ذات العيون الناعسة (فصلية)

البارت العاشر

هاي حبايبي طبعا اليوم علمودكم نزلت هذا البارت

الهام صافنة على امي وهي تحجي وياي وتريد اتضحي بية علمود اخوية
الام.. يمة فدوة اروحلج اقبلي
الهام.. يمةة اوك اني خايفة على اخوية واحبة وهو سندي بس مو اضحي بمستقبلي ودراستي علمود اروح فصليةةةةة
فقدت لدرجة حسيت الكل يكرهني ويردون يتخلصون مني وامي الي تقنعني وتبجي حتى اروح لو ابوية الي جاي يقنع ولد عمامي علمود يقبلون او بالاحرى يقنع اديم الي تخبل مااعرف ليش ....
كمت طلعت من الغرفة واني ابجي شفت الكل كاعد يتناقشون على الموضوع والكل كاعد
من طلعت من الغرفة فاتن تلكتني وعمتي سكينة الي جنت اظن انو هي تكرهني بس هي ما رضت على ابوية
ابوية كام باباتي حبيبتي ارضي يا بنتي هو هذا نصيبج
اديم صاح بصوت عالييي لدرجة الكل سكتت
اديمم .. عمييي شبيككك تريد ادمرر بنتك
طلع علي من الغرفة
وكال الهام شكو جاوبة عبدالله
يردون ياخذون الهام فصلية و١٠٠مليون
علي بهت وجهة وكال .. متروحينن اني اروحلهم يكتلوني مترحينن
عمتي سلامة. شني ما تروح جا تريد تموت اشعليها ماعليها شي اظنكم هاي الهوسة علمود دراستها شني فايدتها
اديم .. عمة من رخصتج انتي تقبلين تودين بنتج فصلية
عمتي سلامة سكتت وضلت تخزر بية مااعرف ليش حسيتها حاقدة علية مندون سبب

فاتن اخذتني الغرفة علي واحنا اثنيناتنة نبجي وخايفة شراح يصير باجر 
فاتن.. الهام لا اطلعين الوضع مشحون معليج بيهم اديم وعلي ماراضين خلص معنها ماترحين اني رايحة للمطبخ شوي واجي

راحت فاتن واني بقيت صافنة على الي صار يعني خلص اهلي مقتنعين يودوني فصلية اتأخرت فاتن ساعة بهل ساعة خلص قررت اقبل بمصيري كرهت العالم كرهت كلشي كلشي مااعرف شسوي بس الي اريد اسوي اقبل واخلص
بعد ساعة اجت فاتن وجابتلي كلاص عصير برتقال وكالتلي اشربي بردي كلبج معليج بيهم بعد  عشر دقايق حسيت بنعاس وغفيت

فاتن
رحت لل اديم اشرتلة واجاني
اديم .. ها
فاتن .. تكدر اتجيب منوم
اديم .. منوم !!! شتسوين بي
فاتن .. الهام راح تتخبل بس تبجي وصافنة خايفة عليها كلت اشربها منوم علمود ترتاح وعلما تخلص هل مهزلة
اديم .. هسة اروح اجيب واجي

راح واني بقيت انتظرة للحظة فكرت انو هو يحبها معرف هيج حسيت لان يرجف ويحجي ويدافع عليها
دخلت للصالة واني اشوف محد جاي يوافق رأي عمتها سكينة واديم والكل يريد يوديها الي عرفتة انو ابوها راح يبيع بيتة الثاني وسيارتة وقطعة ارض من عمتها سلامة 
اجة اديم وكال
اديم .. شلون راح تشربي الها
فاتن.. اخلي بعصير وتشربة بس كلي هذا مفعولة قوي ؟؟
اديم .. اي طبعا
فاتن. تمام شكرا
ابتسم وراح
عصرت عصير برتقال وطحنت حبايتين وخليتهن بلعصير ورحتلها ... غفت وهي كاعدة

الهام :  كعدت واني راسي مسطورر اباوع دنيا الليل وفاتن نايمة هي وعماتي
طلعت من الغرفة كلها نايمة حيللل شكد نمت اني
رحت للحديقة وكعدت بلمرجوحة فجأة سمعت صوت طلع اديم اجة كعد يمي واني مستغربة شكعدة هذا

