رواية مافي غلا يسوى غلاها بقلب الهيام

بارت 3

ابو هايم بعد ماوقف ضرب هايم : انا بطلع تحتاجون شيء ؟
هايم : الله يسعدك احتاج عظام جديد
ابو هايم : عشان تتربى وماتضرب اختك
حنين بضحك : اي يبه علمه علمه
هايم : يبه ماضربتهااا
ابو هايم بعصبيه : خلاص بطلع
ام هايم جت عند راس هايم : يمه فيك شيء ؟
هايم : يمه انا ذيب شعرفك ماعليك
ام هايم بضحك : الله يصلحكم كلكم
حنين : يمه الاكل نلحق نسويه قبل لا يجون
ام هايم : يلا يلا مشينا
وهم رايحين المطبخ ...
هايم جلس يناضر السقف ويتأمل ضحكه غلا امس وهو يردد اغنيه :
واضحكت لي بشفة مثل الشفق
حسها قلبي وحن إلها وخفق
واسلبت لي طرف ذوبني غشيت
في شديد البرد نضحني عرق
ما دريت إن قلبي إنسرق
فجاء بنص تردد الاغنيه ..
سمع صوت ابو غلا ..
وهو يسلم على ابو هايم
ابو هايم : ابو غلا حياك تفضل ؟
ابو غلا : لا والله يبو هايم مشغول متأخر عن المحل
ابو هايم : اجل سرينا سوا
هايم وهو يناضر ابو غلا مع ابوه وهو يقول : الله ياليت دايم مع بعض واخذ غلا
وبنص كلامه تذكر يكتب قصيده ويرميها على شباك غلا .
وقال فيها
ياغلاي ويابسمة شفاي
يدواي وغلا مناي
ياحبيب ماشوفه بالليالي
يا غلا فداي افديك قلب هام بغلاك
وهو طالع برا البيت متجهه لبيت غلا ..
هايم تذكر : يالله اروح لها بدون هديه ؟
تذكر العصير وراح البقاله وجاب العصير الي تحبه
وراح لها ...

_____

في بيت ابو غلا
ام غلا : يا بنتي خلصتي كل تنضيف البيت
غلا : اي يمه
ام غلا : اجل الله يعطيك العافيه يا حبيبتي
غلا : يعافيك يالغاليه
ام غلا : روحي أرتاحي
غلا : يلا بروح غرفتي
ام غلا : يلا
غلا راحت غرفتها ..
غلا : يارب يجي هايم وأشوفهه
الا وشوي ...
تسمع صوت الشباك مرمي عليه عصير ملفوف فيه ورقه
ناضرت تحت ؟
تبتسم وهي تشوف هايم
هايم : يازين الابتسامه الي ترد الروح
غلا بخجل : اشتقت لك
هايم بـ أبتسامه : انا الي اشتقت لك يابعدهم
غلا مدت يدها تاخذ الورقه والعصير : وتبتسم
هايم : عصيرك الي تحبينه
غلا بضحك : تتذكر للحين ؟
هايم : هو انسى اي لحضه انتي فيها ؟
أبتسمت غلا وتقول : الله لا يحرمني منك
هايم نط : وقال نفس الكلمه قلتيها لي يوم وديتك البقاله
غلا ضحكت : اه ياربي احبك
هايم ببتسامه : انا احبكك اكثر
غلا بضحك : تبيني اعصب عليك ؟
هايم بضحك : افا تعصبين يالغلا ؟
غلا بخجل : دقيقه بقره الورقه
هايم : يلا يلا
وهي تقرا الورقه وتفرح فرح كبيرر بقلبها على قل الكلام لكن يعني لها كثيرر الكم كلمه ذي
غلا تمسك قلم وترد عليه :
يا هيامي يامناي يانور ظلماي
يا بريد ليالي البرد
يا عشيق مامنه خذلان
وتاخذ الورقه وترميها على هايم ..
وهو يفز هايم ببتسامه وياخذ الورقه ويقراها ويرد : يابعد دنيا هايم ياويل حالي انا ذبت ذبت
غلا بخجل : لا يسمعونك
هايم بضحك : خلهم يسمعون اني احب إنسانه بروعتك !!
غلا وهي مستحيه : خلاص روح لا يجي ابوي يشوفك
هايم وهو يبوس غلا من بعيد : انتبهي لنفسك
غلا : وانت بعد ياهيامي

---
ف طريق ابو فيصل
فيصل : كم باقي يبه
ابو فيصل : قربنا ياوليدي
ام فيصل بـ أنزعاج : الله يعين من هلروحه
ابو فيصل : عند الناس لا اشوفك تتكلمين كذا
ام فيصل بزعل : طيب طيب
فيصل بشوق : يالله بشوف هايمم مشتاق له حيل
ابو فيصل : تراه بعد مشتاقلك
فيصل بضحك : ادري ادري مايحتاج
ابو فيصل بضحك : يلا خلني اكمل الطريق
فيصل : يلا بريح شوي

