ديلان : نعم
ياسر : تعاي كعدي هنا تريكي و ( قاطعتني)
ديلان : شكرا راح اتريك بلمطبخ
ياسر: محد عازمج تعاي صبينه الجاي
ديلان ويه نفسها: بحياتي ماشفت انذل منك
وكعدت وصبيت الجاي داكوم
ياسر: كعدي اكلي
ديلان: بس
ياسر خزرتها وكعدت هي تاكل ومدنكه راسها واباوع الكل يردون ياكلوها بنضراتهم حقد وكره كملنه وكمنه كل واحد لشغلة والبنات لمن الصينيه وكامن للمطبخ كمت اني واخويه مرتضى طلعنه للمصنع
ديلان : داغسل المواعين اني وسمر خوش بنيه حبابة كلتلها سمر ممكن سؤال
سمر: اي اكيد كولي
ديلان : انتي تدرسين ؟
سمر: اي ثالث متوسط وانتي ؟
ديلان : اني جنت سادس اعدادي بس هسه ماتصور اكمل بعد
سمر: ليش
ديلان : اني فصلية واكيد ميخلوني اكمل
سمر: اسفه ذكرتج
ديلان : لا عادي اصلا ادري عمج مراح يسمحلي اكمل هوة شيفهمة بلدراسة والشهادة
سمر : منو الي ميفهم بلدراسة انتي متعرفين عمي شمكمل دراسة
ديلان : شمكمل
سمر: ابويه ياسر يشتغل طيار
ديلان: شنووو صدك لعد ليش ميداوم
سمر: بعد ما توفى ابويه بطل وضل مكان بابا خلي نخلص المواعين وافهمج القصه كلها
ديلان : تمام( ويا نفسي عندي فضول اعرف هذا الانسان الحجر شنو اصله)
كملنه ونضفت المطبخ ورحت لسمر لغرفتها وكلتلها كملت تحجيلي هسه
سمر : اي تعاي كعدي
ديلان: كعدت كولي
سمر : عمر ياسر خلص كلية وصار طيار سنتين جان من يمشي يضحك الكاع شقوجي وينكت بس بابا توفى بمرض القلب وعمو ياسر جان برحلة خابرو ورجع للفاتحه خلصت الفاتحه وعمو ياسر صار المسؤول على عائلتنه لان هو الرجال الثاني بعد بابا وترك شغل الطيران وكام يهتم بل مصانع والمزارع مالتنه الي جان شغل ابويه وتغير عمي ياسر من يوم المات بابا صار كئيب حجيه قليل ذب نفسه ع الشغل لان بابا امير جان مثل ابو لعمر ياسر لان جدو توفى من جانو عمامي صغار جان عمر عمو ياسر ١٢ سنه وبابا ٢٢ سنه وتكفل بتربيتهم وكل مشاكله ويحجيله همومه الله يرحمه
ديلان: الله يرحمه
جان اسمع نهى ام سمر تصيح
فصلللللية وفتحت الباب
ام سمر: هاي شتسوين هنا شنو تعلمين بنتي ع الحقارة لو تريدين تطلعيها من الطريق
سمر: لا ماما بس
ام سمر: انلصمي وكومي اقري بعد ساعتين دوامج
وانتي فصلية خاتون كومي كملي تنضيف
ديلان : كملت المطبخ
ام سمر : كملت المطبخ😩وباقي البيت كوووومي
ديلان كمت ورحت نضفت الصاله وكنست وطلعت للممرات بيت جبير بي ١٢ غرفه ويمكن البيت ١٠٠٠ متر هلكت لما كملته سمر راحت للمدرسه واني داغسل الكراج باوعتلها وهي تطلع ولابسه ملابس المدرسه تذكرت من جنت طالبة شكد حلو لو اروح وياها بل ١٢ ونص داغسل بلكراج وطب ياسر عيونه تجدح اجه عليه وسحب ايدي واني اتعثر وكعت ع الدرج وطببني للغرف وشمرني بلكاع
ياسر: هاي شنو
ديلان تبجي: شنو
ياسر : شنو هاي ملابسج مبلله ورافعتها ومطلعه رجلج وتفترين بلكراج
ديلان: جنت داغسل الكراج وزلكت وتبللت ورفعت الدشداشه جبيرة عليه كلت اكمل وابدل
ضربني👋راشدي ياسر: ادبسز متطلعين هيج ابد ابد ابد الحمد لله ابن عمي دك موبايله وضل بلشارع ديجاوب لو داخل وياي وشايفج هيج جان خليت طلقه براسج بدون تردد
وضربني راشدي الخ👋 كلش أأذاني بقيت ابجي وهو طلع ضليت ابجي نص ساعه وبعدين كمت غسلت وجهي وجيت اعدل شالي دانزل لان وكت الغدا ولازم اني اصبه باوعت لوجهي صاير ازرك وطبعه اصابعة على خدي حسبي الله ونعم الوكيل
ضلت تصيح ام سمر : فصليه ولج فصليه تعاي صبي الغدا ، واني استحي انزل ويشوفوني هيج وجهي ازرك بقيت بغرفتي اقصد غرفة ياسر اني خدامة هنا ،
ياسر نزلتوالعصبيه مفوله بيه معقولة اغاار عليها لا ممعقولة هاي لان مرتي وهيج غيرتي صارت سمعت ام سمر تصيح فصلية وفصلية والله اني كرهت هل كلمة شلون حالتها هي عاد طلعت من الصالة ورحتلها ل ام سمر
ياسر : ام سمر خير ليش تصيحين وعيب ابن عمي جوة
ام سمر: خوية ياسر هاي متنزل تصب الغدا الحجيه تكول خلي الفصلية تصب الغدا
ياسر : استغفر الله هسه اصيحها وصعدت دخلت للغرفه لكيتها كاعدة ومدنكه راسها
ياسر: مدسمعين يصيحون عليج؟
ديلان : ----بدون رد
ياسر: مو دحاجيج جريتها من زندها رفعي راسج من احاجيج
ديلان رفعت راسيواني اباوعله بحقد ، شكووو
ياسر: اباوع خدها ازرك وهي بيضه مبينه طبعه اصابعي على وجهة
ياسر: ابقي هنا لتنزلين عفتها ونزلت
ياسر: ام سمر ام سمر.
ام سمر: نعم اخويه
ياسر : ديلان متنزل عوفوها لحد يصعدلها
ام سمر : خويه بس
ياسر: عوفوها
ام سمر: حاضر....
يتبع...
