ام عبدالعزيز: عبدالعزيز احسب حسابك ترا بكره انت معنا
عبدالعزيز: وين يمه؟؟؟
ام عبدالعزيز: بنروح القصيم ابو سعد بيسوي تخرج سعد ويقول تعالو
(عبدالعزيز استانس مره لانه من زمان ما شاف حنان)
عبدالعزيز: زين يمه بس انتو روحو بكره وانا الحقكم بعد صلاة العصر لان الظهر عندي مواعيد مرضى بالمستشفى
ام عبدالعزيز: طيب يمه بس تجي مو تقوم تتعذر
عبدالعزيز: ابشري ماعليك بجي
.
.
.
من بكره
ابو عبدالعزيز: يله يا ام عبدالعزيز راح نتأخر
ام عبدالعزيز: جيت جيت
ابو عبدالعزيز: عبدالعزيز وينه ماهو جاي معنا
ام عبدالعزيز: الا بيجي بعد العصر عنده مواعيد مرضى بالمستشفى
ابو عبدالعزيز: تمام الله يوفقه.يالله مشينا
عند عبدالعزيز اللي بعد ما خلاص المرضى اللي عنده راح على البيت يجهز شنطته وركب سيارة وتجه يم القصيم
.
.
.
عند ام عبدالعزيز وابو عبدالعزيز بعد ماوصلو القصيم و اتجهو يم بيت ابو سعد
ابو سعد: حياكم الله ارحبو ارحبو
ابو عبدالعزيز: الله يحيك ويبقيك
ابو سعد: اقلطو اقلطو
ابو سعد: وش اخبارك وش اخبار الرياض معك
ابو عبدالعزيز: الحمدالله بخير انت وش اخبارك
ابو سعد: الحمدالله بخير وينه عبدالعزيز ماهو معك
ابو عبدالعزيز: الا بيجي بس عنده مرضى بالمستشفى يخلصهم ويجي
.
.
.
عند البنات بعد ما دخلت عليهم ام عبدالعزيز
ام سعد: حياكم الله
ام عبدالعزيز: الله يحيك
ام سعد: وش اخباركم ان شاء الله بخير
ام عبدالعزيز: الحمدالله بخير انتي وش اخبارك
ام سعد: الحمدالله بخير
ام عبدالعزيز: وش اخباركم يالبنات
البنات بصوت واحد الحمدالله بخير
الجوهرة راحت يم البنات وجلسو برا وقامو يضحكون ويسولفون من زمان عن بعض
شيخة: اخبارك الجوهرة من زمان عنك
الجوهرة: الحمدالله بخير اي والله من زمان عنكم حنان اخبارك مالك حس
حنان: الحمدالله بخير
.
.
بعدها بشوي جت سيارة فخمه مره
شيخة: ماشاءالله سيارة مين هاذي
حنان: مستحيل يكون واحد من الديرة
شوي الا ينزل عبدالعزيز منها
شيخة: الله ياخذ بليسه مين ذا
حنان: حلو مره تكفون
الجوهرة: خلصتو
حنان وشيخة بصوت واحد ايه
الجوهرة: تبون تعرفون مين ذا
البنات بصوت واحد ايه
الجوهرة: هاذا عبدالعزيز اخوي اللي كان يلعب معك حنان وانتي صغيرة تذكرتيه
حنان: تستبلين مستحيل يكون عبدالعزيز اصلا عبدالعزيز من ابوي قال لابوه انه خلاص كبرت مايبي اطلع عنده عبدالعزيز ماصار يجي
الجوهرة: تمام ( الجوهرة بصوت عالي عبدالعزيززززز)
حنان: فضحتينا
شيخة: خلاص عرفنا انه اخوك
.
.
.
عبدالعزيز جاء عندهم
عبدالعزيز:هلا وش بغيتي
الجوهرة: لا بس البنات مو مصدقات انه انت اخوي وحبيت اثبت لهم انك اخوي لان حنان مو مصدقه انك ممكن تجي للقصيم بعد ما ابوها قال لابوي انه مايبيك تجي عند حنان
حنان وشيخة بصوت خفيف: اسكتي فضحتينا
عبدالعزيز: حنان
حنان: هلا
عبدالعزيز: والله وكبرتي وش اخبارك
حنان : الحمدالله بخير انت وش اخبارك
عبدالعزيز: بخير بعد شوفتك
حنان تقول بصوت خفيف: ياربي ياربي مستحيل يكون حلو بطريقه ذي
عبدالعزيز: حنان قلتي شي
حنان: هلا لا لا
عبدالعزيز: لي جلسه معك بس لازم ابوك مايصير موجود
شيخة والجوهرة: ياربي اجتمعو الحبايب مره ثانيه هههههههههه
حنان: اسكتي انتي وياها ان شاءالله بس لازم اعرف ابوي وابوك متى يروحون
.
.
.
