سمر دنكت راسها عرفت اهلي مسوين شي دكيت الباب بقوة افتحي اني ياسر تفتحين لو اكسرها رجعت ليورة داكسرها فتحتها على النص دفعت الباب وطبيت لكيتها كاعده بلكاع وبعدها تبجي وملابسها مشككة فوكاها عصبت وعيوني جدحت
ياسر : هاي شبيج ديلان منو سوة هيج بيج؟
ديلان متجاوب بس تشهك
ياسر بصياح : داكلج منو هيج سوة بيج ؟
ديلان : اه- شهكه اهل شهكه اهل-ك
ياسر اعصابي فورت اني طلعت اريح نفسي وعفت بزونتي بيد الذياب
ياسر: اني اعلمهم كمت بعصبيه لزمت ايدي
ديلان : لا -- شهكه لا عفيه - شهكة
ياسر: وج شلون يمدون ايدهم عليج
ديلان : ليش تعاتبهم احجي على نفسك انته قبلهم مديت ايدك -- شهكه عليه
ياسر صيحت : اااااااااااااااااااااااه
هي خافت وخلت ايدها على اذنها عفتها وطلعت نزلت باوعت لامي
ياسر بعتاب : هيج يمه هيج اعوف مرتي هيج تملخيها عفتهم وطلعت رحت للديوان مال عمي عمامي رايديني هناك طبيت اباوع عمر هناك كاعد مورم وعمامي كلها كاعده
ياسر : السلام عليكم
الكل: وعليكم السلام
عمي: هاي مارجيناها منك يا ياسر تضرب اخوك وابن عمك وعضدك وحزام ضهرك علمود مرة ومنو المرة فصليه بت اعدائنا وكتالين ابنه
ياسر : عمي من تكول اخويه وعضدي وحزام ضهري يصير الاخ يباوع على عرض مرت اخو حتى لو جانت فصليه هي مرتي كدام الله وكدام الكل وان كانت بت اعدائنا اسمها مسجل ويا اسمي وماقبل كائن من يكون يباوع على عرضي واني لوما ابن عمي جان خليت طلقه بنص جبينه
عمي: اسكت لا تكمل عمرررر وكام عليه ونطاه راشدي👋 ماكتلي باوعت على مرت اخويه ماكتلي خنت امانتكم واباوع على اعراض الناس متستحي
عمر: اسف بوية مجان قصدي
ياسر : عمرررر لتفور اعصابي
عمي: اهدى ابني ياسر اهدى الي تريده يجرالك اعذرنه
ياسر: كلكم على عيني وراسي بس عمر بعد ميطب بيتي ويباوع على عرضي
عمي : جرالك ميطب بعد سمعتو عمر ميطب لبيت ياسر بعد
ياسر: مرة خصتكم تعبان اروح ارتاح
الكل : الله وياك وميصير خاطرك الا طيب
طلعت رحت للبيت لكيتها نايمه بلكاع ومتغطيه
يتبع...
