حُلم ميلي"تائهة في حُلمها"

إختراع جديد؟!

حُلم ميلي
الفصل الثاني "إختراع جديد"

بقلم دينا هاني
________________________________
الجميع يخشى اشياء متعددة
كالقطط ، الكِلاب ، ....إلخ
أما عني
فأنا أخشى الجميع'
دينا هاني
________________________________

في غرفة ليان
تنظر ميلي لليان بفضول
أما عن لارا فهي تنظر لها بنفاذ صبر
قالت ليان بتذكر و هي تنظر للفتاتان بجدية
- أه أه الحاجة الجديدة

ثُم قالت بخبث لهم : في جهاز طالع مؤخراً مُمكن يدخلك
ال...ثم صمتت قليلاً و هي تنظر لملامحهم و قالت
مُمكن يدخلك الحِلم يعني ممكن ندخل كُلنا حِلم أي واحدة فينا
قالت كلماتها و هي توجه نظرها لميلي بخبث و حماس

و لكن عكس المتوقع إنتفضت لارا من مكانها بذعر و لم تتحرك ميلي و جهت لارا نظرها برُعب لميلي و هي تقول بعدم تصديق
- هو كان عارف منين إنك رايحة لُه؟
ثم أخذت تنفي برأسها و هي تقول / أنا مكُنتش مستريحة للأول كُنت عارفة إن في حاجة غاط

قالت ميلي بهدوء غريب عليها و هي توجه حديثها لليان : إشرحي أكتر يا ليان معلش إزاي في يوم و ليلة إخترعوا جهاز زي دا؟
و كُلنا هندخل الحلم إزاي يعني

قالت ليان و هي تحاول أن تجعل الموضوع بسيط و سهل لهم : هو جهاز موجود من مُدة بس كان غالي أوي و كُنا إستحالة مهما حصل نعرف سعره فخبيت عليكوا الموضوع عشان ميلي متتعشمش على الفاضي خصوصاً إني عارفة موضوع أحلامها الغريبة دا
لكن الجهاز دا يعني سعره بقى معقول و زي مقولت ليكوا إن في بنت أعرفها بتبيعه مُمكن تخفف ليا السِعر كمان
ثم نظرت لهم بإستمتاع و هي تقول
- و بعدين إنتوا خفتوا كدا ليه أنا شايفة الموضوع مُمتع و أنا أصلاً زهقت من المكان إللي بقى سجن لينا خلاص دا و بقالنا كتير فيه ف ليه منغيرش