رواية مافي غلا يسوى غلاها بقلب الهيام

بارت 7

عند هايم :
دخل بتفكير عميق : { يارب ابوها مايسوي لها شيء }
فلاش باك { قبل ٩ سنين }
هايم وغلا .
هايم : غلا شرايك نلعب
غلا ببراءه : يلا نلعب
هايم : تتوقعين ابوك بيزعل
غلا بتردد : مدري يمكن
هايم : عادي انضرب عشانك
غلا بضحك : ادري انك تحبني مره
أبتسم هايم : اي والله اني احبك مرهه
غلا : شرايك اذا كبرنا نتزوج زي محمد وريتاج
أبتسم هايم : والله محد ياخذ مكانك ياغلا
غلا بخجل : توعدني
هايم بـ أبتسامه : وعد
غلا بفرح : احبك
هايم : احبك اناا
غلا : لا انا
هايم : طيب انتي حبيني وانا اموت فيك شرايك ؟
غلا بعصبيه : لا انا احبك واموت فيك طيب ؟
هايم بفرح : اكيد طيب دام الحب منك
غلا وهي مستحيه : عادي ابوسك ؟
هايم قرب خده وباسته غلا ...
ابو غلا : غلا وش تسوين ؟
غلا وهي تهرب : ماسوي شيء
ابو غلا مسك هايم ويضربه ..
هايم : ياعم ماسوينا شيء
ابو غلا : تخلي بنتي تبوسك ؟
هايم ببراءه : عاديي احبها
ابو غلا : الحب كذبه كذبه افهم!
هايم بخوف
: الحب عادي
ابو غلا : مافي شيء اسمه حب ..
وفجاء يقوم هايم من الفلاش باك ..
على صوت فيصل وهو يردد :

لا لا .. لا تضايقون التَّـرفِ لاتضايقونـه ..
لالا .. خلَّوه يجني مِن حَياتـه ثُمرهـا

قام هايم بضيقه وبصوت مبحوح وتنهيده وهو يردد :

لالا .. وحرامِ مِن عُقب الرِضى تِزعِلونه
لالا .. شُوفوا عُيونه كِثرِ نوحَه دَمرها

لالا .. أغليه لو كِلَّ المَـلا يرخِصونـه ..
لالا .. لاحَلِ في دِنيا غَرامي عَمرهـا

فيصل : الله عليك
وقام يردد البارت الثاني :

لالا .. ماتَفهَمون الحُـبِ ماتفهمونـه ..
لالا .. فوق الخَيال وعنكُم الله سترها

وقام هايم يردد البارت الي بعده :

لالا .. ولاصرت أنا مَحروم لاتِحرِمونه ..
لالا .. خلَّوا هَبايب غَـِلا تنثر شعرهـا

لالا .. أجي وأروح بنظرِةٍ مِن عُيونـه ..
لالا .. ولين أظلمت دِنياي نُوره غَمرها

فيصل : شفيك يهايم
هايم : ابو غلا ضربني عشان شافني مع بنته
فز فيصل : وش وش ؟ صاحي انتتت
هايم بضيقه : تكفى يفيصل مب وقته
فيصل بضيقه : وش الحل الحين
هايم بتنهيده : ادعي مايسوي لها شيء
فيصل : يارب

___

في بيت ابو غلا :
ابو غلا بعصبيه : ام غلاا
ام غلا بخوف : سم أمر
ابو غلا بعصبيه : ماتعرفين تصونين بنتك من وراي ؟
ام غلا بـ أرتباك : وش صار ؟
ابو غلا : بنتك جالسه تكلم هايم من الشباك ؟
ام غلا بخوف : وش وش ؟
ابو غلا بعصبيه : انا اذا م زوجتها وفكيتها من حركات المراهقين ذي
ام غلا بخوف : استهدي بالله يابو غلا كلنا نغلط
ابو غلا بغضب : انا من بكرا اجيب لها واحد يخطبها
ام غلا وهي منزله راسها : لا تخرب حياة بنتك يابو غلا واستهدي بالله واقطع الشيطان
ابو غلا : الشيطان الي فوق راس بنتك يوم تطلع وتكلم هايم
ام غلا بخوف : الي تبيه سويه يابو غلا بنتك وتعرف مصلحتها
ابو غلا بتفكير : { يالله لا تفضحنا .. }
عند غلا ..
غلا بتفكير : { ياربي ابوي وش بيسوي يارب ماسوى شيء لهايم }
قطع تفكيرها ابوها ..
ابو غلا بغضب : تبين تنزلين راسي ؟
غلا بدموع : ليه يبه ليه ؟
ابو غلا : ذي حركات المراهقين
غلا : يبه ماسويت شيء
ابو غلا بغضب : شايفك بعيوني لكن انا بكرا بجيب لك واحد يخطبك !!
غلا : لا يايبه تكفى صغيره باقي انا تكفى يبه
ابو غلا تركها وهي تبكي وهي شوي وتنفجر صيااح ..

