عدي يجي يومين من بعد اخر زياره للشيخ طاهر ،
امي مبقتش بتشوف اشكال او خيالات تاني
انا حاولت كتير اعرف اكتر عن الشيخ طاهر وازاي بيعرف اي اللي لازم يتعمل وكدا فبقيت اروح اصلي فمسجد تاني خالص
هو بعيد شويه عن بيتي بس بعد ما عرفت انو بيروح يصلي هناك قولت كلو يهون عادي
بعد ما خلصت صلاه روحتلو وانا عازم فنفسي اني اتعلم منو واعرف اكتر
هو كان في حواليه حوالي خمسه عاوزينو تقريبا يجي معاهم الصراحه مهتمتش اوي لاني مكنتش لسه عارف لي هما عوزينو بلظبط فاستنتهم لغايه ما مشيو وانا روحتلو طبعا بعد السلامات والسؤال عن الاحوال دخلت فلموضوع علطول
"يا شيخ طاهر انا عاوز اتعلم منك"
هو بصلي باستغراب وقال
"تتعلم مني اي يبني مش فاهم "
"اتعلم منك ازاي خليت امي متشوفش روح جدي"
هو قعد ساكت شويه وضحك!! ايوا ضحك وقالي
"يعني انت من يومها وكنت عاوز تتعلمها طاب لي مقولتليش من الاول"
انا استغربت هو الموضوع سهل اوي كدا امال لي قعدت اروح واجي ومطلبتش منو علطول
بعدها لا اراديا دحكت انا كمان دحكت من غبائي اني مسدق كدا
هو دلوقتي تلاقيه فاكرني عيل عاوز يعرف اللعبه دي بتتلعب ازاي هو اكيد مش هيفهم اللي انا عاوزو بلطريقه دي
انا قولتلو
"انا عارف شويه حاجات عن العالم التاني"
هو قالي
"طاب كويس انك عارف انك لازم مترميش زيت مغلي فلحمام و ...."
كان لسه هيكمل كلامو وانا قولتلو
"مش قاصدي علي الحاجات دي انا قصدي علي سكان البيت الاوليين"
هو وقف شويه ومش مستوعب وقالي
"وهو انت عرفت الكلمه دي منين "
قولتلو اني بقرا كتير عنهم وكدا بعدها قعدنا حوالي ربع ساعه بنتكلم وقالي
"مادامك حابب الحاجات دي اوي كدا اي رئيك تيجي معايا تشوف جلسه"
انا هنا مكنتش مسدق اخيرا هشوف جلسه بجد الصراحه كنت فرحان وخايف فنفس الوقت وحاجه جوايا بتقولي "بلاش" ، بس طبعا رحت معاه المكان
هو بيت عيله كبير شويه بس مش قصر
دخلنا البيت وتم الترحيب بينا بشكل مبالغ فيه شويه كنا كلنا قعده رجاله
وبدئو يتكلمو :-
كبير العيله قال
"انا جايبك هنا يا شيخنا علشان تشوف حل مع حفيدتي البت مش عاوزه تطلع من اوضتها ابدا وكل ما حد يدخلها تفضل تزعق ومش عاوزه تشوف حد ابدا"
الشيخ طاهر رد وقال
"ما يمكن متكونش حابه تشوف حد عشان دراستها وهي بتذاكر وكدا"
فكبير العيله واللي كان بلمنسبه اسمو عادل فضل مُصر ان حفدتو ملبوسه بس بعد كلام كتير وافق الشيخ طاهر انو يشوفها ف الحج عادل خلا ابوها يروح ويجبها
قعدنا مستنين شويه لغايه ما دخل علينا ومعاه بنت شابه يجيلها فل ٢٠ كدا وقال
"تعالي يبتي عشان الشيخ طاهر عاوزك دا براكتنا"
وقعد يمدح الشيخ شويه والبنت دخلت وقعدت ساكته فقطع السكوت دا الشيخ طاهر وهو بيقولها
"مالك يبتي لي قاعده ديما لوحدك اكده غلط"
البنت لو قولتلكو انها انفجرت فوش الشيخ مش هتسدقو قعدت تزعق وتقول
"انتو جايبنلي شيخ عشان مش عاوزة اتجوز دا ليه يعني ملبوسه انا يعني ولا علشان كلام الناس عليا اني هعنس ما اعنس ولا اتنيل هو عيب ولا حرام"
وفضلت تزعق والكل متصنم البنت وشها بقا كلو احمر من شده الانفعال وبعد فتره هديت وقعدت ساكته ولا كانها زعقت ، انا قعدت شويه بقول مع نفسي
"معقول هي مش عاوزه تشوف حد عشان عاوزنها تتجوز ؟؟"
الشيخ ابتسم وقالها
"احنا بقا عاوزين ناكدلهم انك مفيكيش حاجه يبنتي فممكن تخليني اقرا عليكي"
سكتت شويه ووافقت وبدا الشيخ يقرا عليها سوره (الفاتحه) و (الاخلاص) و (الفلق) و (يس) وتحديدا الايه 9 وايه (الكرسي)