بعد صلاة العشاء وبعد ما الكل راح ينام
عبدالعزيز: الجوهرة روحي يم البنات وقولي ل حنان تجي يم المكان اللي كنا نلعب فيه
الجوهرة: ياربي ياربي ياحياتي متى تتزوجون وافتك منكم
عبدالعزيز: اسكتي وروحي يمها بسرعه
الجوهرة: اف طبب
الجوهرة راحت بشويش يم البناتوطقت البنات عليهم ودخلت الغرفة اللي فيها حنان وشيخة ولقتهم يسولفون
حنان: تعالي الجوهرة سولفي معنا
الجوهرة: تمام بس ترا عبدالعزيز يقول تعالي يم المكان اللي كنتم تتقابلون فيه قبل لما كنتم صغار
شيخة: الله الله عبدالعزيز واضح طايح على وجهه من الوناسه مثل اللي جنبي هاذي من درت ان عبدالعزيز راح يجي وهي مستانسه
حنان: كأنه صوتك صاير طويل ذي الايام
شيخة: ياخي وش اسوي مستانسه انكم مجتمعين من بعد ماقال الكل ان حنان وعبدالعزيز ل بعض ابوي بعص الموضوع وخلاكم ماتشوفون بعض
حنان: اسكتي بس اسكتي
حنان طلعت من عندهم وراحت يم المكان اللي كان يتقابلون فيه قبل لما كانو صغار(وراء البيت من عند شباك غرفة حنان وشيخة)
حنان: هلا
عبدالعزيز بدون اي مقدمات حضن حنان بقوه
عبدالعزيز: لو تعرفين وش كثر اشتقت لك وش كثر اتمنى يوم واحد اشوفك فيه
حنان: عبدالعزيز خلاص لاحد يشوفنا اذا ابوي شافنا راح يضربني
عبدالعزيز: معليك ماراح يشوفك نايم تلقينه
حنان: ليش ما صرت تجي تمام عارفه ابوي يرفض بس كان يمدي اهرب من البيت واجي هنا واشوفك
عبدالعزيز: كرهت القصيم بعد ما ابوك قال لابوي انه مايبيني اشوفك ياخي انا كنت احب القصيم بسببك
حنان: وانا احبك
عبدالعزيز: اي وش اخبار الدراسه
حنان: الحمدالله زينه انت كيف المرضى معك ان شاء الله كل شي تمام
عبدالعزيز: الحمدالله كل شي تمام بس لو تجين مره تصيرين وحده من مرضاي كذب يعني عشان اشوفك
حنان: هههههههههههه عشان ابوي يكسر العصا على ظهري
عبدالعزيز: بسم الله عليك وعلى ظهرك
حنان: والله وصرت متعلم كلام حلو اتذكر ما كنت تعرف تقول كلام حلو
عبدالعزيز: عيب عليك انا من يومي وانا ملك الكلام الحلو من بعدك طبعاً
حنان: ههههههههه واضح اذكر مره جاك مهند( ولد عم عبدالعزيز) قال لك كلام حلو قلت له شكرا هههههه
عبدالعزيز: كأن هنا فيه احد يضحك علي
حنان: وش اسوي ياخي كنت تضحكني لما ابوي كان يضربني كنت تخاف علي من اي شخص يضربني
عبدالعزيز: وش اسوي كنت احبك مره بس ماكنت اقدر اقولها لان كنا صغار وكان ابوك راح يضربك
حنان: حتى انا كنت احبك بس كنت اخاف اقول لك وتخليني
عبدالعزيز: اخليك؟؟؟ اخلي العالم هاذا كله ولا اخليك ياخي انتي روحي وحياتي وقلبي وعمري ياخي انا لما رحت عن القصيم تعبت نفسي عشان رحت عنك بس
حنان: ياحياتي . كأنه برد الجو
عبدالعزيز كان معه فروه(كان شتاء)
عبدالعزيز: تعالي ادخلي بالفروه
حنان: اخاف يشوفنا احد
عبدالعزيز: لا معليك مافيه احد غير اختي واختك هاذا اذا ما نامو طبعاً
حنان: تدرين عاد مره زعلت عليك لانك ماجيت القصيم كنت اذا ابوي ضربني يقول الكل خلاك حتى عبدالعزيز عجز يستحملك كنت ابكي مره اقول هو صدق خلاني عشانه طفش مني بس بعدين عرفت انه انت مالك دخل بالموضوع وانه هاذا كله من ابوي
عبدالعزيز حط يده على كتف حنان
عبدالعزيز: تمام ننسأ الاشياء اللي مو زين ونسولف كيف كنا نزعج اهل الحاره
حنان: يوه كانو يروح لابوي و ابوك يقولون لهم انا مزعجين
عبدالعزيز: تتذكرين لما مسكنا عبير وحطينا على شعرها تراب عشانها ضربتك
حنان: عاد هي كلبه مين قال لها تحط عينها عليك
عبدالعزيز: دقيقة دقيقة يعني هي ما ضربتك ولا شي
حنان: اي ماضربتني ولاشي بس حطت عينها عليك وانت لي مو لها
عبدالعزيز لف عليها
عبدالعزيز: حنان
حنان: هلا
عبدالعزيز: انتي تغارين علي منها
حنان: اي ومن اي شخص يقرب لك لانك حقي مو حقها
عبدالعزيز: ياربي ياربي ياربي انا مو قادر استحمل اكثر كذا حلوه ياخي احبك احبك احبك ياخي الله يجعلك من نصيبي
حنان: وانا احبك
بعدين قامو يسولفون عن حياتهم اللي قبل وعن طفولتهم الا شوي الا تسمع حنان صوت خطوات احد جاي
