الشخـيـات:
بيت ابو سعد
ابو سعد(عبدالله): شايب من الزمن القديم انسان عصبي مره الى حد ان عياله يخافون منه(ابو سعد تزوج ام سعد وعمره٧٠).
ام سعد(سارة): انسانه طيبه مره والكل يحبها وعياله مره يحبونه(ام سعد تزوجت ابو سعد وعمرها٢٥).
حنان(البطله): انسانه جميله مره وطيبه وعلى نياته على بالها الناس كلهم طيبين مثلها تحب الناس بس تخاف تختلط فيهم ماتعرف تكون علاقات.
شيخة(اخت البطله): انسانه مجنونه مره ماتسكت عن حقها تحب تجرب كل شي.
سعد(اخو البطله): انسان طيب مره يفهم على خواته.
غيث(اخو البطله): عنقود البيت يحب يلعب بس عنده تتأه بسبب ابوه.
بيت ابو عبدالعزيز
ابو عبدالعزيز(محمد): شايب يحب عياله مره وانسان يعامل عياله معاملة اصحاب .
ام عبدالعزيز(العنود): انسانه جميله وتحب الناس مره ومره حنونه على عيالها.
عبدالعزيز(البطل): انسان وسيم فخم يحب كل شي مثل مايبي بس طيب مره ويحب يساعد الناس.
الجوهرة(اخت البطل): انسانه جميل وتحب الناس مثل امها بس تستحي.
نواف(اخو البطل): عنقود البيت يحب اخوه عبدالعزيز مره .
البارت الاول:
اول شي نرجع وراء شوي لما كان عمر عبدالعزيز٩سنوات وعمر حنان٧سنوات كانو ابوسعد وابو عبدالعزيز اصحاب طفوله فا مره كانو مع بعض وصارو عيالهم مع بعض كانت علاقة حنان وعبدالعزيز مره قويه كان عبدالعزيز يخاف على حنان من كل شي يخاف يصير لها شي مره كان مع بعض الى حد ان اللي يقربون ل حنان او عبدالعزيز كانو يقولون ان عبدالعزيز ل حنان وحنان ل عبدالعزيز كان عبدالعزيز وحنان يختارون اسماء عيالهم اذا تزوجو بدون ما احد يدري لان اذا درى ابو سعد راح يضرب حنان كانو يسمون عيالهم (ريفان و ترف وخالد)مرت الايام وصار عمر عبدالعزيز ١٥وعمر حنان ١٣
ابو سعد: خلاص بنتي ما راح تطلع قدام عبدالعزيز صارو كبار لازم تتغطى حنان عنه وهو لا يجي عند بنتي(بحكم ان ابو سعد شخص متشدد مره كان يحرص ان بناته يتغطون وهم صغار)طبعا ابو عبدالعزيز احترم راي ابو سعد
ابو عبدالعزيز: عبدالعزيز خلاص ماراح تروح يم حنان حنان كبرت وراح تتغطى.
عبدالعزيز: ليش يا يبه ياخي حرام عليكم ماراح اسوي شي ل حنان.
ابو عبدالعزيز: عارف يا ولدي بس ابوها يبي كذا وحنا لازم نحترم رايه.
عبدالعزيز زعل مره ما كان يبي احد يفرقه عن حنان لانه كان مره يحبها المهم ابو عبدالعزيز نقل من القصيم الى الرياض بسبب شغله وصار مايجي الا بالاجازات ومايجي معه عبدالعزيز كثي مرت السنوات وصار عمر عبدالعزيز٢٥ وحنان٢٣ كانو يتقابلون ابو سعد وابو عبدالعزيز بس حنان عبدالعزيز ما يتقابلون عبدالعزيز صار دكتور لان كان هاذا حلمه لما كان صغير وحنان تدرس موارد بشريه.
.
.
.
دق ابو سعد على ابو عبدالعزيز
ابو سعد: السلام عليكم
ابو عبدالعزيز: وعليكم السلام
ابو سعد: اخبارك يأبو عبدالعزيز اخبار العيال ان شاء الله طيبين
ابو عبدالعزيز: الحمدالله طيبين. اخبارك انت واخبار العيال ان شاء الله طيبين.
ابو سعد: الحمدالله طيبين. انا داق عليك ابي اعزمك على تخرج سعد ولدي من الامن
ابو عبدالعزيز: جاين ان شاء الله بس متى التخرج؟؟؟
ابو سعد: ان شاء الله يوم الجمعة ليلة السبت الموافق ٨/١٢
ابوعبدالعزيز: ان شاء الله نمشي بكره من الرياض
ابوسعد: حياكم الله بتشرفونا.
.
.
.
بعد صلاة العصر
كان جالس سعد و ام سعد وابو سعد وحنان وشيخة وغيث كانت سعد يذاكر ل غيث لان عنده اختبار بكره
اما حنان وشيخة بس يتناقرون
ابو سعد: اسكتي انتي وياها لا اضرب كل وحده منكن البيت مايسكت منكن
حنان: ان شاء الله يبه
شيخة: طيب يبه
ابو سعد: بكره بيجي ابو عبدالعزيز هو وعيال وزوجته
ام سعد: حياهم الله من زمان عنهم متى راح يجون؟؟؟
ابو سعد:ان شاء الله على المغرب راح يقعدون عندنا الى اليوم الثاني بعدها بيروحون بيتهم
ام سعد: ليش بيتهم هي شي؟؟؟
ابو سعد: لا بس بيجي عمال ينظفونه وراح يقعدون عندنا الى ان يروحون
ام سعد: حياهم الله البيت بيتهم ب اي وقت
حنان: استانست مره انها اخيرا راح تشوف عبدالعزيز بعد مدة طريله
اذان المغرب وراح ابو سعد وسعد للمسجد يصلون و البنات راحو يصلون
شيخة: اخيرا راح يجي عبدالعزيز ياخي وش رايك تتزوجينه خلاص خليه يخطبك من ابوي ابوي مستحيل يعيي عليه
حنان: اسكتي لاحد يسمعك اذا سمعك ابوي راح يضربني ويضربك
شيخة: اف ياخي كل ماقلت شي سكتوني تمام خلاص ماراح اقول شي بس ترا انتي واضح انك استانستي لما درتي انه راح يجي وانك راح تشوفينه بعد سنوات
حنان: بيني وبينك مشتاقه له مره لانه كان مره حنون مره كان يخاف علي حتى كنا نسمي عيالنا بس مقدر اقول شي ابوي اي احد يقول له شي على طول يضربه بدون اي تفاهم المهم خلينا نروح لامي
شيخة: ياخي الله يزوجكم وتروحين وتصير الغرفة لي لحالي
حنان: ركز على اهدافك ههههههههههههههههههههههه.
.
.
.
بيت ابو عبدالعزيز
ابو عبدالعزيز: ام عبدالعزيز ترا بكره من الصبح راح نمشي للقصيم ابو سعد عنده تخرج ولده سعد وبنروح
ام عبدالعزيز: يا ماشاءالله الله يوفقه الحمدالله راح نشوف البنات بعد مده طويله مشتاقين لهم مره
ابو عبدالعزيز: اي والله مشتاقين لهم مره المهم قولي ل عبدالعزيز خليه يحسب حسابه معنا بكره بيروح
ام عبدالعزيز: ان شاء الله
.
