اغتصبني ولد عمي "بالهجه الجزائرية "

~1~

مرحبا خاوتي اليوم درتلكم كرونيك جديد  بافكار جديده في الوقت الحاضر الي باغي يدي الافكار يدي معنديش بروبلام  راهم باطل خاوتي ههه  منديرش  تعريف بالشخصيات دك تتعرفوا عليه في القصه متنساوش تخبطوا جام وهيا نبداو ........

______________________________________________________

تبدى قصتنا في قاعة اعراس  ..ناديا :جيبي رب الصحونه.....ساره :يا جدك اصبري نسربي الشخشوخه......قمر :ياو وش بيكم العجوز رح تخنقني  ازربوا جيبولها الماكله راهي جيعانه.....ساره  :وينهي الطباخه ؟.......ناديا :عيطلها راجلها وخلاتلنا المطبخ لينا

قمر :امم دك نقول لخويا يسلكها النص تاع حقها ههههه ..ساره :ازربوا الناس راهي جاعة.... هاذي هي احوال العرس    الحمد لله  جاو خوالاتهم وعاونوهم  سرباو لناس داروا لتحت لرجال ومنبعد لنسا من بعد بدات حفلة الشطيح (كي تشبع  الكرش تقول لراس غني)  قمر عروستنا المقبلة  ناضت تشطحح يا جدك قبايلي وزيد الخلخال الي في رجلها صوتوا اححح هبااال كي طلعوا الرجال  تاع العايله يباركوا للعرسان  خلصوا من تما بداو الناس يروحوا

راحت قمر لخوها وقالتلو في وذنوا :تلها في عروستك اليلة هههه وراحت تجري قبل ما يكفرر عليها    وصحاباتها ناديه وساره هوما  بنات عماتها  وصحابات تع الطفول قعدوا يضحكوا راحوا للكوزينه شربوا الكاوزوز  وسيحوه وبداو يتمهبلوا ويسيحوا على بعضاهم المهم تمهبلوا تمهبلوا  وقعدوا يضحكوا باعلى صوت عندهم كي خرجوا لقاو  عماماتهم  راحوا معاهم كانو ا هازين الكابات  لبسوا مناه كان كاين البرد على 12 تاع اليل  خرجوا لقاو الشعر الطونوبيلات قاع راحوا  هبطت قمر كشما تحوس على طونوبيل حتى تلقا عمها لكبير (حوسين)

قمر :ااا عمي رانا بقينا الفوق  كشما طونوبيل فرغانه تدينا ...حوسين :اصبري يا بنتي نعيط لواحد من ولادي راه مازال في القاراج  قمر :صحا ..

طلعت الفوققالتلهم بلي راهي فراتها نزلوا في الدروج ولقاو طونوبيل تاع  جييب يا جدك ماهاذا الذي اراه البناة قعدوا يشوفوا في بعضاهم  حتى يتفتح الكاروا(النافذه ) نتاع الطونوبيل

يوسف ::هيا .... ساره :شكون هاذا  ؟....ناديا :اششش راهو يوسف...قمر :شكون يوسف؟ عمتي (حيزيه) :هاذا هو ولد  حوسين الصغير  الله الزين وطاعة الوالدين .ههه قاع هاذا تحت سمع يوسف  البنات قعدوا من لور والقدام قعدت عمتهم حيزيه  راحوا

يوسف :وين رح تباتوا  ..حيزيه :ولدي وصلنا لدار جدك  من بعد وصل قمر راهي تسكن في حي """"...سكتنا والبنات غير يكونكتيو(قدام بعضانا بصح نهدروا بالتيليفونات) ساره :ياجدك زييين باقلاوه معسله ..ناديا :بالعسل الحر وزيد الصوارد يا جدك عير شوفي عينيه اههه عشق ...قمر :وش بيكم الطفل ميمبا سامع بيكم ..ساره :نورمال بصح انا حرت في ناديا كيفاه تعرفوا ..ناديا ::اسرار الدوله ههه ...ساره :وش يخدم؟...ناديا :منعرف بصح سمعت بلي  بيلوت (ططيار) من هناك شهقت قمر شهقه الي في الطونوبيل شمعوها هههه قرصوها البنات قمر :اييي علاه تقرصو فيا  البنات يضحون في صمت ويوسف متبسم تبسيمه تحت الطرف 

قمر :شوف يا وسمك وصلني انا لوله مانيش قادره نقعد مع مختلين هنا..يوسف :صحا..ساره :بنتي نتي هبلي  باش تبقاي نتي وياه وحدكم في الطونوبيل    نتي نو انا لوله (تعكي عليها) ناديا :بنات بصح راه ميحلبش شوفوا كي داير باين يحب وحده اجنبيه يسمع بينا ...ساره :يسمع وي علاه لا ..حتى تحبس الطونوبيل وتخرج قمر من الطونوبيل وديرلهم باي باي  وتدخل لدار وهوما راحوا يقعدوا يكحلوا عليه شويه هههه وصلت قمر لدار غلبااانه ولقات يماها تندب على بنها الي راح  ههه دخلت قمر للاشومبر نتاعها وانباطحت في السرير ورقدت

.....يتبع