بما انو تمر علينه الذكرى الثامنه لشهداء سبايكر
اليوم قصتنه عن شهيد من مجزرة سبايكر
طبعا الشهيد صديقي صديق الطفوله والدراسه
أسم الشهيد علي حسن فليح المعموري
الملقب شهيد الصلاة
ونبدي وياكم عن حياته واستشهاده
أسمي علي وعيت للدنيا احنه اربع أخوه وبنت وحده
اني تسلسلي ثالث واحد بلعائله
وعيت على دنيا ابويه كصاب هوه وعمامي يشتغلون
بلكصابه يذبحون طليان يعني موكصاصيب
جنه عايشين بمنطقه شعبيه دائما جنه جهال المنطقه
بلشارع ودائما نلعب ومتونسين حيل واحنه جنه جيل
كلنه نفس العمر واني جنت المشاغب مالتهم ودائما
اتعارك ودائما فرعنه يتعارك ويه الفرع الثاني نروح
نبسطهم ونجي صرنه بالمدرسه كلنه نروح سوه ونرجع
سوه بالمدرسه صرنه كلنه بنفس الصف دائما جان
صفنه تلكاه هوسه ودائما نترزل من المعلمين لو ننبسط
بدينه ننجح كل سنه الى صرنه بصف السادس
بدينه نروح نتعارك ويه غير مدارس خبثاء حيل جنه
رحنه للمتوسطه قلت مجموعتنا لان منطقتنا الكاعدين
بيه تقبله متوسطات ثنين فتوزعنه على مدرستين
نداوم الصبح والعصر نلتقي كلنه بلمنطقه لو نروح
للساحه نلعب طوبه لان اصدقائي يحبون الطوبه
بس اني موكلش احبه بس اروح على واهسهم والعب
وياهم بلمتوسطه وصلت للثاني رسبت وجماعتي نجحو
داومت ثاني سنه الداومو وياي مو اصدقائي خرب
واهسي من الدراسه لان جماعتي ماهمه بطلت من
المدرسه وكمت اطلع ويه ابويه للشغل اساعده وجنت
فرحان لان ابويه ينطيني فلوس مال الشغل وياه
اني اخذ جدي منا اجي اصرفه منا اشتري منا
كبرت صار عمري 16 سنه بديت كمت العب حديد
وصار جسمي كولش حلو جسم مفصل وعضلات
وبديت العب بليارد حيل حبيت هاي اللعبه وصرت
قوي بيه تعرفت على صديق بقاعة البليارد اسمه مخلد
وصار صديق اليه بيناتنه طبه وطلعه ويوميه نلعب
بليارد سوه بعده صار عمرنه 18 صارت تعيينات على
جيش قدمنا اني ومخلد على جيش وطلع اسمنه
