة ماجتش انا قلقانة عليها أوي
ليلي :- يا زمردة بقا زمانها جاية سيبيني انام
زمردة :- يا ليلي طيب ما انا كمان قلقانة عليها وعايزة انام مش قادرة
ليلي :- قمت اهو طيب ازاي البت زينب لسة ماجتش ياتري راحت فين دي
زمردة :- يمكن راحت ل كاميليا صاحبتها هيا كانت قالتلي انها عندها صاحبة هنا اسمها كاميليا
ليلي :- ازاي لو كانت راحت كانت هاتقول ماعتقدش انها راحت لا
زمردة :-طيب امال تكون راحت فين بس
ليلي :- يمكن مالقيتش الخضار اللي هيا عايزاة وبتدور
زمردة :- لحد دلوقتي بتدور دي الساعة ١٠ انا مش عارفة قلبي مقبوض يا ليلي
ليلي :- يا ساتر يارب اهدي بس انتي يا زمردة ونامي وانا هافضل قاعدة لحد ماتيجي ان شاء الله تكون مش لاقية الحاجة اللي هيا عايزاها وتجيبها وترجع علطول ان شاء الله مش هاتتأخر نامي انتي بس
زمردة :- يارب يا ليلي
ونامت زمردة وليلي فضلت قاعدة مستنية زينب لحد ما ترجع
*******************************************
عند امير ومروان وشهاب في الكافية
النادلة بمياصة :- أتفضل يا امير بية اة بالمناسبة كنت عايزة اقول لحضرتك ان ستايل حضرتك يجنن
امير :- مرسي شكرا اتفضلي مش عايزين حاجة تاني
اتحرجت النادلة وحطت بقيت المشروبات ومشيت
شهاب :- اي ياعم دة في حد يقول للنعمة لا
امير :- اي مانت عارف اني ماليش في القرف دة
مروان :- ياعم امير سيبك منة دة عيل طايش
شهاب :- اي دة كلكو عليا لية كدة ياعم انا قصدي بت شمال اتسلي بيها وسيبها عادي
امير :- لا بردو ماليش انا في الحاجات دي
شهاب :- انا باتكلم معاك انت لية اصلا انت اصلا قفل
مروان :- هو اللي قفل ولا انت اللي بصباص وبتاع بنات
شهاب :- احنا الاتنين 😂😂
وضحكو مع بعض وخلصو وروحو
*********************************************
عند زمردة وليلي
ليلي فضلت صاحية لحد الساعة ٤ الفجر سمعت صوت رجلين جاية ناحية باب الشقة راحت بسرعة المطبخ وجابت سكينة ووقفت قدام الباب شوية وصوت الرجلين بدأ يبعد تدريجيا اتنفست براحة لما لقيتة بعد
ليلي :- هووووف اتخضيت يلا اما اروح أودي السكينة المطبخ لاحسن البت زمردة تصحي تلاقيني ماسكاها تفكر اني هاقتلها ولا حاجة 😂😂😂
ليلي بتبص تحت رجليها :- اي دة اي الظرف دة تؤ انا كدة قلقت
ليلي :- زمردة يا زمردة قومي اصحي بسرعة في حاجة مهمة
زمردة :- يا ليلي بقا سيبيني انام
ليلي :- قومي بس لي حاجة مهمة
زمردة :- قومت يا ستي خير
ليلي :- بصي انا لقيت الظرف دة تحت الباب
زمردة :- ظرف اي دة طيب استني نفتحة زينب جت
ليلي :- لا لسة ماجتش
زمردة :- هيا الساعة كام
ليلي  الساعة دلوقتي ٤
يتبع ٠٠٠٠٠٠٠٠٠٠٠٠٠٠٠٠٠٠