သူတစ်ယောက်တည်းနေတဲ့ကွန်ဒိုဆီရောက်တော့ ကားသော့ကိုလုံခြုံရေးကိုပေးပြီး ပါကင်ထိုးခိုင်းလိုက်ရာ သူနေတဲ့အထပ်ရှိရာသို့ အေးအေးလူလူသာတက်သွားလိုက်တော့သည်။
သို့သော်လည်းတံခါးပိတ်နေတုန်း နှစ်ပေါင်းများစွာလေ့ကျင့်ထားတာကြောင့် တစ်စုံတစ်ခုမူမမှန်တာကိုခံစားလိုက်ရသည် ။ မျက်လုံးထောင့်ကနေဖျတ်ခနဲမြင်လိုက်ရတဲ့ အရိပ်ကသူ့အတွေးတွေမှန်ကန်နေကြောင်းအတည်ပြုပေးလိုက်သလိုပင် ။
မသိချင်ယောင်ဆောင်ကာ တံခါးပြန်ဖွင့်ပြီးလှည့်ထွက်မလို့အလုပ် တစ်ဖက်လူကသူ့ထံတဟုန်ထိုးပြေးဝင်လာတော့သည် ။ စုတ်တစ်ချက်သတ်ကာ ထိုလူကိုင်ဆောင်လာတဲ့ဓါးကိုရှောင်လိုက်ပြီး လက်တို့ကိုနောက်ပြန်လိမ်ကာ မျက်နှာကိုနံရံမှာဖိကပ်ထားလိုက်တော့သည် ။ တစ်ဆက်တည်းမှာပဲ သွေးအေးစွာဖြင့်
"ဘယ်သူခိုင်းလိုက်တာလဲ"
"မ..ပြောနိုင်ဘူး"
ပြတ်တောင်းပြတ်တောင်းဖြင့်ပြောနေသူကြောင့်စိတ်မရှည်တော့ပေ။
"အကြောတင်းမနေနဲ့ မင်းမပြောလည်းကိုယ်ကမသိဘူးထင်နေတာလား"
"ဆိုတော့အသေခံမလား ကိုယ့်ဘာကိုယ်သေမလား ရွေး"
"....."
"တိတ်ဆိတ်နေပုံထောက်ရင် ဒုတိယရွေးချယ်မှုကိုလုပ်လိုက်တယ်ထင်တယ်"
"မင်းဘာတွေလာပြောနေတာလဲ"
"အခုတော့လွှတ်ပေးလိုက်မယ် မင်းကိုခိုင်းလိုက်တဲ့သူဆီစကားလေးပါးပေးပါဦး ။ ပတ်ဂျီမင်းကလွယ်လွယ်နဲ့မသေဘူးလို့"
"ပြီးတော့သေမယ့်ရက်ကိုရေတွက်ရင်းထိုင်စောင့်နေလိုက် ကိုယ့်ကိုလာထိရင်လွှတ်ပေးရိုးထုံးစံမရှိဘူး ။ ပြေးနိုင်သလောက်ပြေး အဆုံးသတ်ကြကိုယ့်လက်ထဲသေရမှာပဲ ။ နားလည်လား သွားတော့!!"
ဟုဆိုကာတံခါးအပြင်သို့ဆွဲထုတ်လိုက်ပြီး ပြန်ပိတ်လိုက်တော့သည် ။ ထို့နောက်ဝီစကီတစ်ခွက်ထည့်ကာပြန်ထွက်လာပြီး ဧည့်ခန်းတွင်ထိုင်နေကာ ဖုန်းတစ်ခုကိုဆက်လိုက်တော့သည် ။
YOU ARE READING
Jeonphile //Kookmin//
Fanfictionကြိုးတွေကိုရှောင်ရှားခဲ့သော်ငြား ဂျွန်ဆိုသောလူသားထံ နှောင်ကြိုးလေးတစ်ခုကိုခိုင်မာစွာ ချည်နှောင်ခဲ့မိသည် ။ ႀကိဳးေတြကိုေရွာင္ရွားခဲ့ေသာ္ျငား ဂြၽန္ဆိုေသာလူသားထံ ေႏွာင္ႀကိဳးေလးတစ္ခုကိုခိုင္မာစြာ ခ်ည္ေႏွာင္ခဲ့မိသည္ ။ Start date: 20.07.2022 End date : Not...