----
في السوق
ابو غلا : يلا يابو هايم ودعتك الله بدخل محلي
ابو هايم : يلا وانا بعد بدخل محلي
ابو غلا بـ استغراب : هايم وينه
ابو هايم بضحك : ادبته شوي وجاي
ابو غلا بضحك : الله يعينك عليه
ابو هايم : معليك اربيه اربيه
ابو غلا : يلا استاذن
ابو هايم : يلا فمان الله
فجاء ابو هايم يشوف ابو جوري : ابو جوري السلام عليكم
ابو جوري : وعليكم السلام يابو هايم
ابو هايم ببتسامه : شخبار اهلك وبنتك جوري
ابو جوري : ولك الحمد كلهم بخير
ابو هايم : عاد اليوم لازم تجيب جوري وام جوري عندنا
ابو جوري بـ استغراب : ليه به عزيمه ؟
ابو هايم : اخوي ابو فيصل جاي
ابو جوري ببتسامه : يالله مشتاق له هل الانسان له تقدير كبير
ابو هايم : الله يسعدك
-
ابو جوري | فيصل | ٤١
ام جوري | ابتهال | عمرها ٣١
جوري | عمرها ١٨ قد حنين

__
ابو هايم : عاد لا اوصيك اليوم ها؟
ابو جوري : اليوم ونحن عندكم
ابو هايم : يلا بكمل اغراض المحل
ابو جوري : يلا
ا وهو راجع بيته ..
ابو جوري : ام جوري
ام جوري : هلا يابعد ام جوري
ابو جوري : يزين ترحيب القلب
ام جوري وهي مستحيه : لبيه أمر
ابو جوري : مايمر عليك ظالم اليوم تجهوزو انتي وجوري معزومين عند بيت ابو هايم
ام جوري : ابشر ابشر
ابو جوري : يبشرك بالجنه
جوري وهي جايه ركض : اللهه بنروح عند حنين
ابو جوري : ايه ايه
جوري : اللهه يايبه كفو
ابو جوري بضحك : كفوك الطيب يابنيتي
وانتهى نقاشهم وكل واحد راح ..

__
هايم بعد ماراح من بيت غلا ...
هايم بتفكير : صادق محمد عبده يوم قال
{ طيبها قسوة جفاها
ضحكها هيبة بكاها
روحها حدة ذكاها
تملأك بالأسئلة }
بنص تفكيره يقاطعه :
متعب : شفيك يابو الهيام
فز هايم : شعرفك بالاسم
متعب : نسيت ان قصايدك منتشره؟
هايم بضحك : الله لا يوفقك خوفتني
متعب بهمس : عذبت قلبك يبو قلب ملهوف ؟
هايم بـ احراج : أسكت تكفى
متعب : يلا امش امش
وهم بالطريق
__
يشوفون ابو غلا طالع برا المحل
متعب بهمس : ابو الحب طلع
هايم بضحك : أسكت فشلتنا
ابو هايم بصراخ : هايم متأخر ليه ؟
فز هايم بخوف : يبه متعب اخرني
متعب : شف الوصخ
ضحك الجميع ههههههه
____
بيت ابو هايم
ام هايم : جهزتي الاغراض ؟
حنين : اي يمه
ام هايم : رتبتي المجلس ؟
حنين : ايي يمه كلشيء
ام هايم : الله الله ببنيتي السنعه
حنين بضحك : مصيري اتزوج دكتور واسحب عليكم
ام هايم مسكت راس حنين : مخططه بعد
حنين بخوف : امزح يمه امزح
ام هايم بضحك : الله يعين هايم وابوك وانا عليك
حنين : ترا فيه مليون شخص يتمناني اذا متقدرون النعمه يعني
ام هايم وهي مسكت قلبها : ول ول ام لسان عندها ردود بكل شيء
حنين بضحك : شعرفك تربيه ابو هايم
ام هايم : لا يسمعك ابوك ويعلمك التربيه صدق
حنين بربكه : مابيضرب بنوتته الصغيره
ام هايم : اجل نعلم اخوك هايم
حنين : يمه بعدي هايم خله مانبيه لو تبيعون اعضاء جسمه بفلوس تستفيدون احسن
ام هايم برعب : يمه فال الله ولا فالك على حبيبي هايم بسم الله عليه من كل شر
حنين بضحك : حبيب امه اكيد ماينخاف عليه
ام هايم وهي مستحيه : خلصي خلصي لا يجون الضيوف وتجهزي يمكن يجونا جيراننا
حنين : غلا حبيبه قلب هايم بتجي ؟
ام هايم بضحك : بتلقين اخوك عندنا يطبخ معنا
الكل قام يضحك هه هههههه ..