عشق الجاسور

البارت الخامس عشر

عشق الجاسور
الفصل الخامس عشر
بقلمي دينا محمود
عدت الايام وجه اليوم الموعود يوم فرح عشق وجاسور..
جاسور كان في قمة الوسامه وعشق كانت قمه من الجمال.
جاسور مسك اديها ودخل بيها وسط تصفيق وسعاده...
كانت فرحه حقيقه بتتويج العشيره اخيرا..
عشق وجاسور كان بيرقصو اسلو وفجاه حصل توتر وهمس وسط الناس
عشق: هو في ايه
جاسور: مش عارف
جاسور ركز عشان يعرف يسمع الهمس ويفهم في ايه وفجاه بص ل عشق
عشق بخوف: بتبصلي كده ليه انت سمعت ايه
جاسور: سالي هنا
عشق بأستغراب: سالي مين!!.. سالي.... ماما!؟
جاسور: ايوا
عشق سابت جاسور وطلعت تجري لحد ما دخلت الفيلا وجاسور لحقها...
عشق دخلت لقت واحده واقفه ومديها ضهرها
عشق: سالي
سالي لفت وشها وعشق اتصدمت وحاسه انها بتبص لنفسها فس المرايه.. نفس الملامح.. نفس الشعر.. نفس الطول.. عشق رجعت خطوتين لورا وهي مصدومه وعنيها مفتوحه علي آخرها من الصدمه وسالي ابتسمت وبعد كده استوعبت..
عشق: ممكن تسبنا شوايه لوحدنا
جاسور: هتبقي كويسه
ابتسمت عشق ومسكت ايده: متخافش عليا
جاسور خرج وهو قلقان مش عارف ليه وعشق واقفه مش عارفه تبدأ منين
سالي: اكيد مستغربه
عشق: احنا ازاي شبه بعض كده.. انا حاسه ان ببص لنفسي في المرايه
سالي: عارفه الشبه ده ليه فضل اننا عرفنا نوصلك.. وحشتيني اوي
عشق بسخريه: ههههه وحشتك.. وحشتك ازاي وانتي اللي رمتيني زمان.
سالي: لالا انا مارمتكيش انتي اتاخدتي مني.. سنين طويله وانا بدور عليكي.. اوعي تقولي اني رميتك
عشق: طيب وشهاب اتخليتي عنه ليه وسبتيه لوحده ليه مش كفايه انا
سالي: شهاب كنت مطمنه عليا عشان وسط اهله.. لكن انتي اللي مكنتش عارفه عايشه ولا..
عشق: كملي سكتي ليه.. تقصدي ولا ميته.. انا فعلا كنت ميته لما الكل كان بيتريق عليا وانا مش بعرف ادافع عن نفسي.. ياما اتشتمت وحسيت بالقهر.. ياما عيط لوحدي وكان نفسي حد يطبطب عليا.. ومت اكتر اما عرفت الحقيقه.. متتصوريش اما تلقي كل حياتك كدبه.. اهلك مش اهلك.. اصحابك مصاص دماء ام رمت بنتها
سالي بحرج: انا مش عارفه اقولك ايه.. انا اسفه اسفه بجد انك عيشتي بسببي واسفه انك هتتجوزي جاسور غصب عنك
عشق: ومين قالك ان غصب عني.. انا بحب جاسور وهو بيحبني
سالي: تبقي بتحلمي لو فكرتي حتي ان هو بيفكر فيكي او مهتم بيكي.. هو كل الشغله العرش وبس
عشق: كده كده العرش كان عنده حتي وانا مش موجوده
سالي: جاسور ميعرفش الحب جاسور مصاص دماء
عشق: وانتي ايه..!! مش ذيه وحبيتي ومفكرتيش غير في نفسك.. انا اترميت في الشارع وياعالم لو مكانوش  الناس اللي لقيوني دول كان حصلي ايه.. سىتي شهاب وهو صغير وهربتي من ابوكي عشان نفسك مافكرتيش فيه.. مفكرتيش تستحملي وتضحي عشانه.. انتي ماشفتيش لما جيت لقيت حالته ازاي.. كان وحيد ومنطوي ومش بيعرف يتحكم في نفسه علي.... انتي كان عندك الفرصه انك تفضلي هنا وتخلينا كلنا مع بعض مش ترميني وتسيبي شهاب وتمشي وجايه بعد السنين دي كلها وجايه يوم فرحي من الشخص اللي بحبه ويحبني وتقوليلي كده.. عاوزاني اهرب معاكي مش كده... مستحيل.. مستحيل ده يحصل.. انا مستحيل اكون سالي تانيه.. انا مش عايزه اشوفك او اكلمك تاني.. انا معنديش ام.
فجاه دخل شهاب ونور وهما مصدومين.. لقيو عشق واقفه بالفستان الأبيض وقدمها واحده شبهها كأنها نسخه منها وكانت لابسه فستان اسود. عرفو انها سالي.. لسه هيتكلمو ابتدا صريخ والكل بينادي وبيقول.. الصاااااااديييين.
عشق جسمها اتشد وسالي وشهاب ونور وشهم بدا يتحول وعشق وجريت وقفلت عليهم باب الاؤضه من بره عشان الصيادين ميأذيهمش..
وافتكرت ان الصيادين مش هيأذوها عشان هي لسه بشريه..
وسالي وشهاب ونور اتحولو وبيصرخو بصوت مرعب وعايزين يطلعو.. والكل بيحارب.
وعشق بتصرخ وبتدور هلي جاسور ومش لاقياه.. بقت بتدور وهي منهاره الجثث مرميه في كله حته..