رواية الأصداف
بقلمي الكاتبة.. ♕bmbsh_beme♕
التلميح بالحب أكثر لذة من الإعتراف به ❤️
........................................................................
شفته طب للمحل باوع يدورلي شافني وراح يم ابو المرطبات جايب عصير واجه باتجاهي مشينه برزانه وكلش أنيق لابس تيشرت زيتوني وبنطرون ابيض.
جر الكرسي وكعد كبالي وكال... ها السلام عليكم
هيلين... وعليكم السلام
خله العصير كدامي وكال جربي عصير الرمان المالح
هيلين... المالح
ضرغام... اي حامض ومالح بس كلش طعمه طيب
هيلين... تسلم بس المفروض اني اشتري
ضرغام... ماكو فرق. اني او انتي اي اشون صارت بنت عمج
هيلين... تعبانه كلش بس هيه جابتها لنفسها وما تسمع نصيحة من احد جنت كلما احاجيها تضوج مني
ضرغام.. شتحاجيها
هيلين... يعني اكللها لو يحبج يخطبج واكثر من مره كتلها صورج لا تدزيها وما يفيد
ضرغام... متثقين بشخص لو شنو
هيلين... اكو اشخاص شكد تستلطفهم وتشوفهم كبار بعينك بعد فتره يثبتولك العكس ف ما اثق بأي شخص
ضرغام... تثقين بيه
باوعتله معرف، شنو ضرب ميانه لو شنو رديتله
اشسويت ويه هذا الشاب
ضرغام.. ليش تغيرين الموضوع السويته مو كافي يعني يخليج تثقين بيه
كمت ومشيت لزم ايدي يريد يوكفني باوعت الناس كلها تباوع حجيت بهمس وصاكه على اسناني... ديربالك تتجاوز حدودك ونترت ايده ومشيت هوا بقى كاعد
وصلت للعياده واذاني احس تطلع منها نار من العصبيه وألوم بنفسي ليش هيج خليته يحل المشكله ويساعدنه
حيبقى وراي ميعوفني الضاهر عباله اني مو خوش بنيه وحقه شافني راسلته وحجيت وياه اتصال واجيت التقي بي
حقه حقه امشي وادردم وصلت للعياده حاجوني انسام وبراء حتى مرديتلهم طبيت للغرفه لحكتني براء طبت وسدت الباب كالت
براء... شبيج خوفتينه عليج شكو
هيلين... ما بيه شي
براء... احجي هاي عصبيتج وتوترج قلقني
حجيتلها كالتلي
براء... ترا كلش عادي ليش هيج خايفه منه لو نيته غير شي جان بين ترا
هيلين... لا ابد تلكينه مثل هيثم تشوفينه بس الخلقه تعجب وهم يطلع مو خوش ادمي الزلم كلهم هيج كلهم مثل هيثم وكمت ابجي
أنت تقرأ
الاصداف
Romance............................................. كانت حياتي أشبه بثرية جميلة تسر الناضرين اليها كل من يراها ينبهر لجمالها ونضافتها واطلالتها الجميله كانت توضع بحذر وخوف حتى لا تمسها القذارة والاتربة فقام أحدهم واعطاها لشخصا ما اكراما له أخذها لكن ل...
