قصصنا (قصص قصيره)

حي ال لٱ سلام

الله أكبر الله أكبر
الله أكبر الله أكبر
أشهد أن لاإله الا الله
.
:
:
:
:

هكذا اعتاد يصحو صاحب الاسواق حسين كل صباح ع صوت آذان الفجر

….. ياسمين ياسمين يللا عيني گومي أذن الفجر

..... ايييي عيني گايمة گالتها بتثاقل

ومثل ممتعودين كل يوم الصبح تحضرله ريوگه  وتخليله الغدا بالحافظات وتوصي طلبات البيت ويتوكل لشغلة تتبعه للباب ويگولها كلمته المعتادة

..... يللا يابة محتاجة شي

......سلامتك تجاوبه بابتسامة

ويركب الدراجة مالته ويطلع تقرا ورا إنا انزلناه ودعاء تحصين علمتها امها عليهن وترجع تنام يم اطفالها (علاوي وجنة) ..

غمضت عينها وصار اللي مچان يخطر ببالها..??

الساعة 8 الصبح اندگ باب بيت ام علاوي اللي بحي السلام هذا الحي الصغير الواقع بجانب الكرخ غربي بغداد هادئ خالي من الطائفية نوعاً ما رغم الظروف الصعبة اللي چانت تعم بغداد بسنة الـ 2006

جرت شال من الزاوية وخلته ع راسها بعدم اهتمام وگالت باستغراب منووو؟؟؟!!!

.....كهرباء ..

جاوبها بصوت جهوري متمرس

فتحت الباب شافت رجال خمسيني مغطي الشيب اجزاء من شعره واضح عليه الصحة.!!?

گلتله

....تفضل العداد ورا الباب

دخل وبحركة سريعة منه دفعها ع الحايط انضرب راسها بباب الميزانية ودخلو ويا ثنين ملثمين داخت وشبه فقدت توازنها لولا قلقها ع اطفالها ….

ياسمين : من شافني دخت وراد يغمى عليا جرني من شعري بقوة وگال

..... باعي لچ هاي حركات مال يغمى عليچ ولعب النسوان ميفوت عليا اذا مگلتي الفلوس وين اذبح جهالچ گدام عينچ??..

بهالاثناء ذولة الاثنين گلبوا البيت رأساً ع عقب يدورون ع الفلوس تشخصت عيني وضليت اباوع باتجاه غرفة النوم

ادعي ربي ليگعد علاوي من النوم هذا وقته

گتله :يافلوس دخيلك ماعرف عن شنو دتحچي?? الله يخليك لتأذي جهالي والله احنا ناس ع گد حالنا..

عاط بيا حيل وضربني كلش اذاني وضليت مقاومة ومتحملة للحظة اللي گعدت بيها بنتي وشالها المجرم وخله مسدس ع راسها طفلتي عمرها سنتين تصرخ مرعوبة واني اصرخ

:عوفها بالكنتور الفلوس بالكنتور عوفها الله يخليك.??

سحبني الرجال الچبير من شعري وسحلني للغرفة سحل كتله ..

:بالخانة الفوگ جوا الملابس اكو صندوگ اخذه وعوفو جهالي فدوة الله يخليكم..!!

اخذه وشمرني للگاع وزاد عياطنا اني وجهالي مادري ابچي ع حالي مادري ع فلوس المسكين اللي حصلها بشلاع الگلب ..

وورثه من أبو چان بباله يفتح مكتب دلالية وعقارات

،، بس طلعوا حضنت جهالي وركضت لجيرانه ابو مهيمن بهذا حالي اول معرف خابر ع ابوعلاوي والجيران سمعوا وانگلب الفرع كله ..!!

ببيتي جارتي ام فراس مرة چبيرة حاضنتني وتقرا ع راسي قرآن وام مهيمن اخذت الجهال يمها ..

وصل حسين اول مفات للبيت ركضت لحضنه ادور الامان وضليت ابچي بحرگة واگله

:اسفة والله خفت ع الجهال اسفة حسين ضربوني واذوني حييل ..

وهو يطبطب عليه ويگول

:اشسش فداكم  الفلوس وصاحبها شتفيدني لو صارلكم شي اشششش..??

خلال ساعة ملت الشرطة المنطقة وتحقيقات وبحث وتفتيش وتحقيق ..

تدونت إفادة ياسمين مثل ماقصتها للشرطة وللكل كونها الشاهدة الوحيدة ع الحادثة واخذوا افادة الجيران وسجلو بالمحضر  قضية ضد مجهول …

:
:
:
:
:

يوم مضى بثقل وخيبة أمل على صاحب الاسواق..

..حتى أفاق في صباح اليوم التالي ع رسالة مطبوعة ع شاشة جواله مضمونها 

(دير بالك ع جهالي واعتذر مرة ثانية … ياسمين)

توقعاتكم ??!

بقلم: زينب ام توته

zozoangle16

......................

كنتم مع اول المشتركات

.
.
رأيكم بالقصه يهمنا ..??!

نصائحكم ، ،وكيف وجدتم طريقه السرد

انتضروني مع قصه اخرى، ،في البارت القادم، ،بأذن •اللّـہ̣̥ ...

لاتنسون التصويت

سلااام