الحرمان

البارت الاول

مرحبا
قصه بعنوان الحرمان

تتحدث عن ثلاث اخوات ثنين توأم ووحده صغيره

الجبيره اسمها ميس
والوسطانيه اسمها مروة
والصغيرة اسمها جيان

ميس:
عايشين اني وخواتي. امي ماجان عدها ولد وهذا الشي جان حيل يقهرها جانت كلما يجن عماتي يعيرنها لان ماعدها ولد وخلفتها بس
بنات
معامله اهلي النه جان مو حلوه دائما تضربنا امي. اذا ما نضفنا وما سوينه الي تريده
ارويلكم القصه من عمر ال 9سنوات
احنه جمالنا عادي حالنا حال اي بنات شكلنا عادي كلش
جنه كاعدين بالغرفه اني واختي مروه وجيان
جيان جانت صغيره ومحبوبه ف محد يحاجيها
اما التنضيف علينا اني ومروة
والاماعين يوم عله مروة ويوم علي
جانت الساعه ب 11بليل
جنه ننام من نوكت بس اليوم ما اجاني نوم وارق مو طبيعي. تذكرت انو ابوي اليوم صعد لدوامه
يداوم 15يوم ب15يوم
طلعت اصعد لامي
وصلت يم الباب ستوقفني حديثها وهيه تكول
:ههههاي حبيبي انته اي والله اليوم راح فخت من عده المهم حبيبي اني مشتاقتلك هواي اريد اشوفك تره اني احبك

:اوووه حبيبي اريدك يمي يمته يجي اليوم الي اتطلك منه واجي اكعد بحضنك
-------
خليت ايدي عله حلكي واني نافيه الي سمعته
معقوله امي هيج تسوي وتحب واحد ثاني معقوله
لعد وحبها لابوي معقوله كله تمثيل وهيه ماتحبه
نزلت اركص لمروه. لكيتها نايمه
بقيت اضرب بيها واني ابجي اريدها تكعد ماكو ماتكعد
ولج مرررررروة اكعدي فدوه حبابه
باوعتلي وعين مفتوحه وعين مسدوده

مروة: ها شتردين المن مكعدتني يعني حته بليل واحد مايرتاح
ميس: ولج اكعدي اخ بويه راسي صعد الضغط يمكن ولج راح اموت والله
تعاي اكعدي
سمعت امج هيج تحجي؟
هسه شسوي ولج والله اذا عماتنه درن يسونه مزق ويخلنا ننام بالشوراع

مروة: ميس انتي متاكده من كلامج خاف جنتي تنعيسن ومتسمعين عدل خليه هسه واسكتي لاتكولين لواحد ترة بس تكولين والله يكتولنه اني وانتي وجيان وامي.
ف احسن النه انو نسكت

مرت الايام عادي بس اني ما احجي وي امي بس انضف واروح للغرفه اكمل قرايتي

صابني فضول وبقيت يوميه كلما ينامن جيان ومروة اروح اصعد وابقه اسمع جان كلامها مقرف حيل ولعبت نفسي منه هواي
حته امي لعبت نفسي منها معقوله. يعني معقوله امي هيج تسوي وهيه يضربون المثل بحبها هيه وابوي

رحت نمت كعدت الصبح وكعدت البنات لبسنه ورحنه للمدرسه صادف اني سادس وبكلوريا ولازم ادرس واذب جهدي
بقيت ادرس ومالي شغل بأي احد وقررت اعوف امب لان ادري بيها بس اكلها اني اسمعج راح تذب السالفه علي

نمت بليل وتذكرت باجر خميس يعني باجر راح يجم عماتنه ويبقن هنا يومين
اااخ يابويه يعني كولي ميس حيطيح حضها
وباجر ابوي ينزل من الدوام اخ يابابا لو تدري بالمضموم