بعد ما ضربني أمير تئذيت كلش سحبت نفسي ع الحايط وصرت ابچي
گعد أمير ع الچرباية ويدخن ومدنگ راسة وميباوعلي ومخلي أيدة ع راسة
چنت مخلية راسي بين رجلية وابچي رفعت راسي لگيت أمير يباوعلي بكل قهر
رفعت عيني بعينة وچانت نضراتي تگلة (لا يروح نسرين لا تصدگ برويحتك هيچ تسوي وتخونك ولله اني احبك ومستحيل اسوي هيچ)
سكتت وما حچيت هاذ أنور لأن اذااگول عمي رح يصير بي شي ورح تدمر حيات أنور وخايفة ع أمير يرتكب جريمة ويدخل سجن
لان اني اكثر أنسانة حافضة أمير وشگد عصبي سكتت ومحچيت ومن بعد هاي اليلة السودة مر سبوع
وأمير ميحاچيني ولا مخليلي وجود اصلاً وحتى مينام يمي اني كلش تعبت وتئذيت
وبيوم نزلت جوة لگيت الكل مجتمع بلصالة دخلت اودي الچاي وسمع ام أمير تحاچي وتگلة يلا وليدي اريد اشوف چنة تشيلني
وگعت الصينية من أيدي وحترگت رجلي بس ولله بذاك الوقت نهد حيلي شلون أميري يروح لغيري شلون ابو ليدي تاخذة غيري
ليش ابني ميتربة ع أيدي رحت ركضت صعدت للغرفة أبچي صاح أمير نسرين مرديت وصعدت ركض دخلت
ونتچيت ع الچرباية وراسي بين رجلية وگعدت ابچي صرت الوم بروحي صرت اسولف لبگلبي واصرخ گمت كسرت الغرفة
اجة أمير يدگ ع الباب ويگلي نسرين فتحي الباب فتحت الباب ضربني راجدي وگلي شبيچ تخبلتي خلي اشوف رجلچ
باوعت لعيونة وخليت أيدي ع وجهة واني اگلة يروح نسرين صدگ رح تتزوج وتتركني گلي اريدچ گلي مااتخلى عنچ
گلي مااعوفچ بنيتي گلي خليني ارتاح أمير لا تعذبني اني رويحتك وأم أبنك ولله الي جاي يصير ضلم ليش مجاي تحچي ليش ساكت
صرت اضرب ع صدرة وادفعة ع الحايط صار الحايط ورا حضنتة وصرت اشم بي وأبچي رجعت باوعت ع عيونة
گلتلة تريدني موو
ساكت رويحتي ميحچي وبكل فقدان أمل
گلتلة من عيوني بعد حتة وجهي مراح اخليك تشوفة بستة
وطلعت جنطة صرت ألم بملابسي وأبچي وهوة هم يبچي احسة يريد يگلي ضلي يروح امير ماأگدر اعوفچ چانت
نضراتة عتب لكل الدنية بس ولله حاسة بي ولله مالي ذنب ربي ولله مالي ذنب ليش هيچ مجبورة اتعب بحياتي
وأتئذة معقولة مرتكبة ذنب وجاي اتعاقب ع هاذ الذنب
ربي ختبارك صعب بعدت عن امي وابوي وعن عمي ويردون يبعدوني عن أمير
ويردون ياخذون ابني مني ربي اخذوو عافيتي ولله اخذوهة. صرت الم بملابسي واخذت كل عطوراتي
