الحلقة الأولى ^^
1- انتِ عاوزة تلبسيه ليه أصلا .. ؟!
لازم تكوني صريحة مع نفسك، نيتك ايه في لبسه ؟!
هل عشان بقا موضة .. ولا عشان ال بلبسوه ليهم هيبة كدا 😁
ولا عشان زهقتي من اللبس والاشكال في المحلات وقلتي تضربي عباية ونقاب وتريحي نفسك
ولا زي ناس بيستخبوا فيه من الناس وتعرفي تخرجي وتروحي اي مكان براحتك
ولا هتلبسيه طاعة لله ❤️
واقتداء بأمهات المؤمنين ... وسِتر وعفة وغض بصر .. وحب تقرب لله ^^
أنا قبل م ألبس النقاب ..
اما كنت بدأت احبه واحب اهله واهل الصلاح والالتزام
مكنش ف بالي أنتقب ولا بفكر ألبسه خالص .. كنت بحبه وبحبهم من بعيد وبس
حب من طرف تالت 😅
كنت لسه داخلة الفيس جديد واتكعبلت في جروبات وبنات لقيتهم ع الفيس بيتكلموا عنه
وحبيته من كلامهم عموما في الدين ومن كلامهم عنه ...
وكمان لقيت جدالات كتيرة عليه وقتها
ناس بتقول فرض وناس بتقول فضل وسنة مستحبة
بقيت سنتين مشغولة بيه هل فرض زي م بيقولوا .. وهتحاسب عنه 😥
وبحثت كتير وقريت فتاوى وكتب ...سنتين او اكتر وانا اول م اوصل الشغل وافتح الكمبيوتر افضل وانا شغالة في ملفات وحاجات تبع الشغل .. اكون فاتحة نافذة ع الجهاز ع جنب وببحث عن النقاب وآراء العلماء
وقريت كتاب شبه الرواية عنه 💕😍
سألت ودعيت ربنا لو فيه الخير ييسره ليا
قلبي انشرح بصراحة ^^
وحسيتها وقتها سُنة جميلة فيها ستر وجمال وعفة وحياء (وقتها كنت مقتنعة انه سُنة)
كنت بحاول اخلي نيتي مخلصة لله بدون اي اسباب تانية الا بس طاعة لله لو كان فرض بجد
مع البحث ومع الوقت وحيرتي في كلام العلماء خاصة بعد م سمعت فيديو للدكتور العريفي
(عشرين دليل على فرضية النقاب)
واتأكدت انه فرض .. واني لازم ألبسه في أقرب وقت خلاص
لاني حبيته جداا ❤️😭🙈
ولانه فرض اقتنعت اني كدا أُقيمت عليا الحُجة بعد البحث واتأكدت يبقا لازم ألبسه 😰
كنت خايفة ومضايقة لاني كدا امام الله انا آثمة بخروجي سافرة
فكرة اني مجرد م بنزل م البيت بوجهي عداد سيئات شغال لحد م ارجع بتخنقني 😓
وزادت حيرتي لان ظروفي في البيت لا تسمح ألبسه واهلي مش هيوافقوا
وكلمتهم فعلا ورفضوا 😭💔🥺🤧🤧
بس برضو لبسته 😁
هحكيلكم باقي القصة مع باقي النقاط 😎
المهم لازم تحددي هدفك امام نفسك وامام الله عز وجل
" اصدقي الله يصدقك " .. انا لبسته بعد سنين والجملة دي هي ال كانت بتصبرني
كل م كنت افقد الامل كنت اقول الوقت اللي هصدق فيه مع ربي هيتيسر
وهييسرلي لبسه من غير حولِ لي ولا قوة
أنت تقرأ
سلسلة النقاب
Historia Cortaالى كل فتاه لم تقتنع بالنقاب الى الان😞 الى كل واحده حباه ومتردده😕 الى كل واحده عاوزه تلبسه بس مستنيه الامير حسن ييجى علشان تلبسه 🙄 تعالى اقولك انك بعد السلسلة دى والرحله اللى هاخدك فيها معايا باذن الله على نهايتهة هتكونى لبستيه❤ يلا نبدأ الرحله ح...
