5- طيب ليه اصلا التشدد دا .. م خليكي عادية ووَسَط كدا وزي كل البنات وإلبسي وعيشي سنك وابقي انتقبي بعدين يا ستي 😁
تشدد 😳 ..؟؟
عادية 😳 ...؟؟
وَسَط 😳 ..؟؟
اعيش سني 😳 ..؟؟
ايه يا حاجة شنطة المفاجآت دي يا حاجة 😂😂
هو اللبس الـ يرضي ربنا تشدد ..
هو الحلال والحرام فيه عادي ومش عادي
مين قالك اني مش وَسط ..
الوسطية بتكون في المباحات مش الحلال والحرام
انا مش عاوزة ادخل دلوقت في نقطة حلال وحرام وفرض ولا سنة
بس خلينا متفقين ان النقاب في زمنا دا خيراً من اللبس الـ (عادي) دا 😏😌
وعلى فكرة مينفعش اكون زي كل البنات ..
البنات كلها فيهم الكويس والوحش .. فيهم الصالح والطالح
انا مسلمة ^^
لازم اكون مثل المسلمات التقيات
لو كل البنات قلعت حجابها مينفعش اكون زيهم وخلاص
احنا لينا شرع بيحكمنا مش ماشيين بهوانا
انا بلبس وعايشة سني وحياتي .. بضحك وقت الضحك وبغني واسمع اغاني بدون معازف وبلعب وقت اللعب مع صحابي واخواتي وبنتي
وبصلي وقت الصلاة .. وبذاكر وقت المزاكرة .. وبخرج وقت الخروج
بغض بصري وانا بره .. بحافظ على حجابي وعلى حدودي وقت اللزوم
لازم اي مسلمة تكون عارفة كدا كويس .. لكل شئ وقته وضوابطه
النقاب مش هيمنعك من انك تعيشي سنك بالعكس هيديلك مساحة حرية اكبر
هيحافظ عليكي ..
ربنا عز وجل لم يضع لنا تشريع او قانون الا لمصلحتنا اولا قبل ما تكون طاعة وعبادة لله
مساحة الحرية انك محدش يعرفك او يشوف ملامحك او يأذيكي
بتقدري تاكلي تضحكي تعيطي في اي وقت ومكان تحته بدون ما حد يتطفل عليكي
هيحافظ عليكي من عيون البشر
المنتقبة في اي مكان آية من آيات الله والله
بتثبت في كل وقت ان طاعة الله وحبه اقوى في قلوبنا من اي فطرة او غريزة
أنت تقرأ
سلسلة النقاب
Short Storyالى كل فتاه لم تقتنع بالنقاب الى الان😞 الى كل واحده حباه ومتردده😕 الى كل واحده عاوزه تلبسه بس مستنيه الامير حسن ييجى علشان تلبسه 🙄 تعالى اقولك انك بعد السلسلة دى والرحله اللى هاخدك فيها معايا باذن الله على نهايتهة هتكونى لبستيه❤ يلا نبدأ الرحله ح...
