طول ما بتضيق عليك أوي وتلاقي نفسك مكمل في دعائك، اعرف انك ماشي صح!!🕊
اليقين هو ان كل الأمور تمشي عكس دعائك ومع ذلك تفضل مكمل حسن ظنك بربك لأنك عارف "انا عند ظن عبدي بي"
انك تفتكر ان ربك قال "لعل الله يحدث بعد ذلك أمراً"
انك تفتكر ان لو ليك نصيب في حاجة هتجيلك هتجيلك و ان ربك قال "وهو على جمعهم اذا يشاء قدير"
ان مهما كان الأمر صعب ومتقفل ربك قال "هو عليّ هيّن" !
وان الأمور مهما اتقفلت تبقى متأكد ان "الله لطيف بعباده"
يا طيب القلب تدخُلات ربنا دايماً بتيجي فالوقت المُناسب مهما كانت الحياة معقدة.. فسُبحان الله المُدبر ،
عارف الغريب ان أهل السفينة عاشوا وماتوا مايعرفوش ان سيدنا الخضر لما خرق السفينة كان بينقذهم من ملك ظالم، ويمكن أهل الغلام فضلوا طول عمرهم بيدعوا على اللي قتل ابنهم .. حكاية سيدنا الخضر مع سيدنا موسى مش بس بتقول ان فيه حكمة إلهية في كل إبتلاء و ضيق ، لا كمان بتقول ان مش لازم أهل الإبتلاء يعرفوا الحكمة منه، ودا الإختبار الأصعب..
مش لازم ربنا يقولك -هو- عمل كده ليه، مش لازم تعرف الرواية التانية للحكاية، عشان كده الصبر مش مجرد صفة محمودة، الصبر بيقصقص جناحات الإنسانية اللي بترفض التسليم بأمور ماتعرفش الهدف منها، الصبر معجزة،
ولو مش مصدق افتكر نبي الله ايوب "وبشّر الصابرين"❤️
#في_حب_المصطفى_ﷺ
