وقفنا لما ابو سيلينا كان عايزها تيجى تسلم على الراجل اللى معاة فى الصاله
سيلينا:- بابا تعالى ثانية بس
ابوها :- طب ثانية واحدة هاشوفها عايزة اية بس البيت بيتك
الراجل طبعا يا عمى
ابوها :- عايزة اية
سيلينا :- أنا خارجة لما الأستاذ اللى معاك يمشى أنا هانزل سلام
ابوها :- خدى هنا لا ماتخرجيش تعالى هنا
ومشيت سيلينا راحت على اوضتها تغير هدومها عشان تروح الجامعة وخلصت وركبت التاكسى اللى هايوصلها الجامعة
******************************
وعلى الناحية الأخرى فى بيت اريج
الام عبير :- يا اريج انتى يا بت اومى يالا عشان تروحى الجامعة اخلصى
اريج :- يا ماما والنبى سيبينى انام بقى عشان خاطرى
الام :- اومى يا بت بادال ماناديلك ابوكى اخلصى
اريج :- حاضر ياعم ما أنا عارفة الواحد مش هيرتاح الا فى التربة
الام :- امشى يا بت بادال ما اديكى با ابو وردة اخلصى البسى اوف يالهوى هاتجننوى
اريج :- ماشى هو أنا عارفة مش هاعرف ارتاح فى البيت دة دقيقه واحدة
وليست اريج وجهزت وطلعت
اريج :- ماما انا ماشية
الام :- استنى يا ريجو استنى خدى معاكى حاجة
اريج :- نعم يكونشى قلبك حن وهاتدينى 100جنية اجيب اللعبة عشان خاطري ادينى ال100 جوندى اجيب اللعبة
الام :- لا ياختى مش هاديكى ال100 جنية بصى خدى الكيسة دية اديها لسيلينا صاحبتك
اريج :- اية دية فيها اية الكيسة دية ها فيها اية
الام :- وانتى مالك
اريج :- عشان خاطري قوليلى فيها اية
الام :- فيها حتتين كيكة اديهملها فى اديها ها اوعى تاكلى منهم حاجة أصل انا عارفاكى طفسة
اريج:- حاضر مش هاكل منها حاجة حاضر
يلا سلام انا اتاخرت خالص سلام
ونزلت اريج ركبت التاكسى وراحت على الجامعة
***********************************
وفى الشركة وبالتحديد فى مكتب شهاب كان قاعد بيخلص الشغل اللي طالبة منة امير
نق نق نق
شهاب :- أتفضل
مروان ؛- صباح الخير ياعم عامل أية
شهاب :- الحمدللة واللة انت عامل أية
مروان :- تمام يامعلم الحمدللة
مالك يا شهاب حاسك متغير الايام دي في اي احكيلي
شهاب :- مافيش واللة بس قلقان علي زمردة شوية
مروان :- لية مالها زمردة هيا مش لسة بتدرس في امريكا
شهاب :- اة بس انا بردو قلقان عليها حالات الاختفاء في المنطقة اللي هيا فيها بقت كتير وانا قالقان عليها
مروان :- ماتخفش ياعم ان شاء الله خير طيب هيا ماينفعش ترجع تكمل هنا حتي تكون جنبك وتتطمن عليها
شهاب :- مش عارف هاشوف كدة
مروان :- ان شاء الله خير ماتقلقش عليها دي زمردة هيا دي يتخاف عليها دي عليها لسان
شهاب :- علي رأيك باقولك صح انت رحت لامير كان عايزك
مروان :- اة عايزني اكيد عشان يسحلني معاة في الشغل ذي كل يوم
ياعم دة لو مستعبدني مش هايعمل كدة
شهاب :- ياعم روح بس بدل ما تلاقية وراك دلوقتي
مروان :- هاروح اشوفو يلا سلام أقابلك في استراحة الغداء
شهاب :- سلام
*************************************
في امريكا تعيش زمردة مع ليلي وزينب في شقة صغيرة في منطقة تدعي لانسينغ تنام زمردة ذو ال٢٦ عاما
ليلي وهي تصرخ :- زمردةةةةةةةةة
زمردة :- اييي في اي حد يصحي حد كدة
ليلي :- ماقفلتيش الشباك لية امبارح قبل ماتنامي انتي مش عارفة ان في حشرات في المنطقة دي
