العنوان الثاني للقصة : الحب الخطأ
الحكاية جزائرية تتضمن أحداثها بعض من الألام التي يعيشها الشباب الجزائري في حياته اليومية و تتعلق بفتاة تعيش مآساة الحياة و مرها في عمر الزهور حيث تجد نفسها في دوامة انتقام و حب ....
باللهجة الوهرانية ننزل بارت كل يو...
روز: قتلك مايقبلوناش والله ماقبلونا بلقيس: ابنتي سكتينا بلعي والله غير يقبلونا و دروك تشوفو و قولي بلقيس مقالتش روز : من البارح و نحنا نقارعو و حتى النوم مىقدناش ڨاع باش نشوفو الايميل و يعطولنا ماعيطوش بلقيس: انا ني مروحة للدار نرقد شوية نتي فري مقودة صح اقعدي نكدي وحدك لهنا باي روز: (ضربتها بالمخدة😂😂) روحي روحي ديجا الصحبات كيفك ولا خلي
///////////////////////////////
في القصر :
التلفون يصوني ...... نزار: وي مالك راعي 7 تاع الصباح علاه تعيط دروك شاتصحق عندي مالك: ماراكش قي لندن سي نزار نوض ارواح للشركة تاعك لا بغيتي زعما😂 نزار: كوبا في وجهو مالك: تفووه دروك انا بنادم ولا شاه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و هبط باش يفطر نزار: صباح الخير بابا عادل: صباح الخير نزار: هيا ني رايح عادل : ربي معاك نزار: باسه على جبهته و راح للشركة
و هو في الطونوبيل في الطريق و بفكر في الطفلة لي تجرأت و هدرت نعاه كيما هاكاك البارح و يهدر مع نفسو كون مندمكش في النهار لي هدرتي فيه كيما هك معايا ميسمونيش نزار ( الغرور و النرجسية بدات تخدم كالمي روحك سي😂😂😂)
وصل للشركة و دخل كالعادة الناس كل تخزر فيه بصح واحد مايتجرأ و يهدر معاه ... مالك: وينك شريك طولتي نزار : ارواح معايا للبيرو نستحقك مالك: اييه شكاين دخلو للبيرو عيط للسكرتيرة نزار: جييلي الكاميرا لي صورت شا صرا ڨاع لبارحة السكريتيرة: وي و راحت تجيب فيهم مالك: بديت تخوفني شا صرا و انا معلاباليش نزار: كاينة حاجة و يسموها صبر(و يخزر فيه بتشناف) جابت السكريتيرة لي تصور ڨاع في هاداك النهار نزار: نرسي تقدري تروحي مالك: هيا باغيني نطرطق شاكاين فهمني نزار: (مريبونداش ڨاع عليه) قعد يدور على هادي الطفلة لي هدرت معاه بهادي لافاصون بارحة حتى لقاها نزار: شكون هادي الطفلة؟؟؟؟ مالك: (بإستغراب باسكو جامي لا سقسا على وحدة) علاه تسقسي نزار: (بغضب) شكون هادي تعرفها ولا خليني ندور عليها بطرقي الخاصة مالك: جات دير كونكور على مديرة اعمال للقسم تاعك نزار: اقبلها و قوللها dm1 تبدا تخدم و 2 لوخرين خيرهم نتا وحدك لسونسيال هادي اقبلها مالك: اووووووو قولي هاكدا من اللول نزار: مالك هيا خليني نكمل خدمتي
