بارت ٤٩
#أماً_لهُن
#مريم_السعدي
ازل ....
ايامنا مو سوه ساعه ضلمه وساعه شمس تسطع
ساعه حلو وساعه مره
ساعه تحس روحك كلهم وياك وساعه تتخيل وحدك وخايف
واني
عمري مندمت على قراري باختياري لرائد بس اتمنى اسمع منه غزل دلال حبيب لحبيبته مو اب لو صديق اصبر بروحي باجر غير باجر يكون كلشي بحياتي اكون الاولى بحياته
راكان اتصل ضهريه
رديت
- ها راكان
- بدلي راح امر عليج
- شكو
- دنروح بيت وسناء كاعد اني وسيدار وعمي
- لك عزه سيدار بيا حال
- لا والله هو كلي مدام نويت توكل بالله لتبرد وتخطبلك وانت متدري تره مخلت واحد بالعشيره مشتكت عده عليك
- واني شكو دااجي بيبي كافيه
- لا فدوه
- راكان ماريد
- كيفج بس هاي وحده وياج
- وداعتك بالمهر والخطوبه والعرس تلكاني مشط بسلاحك
- روووح هله بالضلعه
- ههه تدلل
جر حسره كال
- ادري صعبه عليج
- اي والله يتفتفت كلبي بس ادري ترتاح بتربتها من انت ترتاح وتستقر
- ادعيلي
- يابه شخبصتني ادعيلي ادعيلي عبالك سيد بعمامه
- ديله روحي عابت موصوجج صوجي
- ااكولك
- ها شكو
- اا شسمه
- شكو الغي
- رائد يمك
- اي هو احنا ببيت الحجيه وسيدار بايت هنا ديختنك خطيه وعايف مرته بيت اهلها
- الله يساعده
- ليش دتسالين
- لا صار ٣ ايام ممتصل فدااسال
- باجر تشوفي بالشغل
- ان شاء الله
- باي
- هلاو
- سديته منه ساعتين ودكت وسناء
جنت على اعصابي خايفه عليها دكت كالت
- قبلت اختي
- انتي شنو رايج
- اني اريد اخوض ويا حرب واعينه ويعينني اريد اساعده
- متأكده من قرارج
- اي متاكده
- الله يوففقج بحياتج انت ويا
- امين ويوفقكم انتي والاستاذ
سديته منها وغمضت وهاي اول عقبه كدامك وكعت عيش حياتك راكان اطلع من اكتئابك واحلامك تعديت الخط الاحمر يكفي سنتين يكفي والله
- هاا تحجين وي نفسج
- تعاي عسل لا جنت اسولف وي صديقتي ها شبيج شكو
- لاهيج
- لا عدج شي
- مقهوره
- ليش شكو
- على حسن
- حسن خال يحيى شبي
- وج عيني مات على لوزه
- اي شكو بيها ميروح يخطب
- هنا المصيبه دز مرت خاله ومرت عمه صدك يرفضون
- لاااا ليش
- مادري هسه حسن خابر خطيه يكول مداكدر احصلها اريد افهم شكايلين خاف مخربطين بالحجي ليش رفضو
- خابريها
- مو خابرت كالت ماكدر احجي الولد يمي بس خطيه كوه تحجي
- انقهرت على حسن
- متت قهر عليهم حتى لوزه تموت علي
- ميخالف هسه يجوز مره لخ يروح وينطو
- مادري خايفه والله من كلي بطني لوتني لو تشوفي هو شون يحجي يتوسل خطيه فدوه لكلبج وفدوه لعمرج يكولي والله راح اموت اليوم شديت الستلايت بالشقه غير اتخبل اذا مقبلو
عسل ....
ثاني يوم مجان اكو دوام بس لوزه داومت خابرتني من الجامعه
- ها ولج وينج
- هلاو عسل بالجامعه
- شكو ماكو احجيلي
- شحجي صخام وعزه
