هلو حبايب بارت جديد وكلش حلو راح يعجبكم
عهد: بعد مسمعت انو اني اروح فصليه نقهرت وكمت ابجي وباجر اروح يربي شنو ذنبي شدخلني اني صارت الساعه 2 بليل واني ابجي فا قررت انهزم بس ما اعرف وين اروح معندي احد اروحله بس مستحيل اروح فصليه فكمت بدلت ولبست جبه واخذت جنطه صغيره خليت بيها فلوس اني جنت اجمع فا اخذتهن نزلت جوه شفت الكل نايمين فتحت الباب وطلعت كمت اركض لحد موصلت للشارع العام جنت واكفه واجت تكسي باوعت شفت رجال جبير بلعمر ومبين رجال علا باب الله اجرته فا كال وين تردين توصلين ما ادري ليش كلتله للبصره
يمكن لان المكان بعيد علا بغداد صارت الساعه 5 وبعدنه مواصلين
في بيت الشيخ محمد
الشيخ محمد: كعدت الساعه 5:30 سبحت وبدلت ونزلت لكيت مروه كاعده
الشيخ محمد: صباح الخير
مروه: صباح النور شيخ
الشيخ محمد: شبيج خويه مو علا بعضج ليش كاعده من وكت
مروه: والله يا خويه ما ادري بس كعدت مشتاقه لمي وابوي
الشيخ محمد: افاا اني امج وابوج وذا تردين اخذكم للنجف
مروه: صدك خويه
الشيخ محمد: مجذب عليج. نشالله وره عقد حسين اخذكم
مروه: ركضت حضنت محمد وبسته ههههه
الشيخ محمد: ها ولج لو مكايلج اخذكم جا ما حصلت بوسه ههههههه
مروه: هههههههههه
الشيخ محمد: خويه روحي كعديهم حته ناكل ونطلع عندي طلابه اليوم
مروه: صار
الشيخ محمد: اكلنه وطلعت اني وضرغام للديوان
في مكان اخر
عهد بعد ما وصلت للبصره ما اعرف وين اروح كمت امشي وامشي لحد مشفت رجال جبير كتله عمو الله يخليك اريد مساعده هوه عباله اريد فلوس طلع فلوس كتله شنو هاي
الرجال: بنيتي مو تردين مساعده
عهد: عمو فهمت غلط اني اريدك تحميني
الرجال: بنتي اني علا كد حالي بس راح ادليج علا بيت الشيخ محمد وروحيله هوه يساعدج
عهد: دلاني علا البيت مشكور عمو الله يحفظك ويطول بعمرك
الرجال: العفو بنيتي
عهد: جاي امشي حتى اروح لبيت الشيخ واكو ولد ما اعرفه رمه طلقه واجت برجلي ونهزم
اني بعد مكدرت امشي كوه اتحرك
عهد: اخخخخ يمهه رجلي وبعدها حاولت اوصل للبيت وشفت ولد واكف بلباب كتله خويه اريد الشيخ محمد
ضرغام: منو انتي وشتردين من الشيخ اني بس شفتها نصدمت كلت شنو هاي البنيه مدمايه
عهد: الله يخليك خل اشوف الشيخ
ضرغام: تفضلي خويه فوتي
عهد: اول مدخلت بلدخلت للديوان وكعت بلكاع بعد ما اعرف شصار
الشيخ محمد: جنت كاعد بلديوان وضرغام ضاج و طلع فا اني بقيت احل بلمشكله واحنه كاعدين دخلت علينه بنيه بس اللهم صلي على محمد تخبل مو بنيه ملاك بس رجلها مليانه دم واغمه عليها كمت شلتها ودخلتها للبيت حطيتها بغرفت مروه
ضرغام بسرعه جيب الدكتور
ضرغام: صار خويه
الشيخ محمد: اجا الدكتور وطلع الطلقه من رجلها
ها بشر دكتور
الدكتور: الطلقه طلعناها بس لازم ترتاح شوي ومتمشي عليها
الشيخ محمد: صار دكتور متمشي عليها
عفتها وطلعت كلت من تصحه نعرف سالفتها
رجعت للديوان وفضت الطلابه
عهد: كعدت لكيت بنيه كاعده يمي فزيت كتلها اني وين وانتي منو اصلن
مروه: اهدي خيه اني اخت الشيخ محمد وانتي بقصر الشيخ محمد
عهد: يربيي شجابني هنا ورجلي دتاذيني
مروه: هسه اصيح الشيخ يجيب دكتور يشوفج
عهد: لا لا لترحين ما اريد اعذبكم
مروه: عذابج راحه خيه اي بس معرفنه اسمج
عهد: اسمي عهد وعمري 16
مروه: عاشت الاسامي والعمر كله
عهد: شكرا حياتي وانتي شنو اسمج وشكد عمرج
مروه: اسمي مروه عمري 20
عهد: عاشت الاسامي والعمر كلو
نور: خاينات تتعرفن واني مموجوده ههه
مروه وعهد: هههههههههه
عهد: فززتيني عبالي جني هههههه
مروه: هههههههههه
نور: يا حقيرات اني جني هسه يجي محمد واكله اخلي يكتلجن ثنينجن
عهد ومروه: ههههههههههه
عهد: لا حياتي اشاقه وياج غير تخبلين انتي
نور: وانتي لاحله يروحي واني هم اشاقه
عهد ومروه ونور: هههههههههههههههههه
الشيخ محمد: رجعت من الديوان رحت حتى اشوفها وسمعتهن يضحكن ويشاقن كلش فرحت من سمعتهن يضحكن اول ما اجت ضحكتهن ونور تكول يجي محمد وخلي يكتلجن ههههه دكيت الباب دق دق دق
مروه: تفضل
الشيخ: فتحت الباب ودخلت السلام عليكم
الكل: وعليكم السلام
مروه ونور: يلا احنه نترخص
مروه: بعدين اجيج حبيبتي
عهد: تمام
الشيخ: شلون صرتي
عهد: بخير الحمدلله
الشيخ: شنو قصتج وليش هيج صاير بيج بس بلول شنو اسمج
عهد: اسمي عهد بس شيخ قبل ما احجيلك اني داخله عندك
الشيخ محمد: ........
شتتوقعون الشيخ محمد راح يساعدها
لهنا ونكون خلصنا هذا البارت ونشالله انزللكم بارت جديد