زمردة :- يوة يا ليلي واللة نسيت معلش هابقي أقفلة بعدين عايزة انام بقي شوية الهي يسترك ياشيخة
ليلي :- لا هو مافيش نوم تاني الجامعة يا ابلة ولا انتي ناسية قومي يلا زينب بتعمل الفطار
زمردة :- شوية كمان يا ليلو والنبي بقا
ليلي :- قومي بدل مااغرقك بمية ساقعة اخلصي
زمردة :- حاضر قائمة أهو هوووووف ياربي الواحد مش عارف يرتاح دقيقتين
ليلي :- يلا ياختي عشان مانتأخرش وبطلي برطمة
زمردة :- حاضر
قامت زمردة عملت روتينها المعتاد أخدت دش واتوضت وصلت وطلعت لقيت الاكل محطوط واكلو ومشيو علي الجامعة
****************************************
عند سيلينا وأريح خلصو محاضرات وراحو قعدو في كافيتيريا الجامعة
سيلينا :- الدكتورة اللي كانت عندنا دي أستغفر اللة العظيم حاساها عايزة تسقط الناس كلها اي دة ياساتر
اريج :- يخربيتك هاتسقطينا انتي يخربيت لسانك اللي هايودينا في داهية
سيلينا:- ياعم انا قولت حاجة هيا اللي رخمة وسألتني حد قالها تسألني هووووف
اريج :- خلاص بقا ياسوسو كبري دماغك منها ياستي عادي
سيلينا:- علي رأيك مامتك عاملة اي صح سلميلي عليها أوي وحشتني واللة
اريج :- ايوة صح دة انا نسيت خدي ياختي مانا بنت البطة السوداء انا عارفة ماما باعتالك دول
سيلينا :- لية بس تعبت نفسها كدة
اريج :- بت اطفحي وانتي ساكتة ماتوجعيش دماغي
سيلينا :- ياعم انا كلمتك عيلة اصلا غيورة عمالة تحقدي عليا
اريج :- ياختي اتنيلي علي اي
سيلينا :- علي جمالي
اريج :- ودة فين دة ياما مين قالك ان انتي جميلة 😂😂
سيلينا :- انا عندي ثقة في نفسي اومال 😂
اريج :- اومال 😂😂😂 خلصي ياختي عشان نروح تعبت انهاردة اوييي
سيلينا :- اشطا
اريج :- سوسو باقولك هو احنا امتي هانخرج زي بقيت الناس
سيلينا :- لما يعملو كافية بنات بس نبقا نروح ياحبيبتي ان شاء الله غير كدة نووووو
اريج :- انتي مفسدة للمرح
سيلينا :- ايوة مانا عارفة يلا ياختي نمشي عشان مانتأخرش
اريج :- يلا
*****************************************
ملحوظه ( زينب وليلي وزمردة اة عايشين في امريكا بس كلهم من مصر فابيحبو يتكلم مع بعض مصري عشان ماينسوش اللغة )
عند زمردة وليلي وزينب كانو راجعين من الجامعه بعد ماخلصو محاضرات
ليلي :- اة تعبت اوييي مش قادرة
زمردة :- وانا كمان اوييي انا هاروح انام مش قادرة
زينب :- مين دي اللي تروح تنام انتي اللي عليكي المواعين انهاردة ياختي
زمردة :- يعني انتو الاتنين تروح تنامو وانا اغسل المواعين دة ينفع
زينب :- مين قالك ان كلنا هاننام انتي ناسية اني انا اللي عليا اجيب الطلبات انهاردة
زمردة :- يعني ليلي بس اللي هاتنام يابختك
ليلي :- يخربيت القر ياختي انتي وهيا مش هاعرف انام دلوقتي بسببكو
زينب :- احنا مش بنقر احنا بنحسد بس 😂😂😂 خلاص روحو انتو وانا هاجيب الطلبات وارجع علطول مش هتأخر يلا سلام
ليلي وزمردة :- ماتنسيش تجيبلنا حاجة حلوة سلام
زينب :- مش هانسا سلام
******************************************
أنت تقرأ
The Sad dancer 🖤
Romantizmرومانسي سيلينا بنت طيبة جميله هادئة ورقيقة جدا بتحب الرقص اوى بتتعرض لمشاكل في حياتها بتأثر علي نفسيتها وحياتها وشخصيتها فاهل هاتقدر تتخطي المشاكل وتعيش طبيعي ام هل القدر رأي اخر ✨ (مستمرة )