ام غلا : يابو غلا هدي
ابو غلا : انا رايح ل ابو هايم ..
ام غلا : استهدي بالله جارنا وماله داعي المشاكل
ابو غلا : بعلمه يربي ولده
ابو غلا بغضب وهو طالع ...

_
بيت ابو هايم :
ابو هايم : ابو فيصل كلمت محمد ؟
ابو فيصل : أيه جاي
ابو هايم : زين
ابو فيصل : اعزم جيراننا
ابو هايم : معروف يجون البيت بيتهم
قطع كلامهم ..
دخول ابو غلا : ياولد
ابو هايم : تفضل البيت بيتك مابه احد
ابو فيصل : حي الله ابو غلا
ابو غلا بغضب لف على ابو هايم : ربي ولدك لا ينتهك شرف بناتي !
ابو هايم بصدمه : وش صاير؟
ابو غلا بغضب : يومني اسوي الطيب معه اطلع الاقيه يكلم بنتي من الشباك ؟
ابو هايم بغضب : افا افا ؟
ابو غلا : ربي عيالك وقله بنتي بزوجها
ابو هايم : روق يابو غلا انا بطلبها لهايم
ابو غلا : ماراح ياخذ غلا لو تجي انت براسك
ابو هايم بغضب : احترم نفسك يبو غلا !
ابو غلا : احترمناك وقدرناك ولدك رد الطيب بالشر /
ابو هايم بغضب : اطلع برا بيتي ولا عاد اشوفك فيه ..
طلع ابو غلا..
ابو هايم فز ودخل المجلس بغضب : يهايم تعالل
هايم فز بخوف : لبيه يبه !
ابو هايم ضرب هايم كف بقوه : كذا تسوي مع ابو غلا ؟
هايم بضيقه : يبه سالتني ان كنت بخير بس ..
ابو هايم بغضب : شف الحين سواياك بيزوج بنته
هايم فز بدموع : يبه تكفى لا يبه قل غيرها يبه قلبي يا يبه
ابو هايم صد عن هايم : تحمل سواياك ياوليدي
هايم دخل ببكاء قوي ...
فيصل بضيقه : هايم تكفى خلاص ياهايم
هايم بتنهيده : بياخذوها مني بياخذوهاا منيي
ام هايم وهي جايه تجري على هايم : يمه شفيك يا يمه بسم الله عليك
هايم وهو يرفع راسه وكله دموع : يمه بياخذونهاا
ام هايم بخوف : بياخذون مينن؟؟؟
هايم بتنهيده وصياحح .. : غلاا يمه غلاا يمه بيكسرون ولدك يمه يبون يذبحون ولدكك وهو عايششش
ام هايم بدموع : يايمه الي ربي يكتبه بيصيررر لا تبكي يايمه وتكسر قلبي تكفى يايمه
هايم بـ أبتسامه كلها دموع .. : ماعاش الي يكسرك ياغاليه
هايم دخل بنوبه صدمه وصياح ...

_
عند البنات
حنين بـ أستغراب : وش فيها امي راحت
نوره بحزن : اخوك هايم يبكي
حنين بصدمه : ليش !!!
رزان : ماعرف ياحنين
قطع كلامهم .. دخول ابو فيصل
يبنات : كلهم لبيه ؟
رزان ونوره تجهزو بناخذكم لبيوتكم
نوره : ابشر
رزان : حاضر
لبسو وطلعو مع ابو فيصل ..

__
حنين : يمه وش فيه ؟
ام هايم بحزن : هايم اخوك ياحنين
حنين بضيقه : وش فيه هايم ؟
ام هايم : ماعلمني السالفه لكن يقولون بياخذون غلا ممكن يزوجونها
حنين بصدمه : كيف كيف ؟؟
ام هايم : مادري يابنتي والله
حنين : مين عند هايم ؟
ام هايم : فيصل يابنيتي
حنين بتفف : متى يروح ؟
ام هايم : خليه مع اخوك يواسيه لو شوي
حنين : طيب

___
عند ابو هايم :
ابو فيصل : ابو غلا علامه مكبر السالفه ؟
ابو هايم بضيقه : بنته الوحيده ..
ابو فيصل : بس مايدخل كذا يسوي مشاكل على قله فايده ..
ابو هايم : خله من حقه
ابو فيصل بضيقه : كيف هايم ؟
ابو هايم بحزن : يبكي رغم اني معلمه مب طبع رجال
ابو فيصل بضيقه : خله خله يحبها يابو هايم لا تخلي ولدك ينكسر
ابو هايم : ابو غلا من يومه صغير مايعرف شيء اسمه حب
ابو فيصل : اعرف لكن حاول تاخذها له
ابو هايم : الي ربي يكتبه بيصير يابو فيصل
ابو فيصل : انشاءالله
ابو هايم : محمد متى يجي ؟
ابو فيصل : بالليل كذا عشان الطريق
ابو هايم : انشاءالله يجون بسلامه ..
ابو فيصل : انشاءلله ..
ابو هايم : يلا عاد بريح لي شوي
ابو فيصل : خذ راحتك ياسندي