هلا بنات بارت جديد واحداث جديده لا تنسون التصويت والتفاعل احبكم مووت
شهد... شنووو مصطفى والله لو يموت
محمد.. عكد حواجبه وحجه.. ليش
شهد.. بجت وحجت بصوت مخنوك.. ماريده .. وراحت ركض الغرفتهه
قصي.. شنو عود صدك يحجي مصطفى ونته راضي هم نسيت شسوه نسيت شجلون كسر كلب فرح
محمد.. رفع راسه وباوع الفرح التراقبه بهدوء وحجه.. لا مانسيت بس مصطفى مادخله بل صار قبل
قصي.. شلون مادخله فهمني
محمد.. باوع الشهد بنضره متفحصه وحجه بهدوء.. اني اني الطلبت منه يفسخ خطوبته على فرح
فرح.. شنوو
فاتن.. شهل حجي هاذ عود صدك تحجي انته يو جاي تبرر المصطفى
محمد.. هففف لا صدك احجي اني ابوي الله يرحمه حاصرني من كل الجهات وماجان اكو شي يرجع فرح الي غير احاجي مصطفى وسولفتلى على وضعي وافق يفسخ الخطبه وهاذ كل الصار
قصي.. وشحصلت متكلي اشو لا بو علي ولا مسحاته لا من حصلت فرح ولا رتاحيت بزواجك منهه
محمد.. باوع الفرح الجانت تباوعله بنضرت ترقب وصدمه... جانت غلطه
فرح.. جنت منتضره رده ردت اسمع شي منه يريح كلبي بس جان العكس حجه كلمه حسيت كلبي رجف منهه كمت بسرعه ورحت ورى شهد الغرفتهه فتحت الباب لكيتهه تبجي قويت نفسي وتقربت منهه وحجيت
ليش هل بجي فهميني ماتردي خلي يولي عليمن تبجين
شهد.. اني نفسي ماعرف ليش ابجي
فرح.. احجيلي شهد شنو الغثج هيج
شهد.. مسحت ادموعهه وحجت بصوت متحشرج من البجي.. اي خلي احجيلج هوه شي فات وراح خلي اكوله الج خته ارتاح
فرح.. كعدت يمهه على طرف السرير وحجت.. اي اسمعج
شهد.. فرح اني جنت معجبه بمصطفى ومن جنت اشوف شلون معجبه بي انتي جنت انقهر بشكل بس ماكدر احجي جنت اوهم روحي وكول خالتي تحبني ومصطفى هم دايمن يباوعلي ويوصيني على ماما اكيد معجب بيه لن جان دايمن يراسلني ويسأل عليه ويكلي انتي عزيزه عليه وخلاني اطير بشكم كلمه بصيطه مابيهه اي تلميح للحب بس اني جنت اقنع روحي بوهم بس الصدمني وخلاني اكرهه هوه لمن اجه وخطبج فرح ردت اكلج اني احبه اني احبه بس صفنت ويه نفسي وحجيت كلت شنو اني اجذب على روحي هوه يريد اختي هيه العاجبته وهاي سنين اريد انسا ومن بديت اتناسه رجع وفتح كل جرح ضمته من سنين انتي تدرين ليش جنت اوكف بصف محمد قبل لن اني مجربه الحب من طرف واحد اعرف شعوره اعرف لوعته بس الفرق بيني وبين محمد هوه يطالب بحبه واني ضامته جوه صدري عرفتي سبب دموعي فرح لن اني ماجاي اعرف شنو سببهن
أنت تقرأ
فرح
General Fictionكيف دخلت في صدري كسكينة آلمتني؟ و كيف اغويتني بحبه كمخدر فضيعتني؟ أأنت سحابة اما راعدة و اما صافية؟ هل سيزيد ذنبي او يخلد حبي؟ < متى ساعترف و ابوح؟ < ان عينيه بحر اغرقني < و ان حبه جهنم عذبني < اخاف ان اقول فيقول ابتعدي < انني اعلم انه حقيقته مست...
