انتقام بنات البحراوي

الفصل الاول

في صباح يوم جديد تستيقظ ليليان تفتح عيونها اللي بلون القهوه ورموشها الكسيفه وبشرتها البيضاء
ليليان: يانانا يانانااا فينك.
المربيه سميره: صباح الورد مالك ياليليان.
ليليان: صباح الفل البنات صحيوا يانانا
المربيه سميره: لا يابنتي مصحيوش ل دلوقتي
ليليان لنفسها : يعني كل يوم هصحيهم بنفس الطريقه.
تروح المطبخ وتجيب تلج وتروح ل اوضه ليان تلاقيها نايمه متشقلبه تحطلها التلج ف هدومها وتصحيها
ليليان: لياااااااااان اصحيييي البيت بيولع
ليان بفزع: الحقوووني هموت لسه متجوزتش يخرااابي الورق والملفاات ليليان هتموتني.
ليليان بضحك: هههههه قومي قومي خلينا نروح الشغل
ليان: اوووف هو الشغل مش بيخلص
ليليان: لا يالمضه البسي هروح اصحي ليلي
تروح ل ليلي اوضتها تلاقيها صاحيه
صباح الخير علي احلي لوليتا
ليلي: صباح النور ياروحي هروح الكليه النهارده اول يوم خايفه ياليليان
ليليان: متخفيش يابت اخت الملكه متخفش
ليلي: ماشي ياقلبي مش اخاف طول ماحنا مع بعض
تذهب ليليان لتجهز نفسها بعد وقت قصير قدام المرايه تضع روج خفيف بس هي حلوه جدا من غير مكياج تلبس كجول كلو اسود ف اسود جاكت جلد اسود وتيشرت كت اسوت عليه كلمه انجليزي بالابيض وبنطلون اسود وهاف بوت رمادي
تنزل ف اوضه السفره تلاقيهم بيفطروا
ليليان: جهزتي ياليان يلا بيناا علي الشركه
ليان: مش هتفطري ياليليان
ليليان: لا هفطر ف الشركه
ليان: تمام يلا بينا هتمشي ياليلي ولا لسه مشدلوقتي
ليلي: لا روحوا انتوا هتعدي عليا صحبتي نروح مع بعض
ليان:تمام يلا سلام
خارج القصر
(نسيت اقولكم هماا عايشين لوحدهم ودا هنعرف سببو بعدين انما القصر غايه ف الروعه جميل ف جنينه واسعه فيها ورد كتير ليليان بتعشقه وبتهتم بيه وحمام سباحه كبير)
بيركبوا عربيتهم ومعاهم الحراسه فهم اعزائي الملكه والثعلب
......................................................
ف قصر جميل جدا بالطراز الملكي
ف الصباح
قاسم: يابت ياسعاااد انتي يابت ياسعاااد
سعاد: نعم يابيه
قاسم:روحي جهزي الفطور وصحي الباقي لحد مااشوف الارض وارجع
سعاد: حاضر يابيه تأمر بحاجه تاني
قاسم بغضب: لا روحي من وشي.

يذهب قاسم للارض يملك اغلب ارض القريه ظالم اشتري الارض من النس غصب عنهم
......................................................
قدام شركه شاهقه الارتفاع روعه التصميم تنزل ليليان واختها قدام الشركه ببرود ولما لا فهي الملكه الكل يخاف منها هي واختهاا
تدخل الشركه هي وليان الكل ينظر ليها هي واختها منهم الحاقد والخائف والغيران
تدخل هي وليان تطلع الدور العاشرر في مكتبها هي وليان وقاعه الاجتماعات ومكتب السكرتيره بتاعتها
رحاب
رحاب: صباح الخير يافندم
ليليان: صباح الخير يارحاب هاتلي جدول اعمالي وفنجان قهوه
وتدخل المكتب بتاعها هي وليان
ليان: شفتي ياليليان الصفقه رسيت علينا وعيله البحراوي خسروهاا ف اخر لحظهه هههههه.
ليليان بغموض: ولسه يا ليان لسه احنا ف اول الانتقام هما شافوا حاجه.
ليان:برضو مصممه ع الانتقام.
ليليان بغضب: ليان لو انتي نسيتي العذااب انا وليلي منسناش
ليان: انا منستش ياليليان انا خايفه عليكي
ليليان ببرود : نتخفيش حقنا هناخده منهم واحد واحد المهم روحي مكتبك واتصليلي ع اسد يرجع من المانيا
ليان: حااضر بس كداا واحشني ابن الايه ههههههه.
ليليان بغضب: امشي ياليان خليني اشوف شغلي
تمشي ليان وهي بتضحك
تخبط وتدخل رحااب
رحاب: مواعيد حضرتك النهارده اجتماع الساعه 1 مع الوفد الايطالي
واجتماع الساعه 4 مع شركه السيوفي
وفي ورق واقف علي امضتك
ليليان بمزااح: اي يارحاب كل مره افكرك طول مااحنا لوحدنا بلاش حضرتك والكلام ده انتي اختي
رحاب: ربنا يعلم ياليليان بحبك قد اي
وماما بعد اللي عملتيه معاها ومعايا بتدعيلك ع طول
ليليان: قلبي سمر دي سلميلي عليها
رحاب:حاضر من عيني حاجه تاني
ليليان:لا روحي انتي ع شغلك
تمسك الورق وتمضي عليه بعد ماتقراه وتدرس ورق الصفقات وتشوف البنود بتاعتها
......................................................
اول بارت خلص
Ԋαɳσσԃ