هلا حبايب رجعنه بارت جديد وطويل لعيونكم الحلوه ويالله نبدي قرائه ممتعه
....
فاتن.. فرح البسي بسرعه خلي نمشي للدكتوره
فرح.. مامه شكو خوفتيني صاير
فاتن..ماكو شي بس النتيجه ايجابيه وريد اتكد
فرح.. يعني شنو
فاتن.. والدموع بعينهه يعني حامل اخ ياربي مامصدكه هيج وتجبر بخاطري بابن محمد ماصدك
فرح.. ماما تحجي واني مامستوعبه شنو حامل شلون
فاتن يالله ياماما كومي البسي خلي نمشي
فرح.. هزت راسهه اي وصعدت الغرفته
شهد.. ياربي احلا خبر هاذ
اميره.. يارب هيج ويرجعون محمد وفرح
فاتن.. نشالله ماما نشالله شهد خابري ابوج كوليله امي وفرح راح يمشون للدكتوره
شهد.. حاضر وتصلت على ابوهه
الوو
سعد.. الوو
شهد.. بابا امي تكول راح تمشي للدكتوره هيه وفرح
سعد.. ابخوف خير شبيهه شنو اليوجعهه
شهد.. مابيهه شي
سعد.. ماخلاهه تكمل.. شلون مابيهه شي اجي خاف صارشي الامج
شهد.. لا والله مابيهه شي بس فرح تعبانه وتريد تاخذهه
سعد.. سلامتهه نشالله من يرجعون طمنيني بويه
شهد.. نشالله وسدته وباوعت الامه شفتي شلون يخاف عليج ونتي متزاعله ويا
فاتن.. عوفينه منه
ونزلت فرح وراحو عل سريع وبعد مده اجو وام قصي فرحانه وتهوس
امك يمحمد فرحانه.. امك يمحمد فرحانه كلللوووششش اهاااهاا
اميره.. كامت تركض هاا ماما فرح حامل
فاتن.. اي يمه حامل هوسي وياي كلللوووشش
طلع قصي ويفرك بعيونه من النعاس شكو ابوي عرس واني مادري
فاتن.. والك فرح حامل
قصي بتعجب؟ شنو حامل منين
فاتن.. فلك فلكك ولك منين غير من خوك يالغبر
قصي. يهز راسه ومبتسم بفخر. بعد خو طلع مو هين اسبوع ونفخهه بطفل
فاتن.. وهيه متعصبه منه ولي ولك ماتحجي حجايه بيهه خير ولي
قصي راح ركض عل مطبخ ومطلع راسه من الباب ويحجي ويغمز الامه. خاف محمد عشر تيام وحبل فرح وداعتج اني من اول يوم وشرد
فاتن ..طيح الله حضك شكد سخيف وباوعت الفرح الميته خجل وبتسمت
فرح بادلتهه البتسامه مجامله وعيونهه مليانه دموع وراحت الغرفتهه عل سريع دفعتةالباب وشمرت روحهه علةجربايه وتبجي اجت اميره وشهد ويباوعلهه بحيره وستغراب
أنت تقرأ
فرح
General Fictionكيف دخلت في صدري كسكينة آلمتني؟ و كيف اغويتني بحبه كمخدر فضيعتني؟ أأنت سحابة اما راعدة و اما صافية؟ هل سيزيد ذنبي او يخلد حبي؟ < متى ساعترف و ابوح؟ < ان عينيه بحر اغرقني < و ان حبه جهنم عذبني < اخاف ان اقول فيقول ابتعدي < انني اعلم انه حقيقته مست...
