إنتقام شرس

بداية عذابك يا قطتي

وفجأة قلبك يدق للشخص الغلط فتزيدي فوق وجعك وجع🫀💔💔
_________________________________________

وصلت أسيل قدام البيت ووقفت في الشارع وكانت بتعيط وشافتها مروة

مروة : أسيل مالك إنتي كويسه

أسيل بدموع : ولا حاجه يا مروة

مروة : لا فيه حاجه طمنيني عليكي

أسيل بصوت منخفض : مفيش يا مروة إفتكرت بابا بس

وبدأت أسيل تترنح في وقفتها فقربت مروة منها ومسكتها وأول ما مروة وصلت ليها أسيل أغمي عليها

مروة بصوت عالي : مااااازن يا ماااااااازن أسيل أسيل ردي عليا

طلعت مها علي الصوت وأول ما شافتها جرت عليها 

مها بصدمه : أسيل أسيل يا منال يا مازن حد يلحقناااااا

البيت كله طلع يجري على الصوت والشارع إتلم ومازن طلع يجري على أسيل شالها ودخلها البيت وحطها على السرير

الجده سماح بدموع : إيه اللي بيحصلك يا بنتي

مها : خد يا مازن برفان أهو خليها تشمه

أخد مازن البرفان ورش على إيده وبدأ يشمم أسيل ف بدأت أسيل تفوق

منال : أسيل إنتي كويسه

أسيل بإبتسامه : اه كويسه متقلقوش

مها : إيه اللي حصلك

أسيل : مش عارفه دوخت مره واحده ومحستش بنفسي

مازن : فطرتي

الجده سماح : لا طلعت من غير ما تفطر

مازن بغضب : يبقا بسبب كدا حضريلها يا مروة حاجه تاكلها

وطلع مازن من الشقه بغضب

مروة : طب يلا يا جماعه إطلعوا خلوها ترتاح شويه لحد ما أحضرلها الأكل

الجده سماح : أيوا يلا بينا

طلع الكل من الغرفه ودفنت أسيل وشها في المخده وقعدت تعيط

أسيل بوجع مميت : إنت لو كنت معايا مكنش حصل فيا دا كله شوفت سيبتني لمين يا بابا وحشتني أووي ياللي من بعدك عيشت مكسورة ومليش سند يااارب أنا أسفه والله ياارب غصب عني سامحني بس هو وحشني اوووي والله ياارب وحشوني أووي إنتم ميتين بقالكم تلات سنين ونص ومع ذلك لحد الأن مش قادرة أستوعب إنكم مش معايا أنا حاسه إنكم فى رحله وهتيجوا قريب كنت أتمني تكونوا معايا دلوقتي يارب محدش يعيش الإحساس دا في يوم من الأيام لأنه إحساس موجع أوووي

أغنيه ( ناقصني أمان _ نورهان المرشدي )

أنا مش قادرة أصدق لسه إن إنت سايبني
وإني خلاص مش ممكن أشوفك وتكلمني
طب مين بعدك يدي حنانك ويطمني
مين هيطبطب مين هشكيله وهرمي عليه
راح السند اللي مقويني وبتحامى فيه
مكسور ضهري وإحساس عمري ما حسيت بيه
أنا مشبعتش منك لسه ناقصني أماان
ااه لو ينفع ترجع أشوفك حبه كمان
إنت سامعني رد عليا أنا قلبي وجعني
الأيام من بعدك صعبه ربنا بعدك عني
أنا مشبعتش منك لسه ناقصني أمان
ااه لو ينفع ترجع أشوفك حبه كمان
إنت سامعني رد عليا أنا قلبي وجعني
الأيام من بعدك صعبه ربنا بعدك عني