Amyra's POV
Mi really don't know why them nuh bring lunch come a school eno. Everyday a the same foolishness. Juniors lunch time guh ova inna fih we lunch time. Suh wah? We nuh hungry too?
I stand restlessly in the line waiting for them to acknowledge the grade 11. Lucky thing me friend can run and get space fih me caz God know me cyaa manage the back a line thing. Imagine we have csec and still affi inna line. Then by time we get lunch nuh exam time? Thank God mi only have 3 weeks leff.
" Look pon har nuh, Mi cyaa stand har mn," My best friend said side eyeing the girl and hissing her teeth.
Mi nuh ansa har, mi just look who she a chat. My best friend, Brittany, neva like this girl from grade 7. I don't remember why. But she eva want a chance fih fight her. Me? I keep to myself. Mi talk to people but me and dem is not friends. And I neva look a fight with gyal up here caz mommy neva send me come school fih that. Furthermore me nuh inna nuh chatting caz mi just done maths paper 2 and mi brain crash.
Afta dem send we in the tuckshop is another line that we affi join. This school full a line eeh. All of a sudden everybody just quiet suh. Mi look outside and see the principal a come. Mi just kindly draw up mi mask caz mi cyaa badda wid e foolishness. Couple minutes later we get lunch and a 12:15. Mi decide fih eat caz mi hungry and mommy always seh if me fih dead nuh badda mek dem seh a hungry kill me. Then them meat dry eeh? Fih a top school? No sah. Them affi gwaan betta than that.
So we inna the auditorium a get ready fih start paper 1 and mi nervous again. Mi need fih do mi best pon alla the exam dem caz mommy try her best and she is the only one funding my education. I can't make her money go to waste. I don't know how some pickney dweet. Only come a school fih nyam and idle. Mi understand the food part but idle? Mi cyaa do it at all.
After finishing the exam, my best friend and I went outside to wait on our close friend, Nicole. After a while mi see she and her little sister a stroll a come. Must be nice having no exam to stress them.
" How was the exam?" She asked when she caught up with us. She was the same age as us but she repeated grade 10.
"It coulda gwaan", Britty answered. Mi look pon har good caz mi know damn well it couldn't gwaan.
"Mi cyaa wait fih do mine like unnuh", She replied. Mi stay quiet and mek them talk. Mi nuh inna the talking mood right now at all.
Nicole hugged and said bye to us when she reach her taxi stand and we headed towards ours. As soon as we reach a the bus park mi head inna the supermarket. We nuh fih do it but mi hungry. Mi guh tek up a coke and a walk round a look fih a snack when me best friend jook mi inna me side.
" Myra see Nate deh," She said and she frighten me eno. Mi heart start beat way too fast. Mi neva see somebody mi hate and love suh much yet. But we broke up. He is too much trouble for me and mi nuh know if unnuh realize but mi nuh like stress. This bwoy come fih mad people and mi a exclude mi self from his list. Every time mi see him mi remember our two years together. All for nothing?
" Mek mi guh hide," I whispered going in another isle. As mi turn round nuh him mi see. Why crasis nuh leff mi alone.
" Wahm?" He asked me hugging me. Why him affi hug me? Wonda if him a hear me heart a beat.
"You tell me," I pulled away from his hug and stepped back a little.
"Excuse mi mek me pass," Britty said pushing between us and going to the cashier. She neva like him.
" Mi see uh a fwd in here so mi decide fih come seh hi," Him a look pon me wid him long mawga self like him think mi and him a friend.
"Shut up man, caz uh know uh love him", my subconscious don't like me.
"Oh, Well mi a go home right now so text mi if uh want," I hugged him one last time and then guh pay fih me juice. Mi not even get fih buy a snack. Cho mn.
Brittany's POV
Then a wah them a chat bout so long. I don't like Nathan eno. Him just grieve mi spirit. Mi guh stand up beside Deidra and a chat to her. Only thing she chat bout is me bredda. Annoying man. A still mi likkle friend tho. Mi look up and see Nate walk out and then Myra walk out behind him wid only the coke inna her hand. Mi did know she neva aguh memba eno that's why mi buy two.
Mi see Myra a look pon Deidra but she nuh seh nuhn. Mi and her did have this big argument over it because she thinks the girl is too close to me. Myra too jealous yah mn. Mi nuh seh nuhn when she a talk to her friends them.
Mi see we usual Voxy bus come and we guh inside. The bus pack wid schoolaz suh it loud. Mi see Myra gone siddung a front and nah seh nuhn. Is either the bwoy seh sumn to her or a the exam caz she usually talkative. Mi nah badda her, next thing she guh turn pon me.
Tonight every gyal a tun a devil
Every evening Ribbiz bus play music and the gyal dem a back inna them man lap a gwaan wid dem self eno. Mi a Christian. Mi look a front and see Myra smile off har face. Fih har song dem yah eno.
To-Tonight every gyal a tun a devil
Tun a dutty freak, tun a drankro
Mi nah look eno. Alkaline have every girl in here a move like hookworm.
The bus stop a mi gate and me pay me fare and come out. The place just look dead suh. Mommy nuh reach home yet. Mi tek off mi uniform and put on mi favorite mickey mouse nighty. Is what? I'm a child. Mi guh wash up the two likkle plate dem and mek macaroni and cheese.
A 7: 30 and all now mommy cyaa reach home. Mi decide fih call her. She picked up on the second ring.
" Mommy weh uh deh?"
" Mi nah come home tonight. Cook fih uh and uh bredda dem and take up the clothes offa the line." And she just hang up suh.
From eva since me father find out seh she a cheat on him, she start do it brawling. So if me neva call her, she wouldn't call me? This life weh mi live inna it crazy.
Amyra's POV
Likkle most mi give up on life eno. My aunty just cuss me bout mi nah guh come out to nothing and mi aguh be a pregnant teen. What kind of something that fih tell a 16 yr old? Not becuase she got pregnant young mean she must wish the same for me eno. Her 12 yr old daughter just use permanent red marker on my white laptop and mi tell her to control her pickney them and the lady just start raise up herself pon me suh. Mi nuh fraid a her eno. A mi madda me fraid a caz she nah listen nuhn wah me have fih seh. She just only want hear what her sister have to say.
Mi guh inna me room and lock the door. Mi see the phone a ring so me ansa it and Britty a bawl.
"Wahm to uh Britty?"
"Mommy nuh deh here and mi stress and mi cyaa badda and we have exam tomorrow."
Mi start bawl too caz I understand how she feels. Sometimes I feel like the world is on my shoulders. God alone know why me nuh dead already. Yaafi strong and can wull a firm ground.
Society nuh like weh them cyaa control
And dem nah guh like me eno caz I'm a force to be reckoned with. Especially when I put my mind towards something.
Before I go to bed mi seh a silent prayer:
God please protect me and my best friend. We are just two trying young girl in a world where it's hard to be anything. Help us to push through. Amen
How was that?
First chapters are always a bit hard for me.
Leave your thoughts please.
YOU ARE READING
Trauma Of A Jamaican Teen
Teen FictionGrowing up in a home where standing up for yourself is a disrespect to adults and children should be seen and not heard, Amyra Jackson suffered from low self esteem and a lot of insecurities. Along with battling depression and severe panic attacks...
