اغتصبني ولد عمي "بالهجه الجزائرية "

~9~

جازت ذيك اليلة زي  السم  على قمر الي كلما تتفكر وش قالت لايمن جي رح تتقيا
فلاش باك

بعد ما حضنت قمر ايمن هو بادلها بنفس الشئ من بعد بعدت عليه وقالت
قمر :راني قابلة تتزوج بيا ايمن
ايمن مافهم والو  هو قهم بلي ماتحبوش  مي علاجال حالتهم الماديه حتى يرد عليها
ايمن :قمر مديديش لروحك هكا قلت لك كشما تحتاجي نعطيلك نورمال
قمر شافت فيه وزادت بعدت وقالت :ماشي قابل اوكي صحا جات حتروح مي  هو حكمخا من يدها وقاللها :راني قابل والسمانه الجايه راني نجي نخطب هاذاك واين نقنع بابا بالوضوع

قمر :صحا باي 
ايمن :باي
راحت قمر لدار وفي الطريق عينيها معمرين بادموع وصلت لدارهم الي تبان الروح مافيهاش   دخلت لقات يماها في الكوزينه دير المكتوب الي كتب ربي راحت لشومبره بدلت قشها ورقدت
.........

في الصباح نناض يوسف   لبس  لبسه كلاسيك مناه صحابو في الخدمه  راهم في الجزائر خرج لقا معاذ قدام  شومبرو يستنا فيها  نزل لتحت تلاقا  بيهم قعدوا يفطروا جاز النهار نتاعو عادي 

قمر نهاراتها سامطين ويماها ولات خدامه في البيوت (فام دو ميناج)  كل يوم تتحرق على جال يماها  ناديا وساره ولات متتلاقاش بيهم من نهار الي  بلوكاوها  في جميع المواقع حتى اجا النهار تاع الخطبه  مصرا حتى شئ جاء   ايمن ويماه وباباه  قعدو   اما صفيه حطتلهم  الماكله حتى نزلت قمر والروح مافيهاش مولاتش مهبوله وتضحك ومرحه خلاص ولات دايما الكيت في وذنيها  والضحكه سااااعات واين تظهر دخلت سلمت عليهم ككامل  وقعدت قدام يماها وهي مهبطه راسها   من بعد ماشايخو وكانت صفيه فرحانه ببنتها راح ايمن ورا قمر الي الشومبره باش يحكو كي دخلو قعدو ساكتين حتى ينطق ايمن

ايمن : قمر علابالي بيك والله راني حاس مي والله دك نعيشك الحياة الي تستحقيها
قمر :مارسي ايمن والله نتا والوحيد الي .......مكملتش الهدره حتى يوقللها
ايمن :اششش  متكمليش انساي قاع الهموم تاع الدنيا وابداي صفحه جديده معايا 
قمر شافت معاه تبسمة تبسيمه فوق القلب مناه هو بمثابت خوها او اقل خلصوا هو راح  وصفيه قعدت تزغرت وتسوطي من الفرحه

قبل قبل قبل كلشئ في دار  عموم قمر كاننو يتعشاو(يوسف .معاذ.ساره.ناديا.عماتهم.سي محمد.سي حوسين.....)العايله متجمعه في طااابل كبيره تتعشى حتى ينطق ايمن
ايمن :بابا  والله حبيت ننجيبلك خبر   مفرح ليك وليكم قاع
محمد :ههه اهدر تشو
ايمن :والله راني باغي بنت لحلال
يماه بدات تزغرت وفحت حتى باباه فرح حوسين كااامل رحو الأ يوسف الي خاف يقول قمر  وهو علابلو  معاذ شاف صاحبو وفاق
معاذ بصوت خفيف :متخافش ماشي هي
ام ايمن : وشوكون هي ؟
محمد :بنت عمي عمار قمر
 يوسف حط راسو وكامل راحتلهم الفرحه اما لبنات فرحوا لصاحبتهم

محمد : ام.... اح.. اففف بني راك علابالك وش تقول  ذيك العايله  صلتها منقاطعه بيناتنا
ايمن :بابا بصح انا باغيها للحلال
في هاذي الهدره  ناض يوسف وراح وخبط الباب   راح لبلاصة هادئه  وقعد تما هو يحبها بزاااف مقدرش  يتخلا عليها  جاتو واحد الفكره  .....يتبع