📮🕊️
"لمة العيلة فى المصيف" عائلات كتير بتكون حريصة عليها ..
وكمان مع غلاء الأسعار دلوقتى زاد الإقبال على الفكرة علشان يتقسم ثمن إيجار شاليه المصيف على العيلة كلها.
فركزوا معايا فى الكلمتين دول لو حد ناوى يطلع مصيف مع عيلته الكبيرة 😎
🚫 الاختلاط الشديييد اللى بيحصل فى شاليه العيلة ماينفعش تماما لإن مثلا لو إنتى بنت فزوج أختك مش محرم ليكى ولا زوج خالتك وعمتك بردو 🤓
ولو إنت ولد فطبعا بنت خالتك مش أختك ولا بنت عمتك بردو 🤓 إلا إذا كنتم اخوات فى الرضاعة فدي حالة تانية😎
والكلمتين اللى فوق دول معناهم إن الضحك والهزار واللعب اللى بيحصل ماينفعش.
معناهم إن لازم البنات تلتزم بالحجاب الشرعى حتى لو جوه الشالية طالما قاعدين وشايفين بعض شباب وبنات غير محارم.
معناهم إن لازم غض البصر بين الشباب والبنات وإن الكلام بينهم يكون بضوابط.
معناهم إن ماينفعش تماما خلوة بين بنت وشاب مش محرم ليها.
معناهم إن لازم يكون فيه رقابة وتوجيه من الأهل على ولادهم وبناتهم وخصوصا لو كانوا فى سن المراهقة.
🎤 وكلمة أخيرة خليكوا عارفين إن حدود ربنا مش قيود .. الحدود هدفها تحمينا من المخاطر لإن ربنا هو اللى خلقنا وعالم باللى يُصلحنا واللى يُفسدنا.
#فقه_الصيف
.
