بسم الله الرحمن الرحيم
..... اني فرح اصلي بصرة بس عايشه بغداد وتالي رجعت للبصرة ومن خلال القصة راح تعرفون ليش هلتنقلات عمري حاليا 26 سنة مدرسة لغة عربية عندي ام واب واخ اكبر مني وخوات 2 بالبداية جنت عايشه بلبصرة ابوي صار شغله ببغداد وطرينه نروح جان بوكته عمري 12 او 13 سنه هيج شي عايشه حياة عاديه جنت المدلله عند خوالي وبعدين عرفت السبب امام عمامي ابد ميحبوني بلشت قصتي من دخلت للجامعه وتعرفت على شخص اسمه محمد صارت بينه علاقة حب بس هل علاقه ابد مبيه شي عيب او موزين استمرت علاقتي بي 5 سنوات وممخليته يلمس ايدي بس الي صاار انو محمد جان سني واني شيعيه وبعد التخرج متفقين نتزوج بس وكفت بوجهنه والدته وخيرتني اما محمد او مذهبي وشي اكيد راح اختار مذهبي مريت بحاله نفسية صعبه بسبب الي صار بس الله سبحانه وتعالى راد اخفف عني هلشي ودزلي الصدفه الي اعتبرها احلى صدفه بحياتي من هنا راح تبلش قصتي
.
.
.
.
يوم 10/10 الساعه 12:42 شفت بلصدفه ستوري لولد(قهد) وجان يحجي بي عن الحياة وهيج شي رديت علي
فرح... لتشكي لاحد وضم كل الي بكلبك بكلبك لا تحجي لاحد
فهد.... فعلا بس مبين من نشرج انتي هواي مهمومه
فرح ... اي والله بس الحمدلله على كل حال
فرح.... الحمد لله
هاي اول مره احجي ويا بعدها ظلينه كل واحد ينشر الثاني اعلقله قوة علاقتنه واحنه واحد حتى ميعرف اسم الثاني
فهد... صدك انتي شنو اسمج شكد عمرج كلشي معرف عنج
بوكته خفت فمنطيت بس اسمي الحقيقي وبقية معلوماتي جذب
فرح .....اسمي فرح عمري 26 سنة موظفه من الكوت وانته
فهد.... هاي ليش هيج فرق بيناتنه هواي انتي اكبر مني
فرح....هههههه ليش شكد عمرك
فهد ....18
فرح.... تحجي صدك ممبين عليك
فهد....ايي الكل اكول نفس الشي مبين شكلي اكبر من عمري
فرح .... مو بس هيج حتى طريقة حجيك وتفكيرك اصلا عبالي اكبر مني
فهد.... هههههه هاي شنو بس هو العقل مو بلعمر
فرح.... فعلا وانته اكبر دليل
فهد.... ههههه شكرا
فرح..... وانته شنو اسمك
فهد.... اسمي فهد
فرح .... عاشت الاسامي بس اني لازم احرف الاسم راح اسميك فهيد
أنت تقرأ
سندي 🖤🖤
Chick-Litقصة حقيقية .... راح اتكلم عن احداث مرت خلال اخر فتره بحياة فرح الي تغيرت حياته وبلشت المشاكل تجيه ما تعرف منين بس جانت دائما مؤمنه بقوله تعالى ﴿لا تَدري لَعَلَّ اللَّهَ يُحدِثُ بَعدَ ذلِكَ أَمرًا﴾ اتمنى الكم قراءة متتعه والقصة تنال اعجابكم