طول الجلسه وهي بتترعش وتتشنج وتاخد نفسها بلعفيه وبتقول
"كفايه كفايه مش قادره كفايه"
وكل مادا بتتعصب لدرجه كانت هتمسك فلشيخ بس ابوها مسكها والشيخ قاعد بيقرا وبعدها لما خلص الايات سكت شويه بعدها بدا ، يكلمها او بلاحري يكلمو
"اسمك اي"
قالها بصوت عالي ملقاش رد وهي قاعده بتتشنج لسه فطلب مني اني اقرا سوره (يونس) بصوت عالي من الايه 82:79 ومهما حصل موقفش
بدات بلقراءه وكل ما اقول كلمه تبدا حراكتها تزيد وتكتر لغايه ما بدات تتكلم او يتكلم مش عارف بس كان صوتها صوت راجل قاعد بيصرخ ويقول
"كفايه كفايه انا هخرج انا هخرج"
ومره واحده وقف واترمي عليا بقا شكل البنت بشع جدا عنيها بتبرق جامد وفي عروق خارجه من رقبتها بس انا كنت في مكان تاني خالص كنت مش مسدق اللي شوفتو كان كابوس بعدها اتعدلت وسمعتها وهي بتقول
"دا تحذير سبوني ......سبوني"
بعدها اخدني الشيخ وطلعني برا المجلس عشان متاذاش وانا قاعد سمعت حاجه جوا دماغي بتقول
"انظر"
انا مش فاهم يعني اي او ابص علي اي انا مش فاهم حاجه كنت خايف بس الفضول قتل القط فروحت فلمجلس وقعدت بعيد اشوف اللي بيحصل
لقيت المنظر كالاتي:-
ام البنت معرفش جت منين او امتي بس هي قاعده ماسكه بنتها والشيخ بيردد
"اسمك اي"
وبعدها هي او هو مش عارف بيقول
"شمهروس ....شمهروس"
الشيخ قالو
"هل انت مس ام عمل ان كنت مس فارفع يدك اليمني وان كنت عمل ارفع يدك اليسري"
ولقيتها بترفع ادها الشمال هو فعلا عمل ، بعدها الشيخ بدا يقرا قرأن كان بيقرا خواتيم سوره البقره بعدها الاخلاص وكل ما بيقرا كانت بتهدا بشكل غريب كأنو تعب
بعدها الشيخ ختم الجلسه بصوتو الهادي وهو بيقرا ايه الكرسي بعدها المكان هادي جدا البنت نامت علي ايد امها وجه ابوها شلها وطلع بيها علي سلم فوق وهي كانت مستسلمه للنوم بعد كل التعب دا بعدها اخيرا اتكلم الشيخ وقال
"الحمد لله طلعتو بس مادام دا عمل اكيد هيرجع لازم تعرفو فين العمل دا ولازم يتفك بلقرأن"
وقعد يقول حاجات كتير جدا بس انا مكنتش سامع حاجه انا كنت فعالم تاني لقيت نفسي قاعد وسط مقابر بليل لوحدي حاسس بحاجات بتجري حوليا كل ما اتلفت اشوف في اي ملاقيش حاجه
بس عيني جت علي قبر معين
حسيت بشلل فاطرافي كلها بس مع كدا لقيت نفسي لا اراديا بروح نحيه القبر دا
قاعد بقول لنفسي
"لا لا بلاش"
بس مفيش فايده مش قادر اتحكم برجلي وانا بقرب سامع صوت لا اصوات ناس بتصرخ وانا نازل القبر كأني فلجحيم اشكال كتير بتحاول تخرج بس كل ما تيجي تخرج كأن حاجه بتشدها تاني لتحت تحت فين؟
اه هو انا مقولتش ، تحت الارض الكائنات دي بتطلع من تحت الارض وانا قدام الباب
الباب مفتوح وانا قدامو بعدها سمعت حد بيهمس فودني بيقول
"هنا العروسه"
وانا بفكر عروسه اي دي اللي هنا بعدها لقيت نفسي فنفس المكان اللي كنت فيه قاعد ومش حاسس باللي حوليها سامع صوت الشيخ طاهر وهو بيقول
"يا نادر انت يا ولا انت نمت ولا اي "
وقعد يدحك بعدها بصيت حوليا وعرفت ان دا كان مجرد حلم بس كان واقعي جدا بعدها طبعا جابولنا اكل واكلنا ومشينا ورجعت البيت وانا فاوضتي بقول
"هو اي اللي كان بيحصل دا وعروسه اي دي "
بس بعدها جت فدماغي فكره وانا مصمم اني هعملها حتي لو كانت مجنونه واللي يحصل يحصل
خلص الفصل سلام
أنت تقرأ
نقطه الصفر (عالم مجهول ١)
Horrorالبعض يؤمن بوجود الخوارق ....و البعض لا حسنا ...انا مؤمن بها لانني شاهدت هذه الخوارق بنفسي ستشهدون كيف اننا لا نعيش وحدنا في هذا العالم (عالم مجهول)
