اغتصبني ولد عمي "بالهجه الجزائرية "

~2~

في الصباح الباكر نضت رحت ديراكت لدوش غسلت  وجهي ومنبعد قلت هيا ندوش ديراكت حكمت 3 سواياع(ملاحظه هامه عليا :انا نحكم 5 _4 سوايه نورمال معنديش بروبلام هههه)خرجت  وانا لافه المنشفه عليا ورحت نحوس على  جبه نلبسها لقيت وحده خضره هههه لبستها جيت  عجوز كبيره في عمري 50 سنه  تقوشي مانيش  24  المهم خلصت دخلت عليا يما

يما : واش راكي ديري باش تجي ديري ميناش لدار باش نروحو عند خوك نزوروه اليوم يتلموا الفاميليا لزوج قاعده تشوفيلي في روحك في لمرايه  جيبي البيدون والفريطوار وهاتيهم .........خرجت وانا ميمبا خلاتني نهدر المهم حسدت خويا  راح تهنا من عياط يما كل صباح  وانا خلاني المهم رحت نقيت الدار انا فحله خاوتي ارواحوا تزوجوني برك هههه   خلصت  هاذاك هو ماما خلصت من الغدا رحنا تغدينا   من  بعدت غسلت لماعن  رحت لشومبره  هزيت التيلييفون لفيت الزوج حمارات هاذوك يمنشروا فيا 

قمر :واش واش راني نترقب ههه

ساره :امممم راحت عليك البارح في الطونوبيل يوسف دارلنا لغنا واحنا نسفقو

ناديا :تقول طونوبيل دعاره يا جدك هههه

قمر :اممم راني حاسدتكم اففف روحوا تقودوا بيكم بيه

ناديا :ايه بصح زين والله راه جا كي سمع برك  بلي ولد عمو تزوج

قمر : بصح انا منعرفوش    مانيش مالفه نشوفو

ساره :ياك هاذا انا تاني اخر مره شفتو كي كنت صفيره من تما   راح لثانويه من الباك مشفتوش ديجا نتي يا قمر ماتجيش بزاااف مشتيش لبنات كي طايحين عليه

ناديا : اممم ولبنات حنا وش حنديرولهم 

ساره :هههه ناديا متكونيش تشتيه ؟ههههه.......

ناديا :نقوللكم الصح ايه  والله راه لكراش نتاعي من الطفوله

قمر : يويويويويويويو واخيرا كراشات رانيا تسما بقيت انا وساره  ههههه

ساره :اممممم شوفوا نبع الحنان راهي تعيطلي راني رايحه دك نرجع

ناديا :صحا  انا تاني نروح مبعدا

قمر :صحا باي ..................رحت  انبطحت في السرير وطيشت تيليفوني   وقعدت نشوف مع الشقف حتى تدخل عليا يما وفي قدها المقله وتعيط :شوفييي نتي شوفييي هاذا غسيل شوفي ليطاش تاع الزهم تاع المرقاز   متعرفيش ميمبا  تغسلي  مليح والله نندب على الي رح ديك  ... وخرجت هههه ديجا والفت  متخلينيش نهدر صاي  ولا في  الخيال انو تخليلي فرصه للهدره  المهم نضت رحت لتيكتوك كشما نكونكتي   يما وبابا راحوا وحدهم عند خويا محبيتش نروح  حتى جا الل ورقت وكالعاده هاذا هو روتيني اليومي المرهق   من تما متلميناش لمه تاع العايله حتى تلمينا على خبر وفات جدي   الخبر نزل كي الصاعقه عليا  حت انا عندي بزاااف مشفتوش بابا مسكين انهار صح محبش يبين لنا دموعوا يما تاني حزنت بصح ماشي باباها رحنا على لعشه  في هاذاك الوقت ربي خاذ امانته انا لبست  عبايه كحله ولفيت لفه عاديه بخيمار كحل لبست بشماق وردي (ههه خاوتي لازم تنسيق في الوك)  وخرجت ودموعي على خدودي حتى من عينيا حومر وخشمي  وصلنا  انا نزلت  و كلما زدت خطوه  يزدادوا دموعي  طلعت راسي نلقا الرجال من تحت النسا لفوق في الدار  شفت مع دار  جدي  من تحت لفوق وقلت داخل (اااه يا دار جدي  غيبه عليك ) كملت دخلت لداخل لقيت  عمامتي كامل يبكيو  قعدت معاهم    ونشوف مع لرض ودموعي حابسين ححتى طلعت راسي نلقا الزوج هاذوك واقفين في الباب هاذاك وين وصلوا رحت جريت ليهم حضنتهم وانا نبكي وهوما كثر من بعد   حكمنا الضحك رحنا للدوش وطربقنا بالضححك (نعم هاذو هوما الاصدقاء خاوتي هههه) خلصنا زدنا شفنا وع عيون بعضانا  زاد حكمنا الضحك منعرف علاه ههه  المهم جا وقت اخراج الميت    طلعو الرجال  تاع فاميلتنا   وناديا راحت تجري  تشوف  لقات يوسف داخل  لابس هاذاك الكوستوب لكحل  ولحيتو المطروزه  يا جدك شاوالا هاذا والزين يا خاوتي  راني هبلت مي تفكرت بلي  ناديا تحبو  درت غض البصر ورحت نودع جدي   هزوه ولاد عمامي  وجاو خارجين شاف  معايا يوسف وانا عينيا معمرين بالدموع  وانا نشوف مع  شثة جدي الي راهي خارجه  حتى ندور نشوف معاه ونعمك يا ساده هاكذا تكون عيني طاحت في عينو غرقت في  شفاروا الطوال وعينيه  العسلي  للحظه تفكرت بلي شعري راه مطلوق     شهقت شهقه  قاع داروا شافو معايا............... يتبع