H3-2 The Red Flame : Grape Wine and Cheesecake ( Completed)

Kabanata 33 : Surpresa

Kabanata 33 : Surpresa

Heather School

Kanina pa nakamasid ang sixtuplets sa batang babae habang nasa pila sila. May program ang naturang eskuwelahan kaya nasa gym ang lahat ng bata habang nanonood sa stage.

"Himala, walang ingay." sabi ni Laszlo habang tila hindi sila nakikita ng batang babae na kanina pa kausap at nakikipagkulitan sa mga kaklase nito.

"Baka nagbago ang timplada." sabi ni Otto.

"Ayaw niyo iyon, tahimik na tayo." sabi ni Viggo.

"Tsss. Wala ng hihingi piso hahaha." natawang sabi ni Ezio pero ang mga mata ng anim ay nasa batang babae.

"Baka natakot sa napanood." nakangising sabi ni Rollo.

Hindi umimik si Shiloh pero napatingin ang limang kapatid nito ng lapitan ni Shiloh ang batang babae na ikinasunod ng lima.

.................

Kanina pa napapansin ng batang babae ang sixtuplets na nakatingin sa kanya pero hindi niya pinapansin ang anim at nagkukunwaring hindi niya kilala ang mga ito na totoo naman dahil minsan lang naman niya kinulit ang mga ito.

"Piso pahingi." sabi ng batang babae sa kaklase nitong lalaki.

"Wala nga akong baon sa akin ka pa hihingi. Hahahaha!" natawang sabi ng batang lalaki dito.

"Piso lang." sabi ng batang babae.

"Alam mo pinaninindigan mo talaga ang pangalan mong Peso." sabi ng isa pang batang lalaki.

"Hahahaha! Hindi naman, kailangan ko lang talaga ng piso." sabi ni Peso.

"Ito piso." biglang sabi ni Shiloh ng makalapit ito at marinig ang hinihingi ng batang babae.

Napatingin ang batang babae pero napaatras ito ng makita ang sixtuplets na hindi niya napansin na nakalapit na sa puwesto niya.

"Hi Shiloh." kinikilig na sabi ng mga kaklase ni Peso.

"Uyy, nobyo iyan ni Maricar." sabi ng isa pang batang babae.

"Lahat sila di ba?" sabi ng isa pang batang babae.

"Oo." sabi ng naunang bata.

"Piso, sayo na." sabi ni Shiloh kay Peso.

"Ayoko." sabi ni Peso sabay iling nito.

"Tsss. Bakit ka ba natatakot?" sabi ni Laszlo na ikinakilig ng mga batang babaeng estudyante ng makita ang star player ng basketball team ng school nila.

"Si Laszlo." nakangiting sabi ng isang batang babae.

Napangiti ang sixtuplets makikilala sila base sa maliit na tag na nasa kanang bahagi ng polo unifom nila na sinadyang lagyan ng kada unang letra ng pangalan nila para makilala sila ng mga guro nila. At kahit sa basketball team may unang letra ng mga pangalan nila sa likuran ng uniform.

Lalo na at ang lima ang first five ng basketball team kung saan Lopez lahat ang apelyedo kaya naman sikat ang sixtuplets sa Heather Island lalo na sa paaralang iyon.

"Kunin mo na." sabi ni Otto kay Peso habang inaabot ni Shiloh ang piso sa batang babae.

"Ayoko." sabi ni Peso na todo ang iling.

"Si Otto." kinikilig na sabi ng isa na ikinangiti ni Otto sa batang babae na ikinatili ng babae.

"Bakit ayaw mo?" sabi ni Viggo.