اديم .. شلون صرتي
الهام .. برأيك الي اهلة يتخلون عنة شنو حيصير بي
اديم .. صيري قوية واجهي العالم ادري جاي تحسين اهلج تخلو عنج بس اذكري كلشي كاتبة الله يصير
الهام ..باوعتلة انت شعجب متريدين اروح برغم ابوي وامي عادي يردوني اروح
مجاوب ردت اكوم
اديم .. لأني احبج
الهام.. هااا !!!
اديم .. مثل ماسمعتي ....... راح طب للاستقبال
واني على وكفتي مصدومة من الي سمعتة طبيت للغرفة لكيت فاتن كاعدة رحت يمها وحضنتها
الهام.. صار شي ويايي مصدومةة
فاتن.. شنو !!!!
الهام.. جنت كاعدة بالحديقة واجة كعد يمي كلي ديربالج على نفسج وهاي السوالف بعدين سئلتة ليش انت تمانع بروحتي كلي صدمة فاتن كلي احبج !!!!
فاتن.. شلون الهام متأكدة خاف تتوهمين
الهام.. لا لا متأكدة

فاتن
_________
ضلينا كاعدين اني والهام نقنع نفسنة اكو حل ولحد الان احنا منعرف علي ليش اتعارك واصلا وية منو اتعارك بس كل الي اعرفة اني خايفة على علي والهام صار الصبح الي جنة نتمنى ما يطلع بهل سرعة
الكل كعد وعمة الهام سلامة من الصبح
سلامة .. ها شنهو قررتوا
الاب .. مااعرف لحد الان اهل الولد مايرضون الا فصلية
سلامة .. وعلى شني متوقفين اكبعها وانطيها شني احسن الولد ينجتل خليها هي بنية هاي قسمتها واذا اضل حملها يثكل
اديم .. عمة مو جنج جاي توصفين حيوانة مو بنية عمة انتي واعية البنية من راح ننطيها معناها وقعنا على موتنا فاتمنى منج تحاولين تلتزمين الصمت على ما نشوفلنا حل
سلامة.. شني ولك تسكتني خل تفظ هاي السالفة واني اعلمك
اديم هز ايدة واتجاهلها
ضاع يوم مندون حل وماباقي غير يومين يا يتم التوقيع على موت الهام وينطوها يا يشوفلها حل
بس الشي الي جانة منصدمين منة هو امي الي همها علي وتكولي اقبلي
الام .. يمة الهام اروحلج فدوة اقبلي ليش تكتلين شباب اخوج
الهام مذهولة يردون يكتولوني ويكتلون برائتي في سبيل علي يعيش ويكون عائلة واني مصير ينجهل وما معروف
__________________
بعد مرور يومين

الكل قبل والكل خلص ايد الفكرة انو يودوني فصلية
الوحيدين الي ماقبلوو همة فاتن واديم

اجة الصبح واني مانمت ولا غفيت باقية مذهولة شلون باعوني

اباوع فاتن كاعد تحضريلي جنطة صغيرة وهدومي وتبجي اما عمة سلامة اصلا كاعدة تتريك ولا هامها اما امي وابوي ماعرفت افسر موقفهم بس الي اعرفة همة فضلوا علي علية
اما عمامي فا ساعدوو بابا وحتى عرضوا مبلغ في حال يتنازلون عن طلبهم ومايردون فصلية وولد عمامي بس اديم الي مهتم
حان الوقت وحان الوداع حضنت فاتن
الهام ببكاء .. فاتن ديربالج على نفسج ومعرف شنو اكولج بس ديربالج على امي وعلي
رحت اريد اودع امي مارضت وراح دخلت للغرفة تبجي وعلي اصلا ما شفتة

طلعت من باب بيتنا واني معرف افسر مشاعري كره حقد حزن معرف شفسره

ووصلت وبلشت مسيرتي وقصتي

مرحبا حبايبي شلونكم طبعا قصتنا شارفت على الانتهاء وطبعا اختصرت كلش هواي لان عندنا قصة لازم نبلش بيها + قصتنا حتصير نهايتها نهاية مختلفة عن كل قصص الفصليات وطبعا هل ايام ان شاء الله نختمها والتوفيق للجميع