السلام عليكم حبايب
عيني جماعة الواتباد حتى لاتزعلون 😌
.
.
.
مشهد من القصة الجديدة ..
- لحظات فاصله بيت الطفوله والصبا والشباب خطت بقاموس قلبي بدقات ترجمت تخطيطها كل امنيه تمنيتها بكل ليله دعوت ان يكون نصيبي شبه منه
اتزان وشيم ورجوله تعدت مفهومها الحالي اعادني الى زمن قديم بهيبته شيء تمنيته وتحقق بالفعل بشخصه
طببتني خالتي ووكفت يمنه حتى هي مرتبكه اني منصيه راسي كالت
- يمه ( ولي ) هاي مريتك بعد احجوا سولفوا حتى يصير تقارب
مرد عليها لازم طرف البرده اباوع لايده على نصيتي يتلمس قماشها حافي رجله ضخمه وثلج وبي كم شعره مالت للون الحوزي
همست امه
- نزعي حجابج يوم انتي مرته حبيبتي
اني لزمته من خلت ايدها على راسي متوسله بهمس
- لا خاله فدوه
واجه صوته
- عوفيها خليها براحتها يوم
- لعد اني انزل الجدرعالنار
هي نزلت لو اني متت بس صوت نفسه اسمعه وال احمم
دقايق وشفت رجله تقدمت ناحيتي بله وعي كمت اعصر بايدي الباب ورايه وين ارجع بعد
خطوتين ووكف ورد مشه كعد عالكرسي مال غرفه كال بحسره
- تعاي كعدي
التفتت على نصيتي وين دياشر عالجربايه كباله
مشيت شوي كال بنتره بس كوه ضاغط عروحه
- كعدي شبيج
- اي
كعدت وبده يحجي
اول شي كاله
- عجبتج الغرفه
هزيت راسي موافقه
وكمل كلام
- عذريني يعني ارتبطت حيل الشغل اخذني وولا لحكنه نطلع مثل المخطوبين لا تلفون
هزيت راسي
كمل كلام
- شسوي شغل صار واني استغل الفرص حتى اهيألكم عيشه نظيفه
بقيت منصيه شكوله كمل كلام بأروع جمله عاطفيه
- مادري شو منا خطبت منا الشغل شلال وجهج كلش خير عليه
رفعت راسي صارت عيني بعينه صفن وابتسم وغمض شوي
همس
- فدوه ل الله
رجعت نصيت لا زمتني الابتسامه جر حسره ووكف تحرك من مكانه تمشه توقعت حينزل تحول وكعد بصفي
اني احس روحي شمعه ومعت
كال
- ليش متنزعين الحجاب الطريق كله اتخايل شعرج بس ردت احس بيج شي راجعه الي
مكدرت اتحرك حركه حسيت بايده بهدوء تحركت على راسي ووخر المغرز
استسلمت مغمضه ونزل الحجاب بعده بكل هدووء
وتلمس شعري ضفيرته مره مرتين والثالثه
همس
- جججججج شون نعومه تبارك الرحمن
التفتت عليه شفت عيونه طفت هاي الهلوسعهن نعست من انداريت عليه تقرب باس راسي وضمه لركبته
روحي رفرفت
خوف
ارتباك خجل خجل خجللللل وهيام بي
ضمه لركبته وميل راسه على راسي مكزكز همس باسمي
